RASUL 2:43 - PERJANJIAN BARU NALCA YUBA

⁴³ Obadya nang Imik Neyung yuba lenaʾ gak nang edya, yokaʾ-yokaʾ senenggom lok so ununaʾ ab, lok so beknaʾ ab danyek, nauba unulumek dara, nimi nidyaʾ ganya loka daboka ulumek.

RASUL 2:43 ပူးပေါင်းရင်းမြစ်များ

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

LUKAS 7:16

Dara nimi nidyaʾ lok ganya boboka Imik Neyung ak gigilemek. Anya sikja dara, ”Senenggom ununumnaʾ lesinya bera nu gangganek sam seleb lanawal. Imik Neyung ara alja mabo silibaʾ ak blebnunaʾ aboka, wera seleb yok!” alamek.

LUKAS 8:37

Dara Gerasa mok sokok nimi nidyaʾ ara, hyak lok ganya bobekaʾ anasa, Yesus ak, wera anda nunja mok unaʾ ara lo binilam aboka wenyal byik. Anasa Yesus ara mek ekla bunaʾ ak bukoka saaboka yek.

YOHANES 14:12

”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.

RASUL 2:22

Onoʾ Petrus sikenek wenyasuk, ”Nadya hemyab Israeli nim o, nadya ugunuk ban dib lebnesin anyek keblulum. Yesus Nazaret mok ebnya bera, Imik Neyung adya seleb ugunsamba wa weblul aboka wa doboka elegemok anyek, beknaʾ elegesuk. Beknaʾ ara, Imik Neyung adya Yesus ak ab uboka ugun gangganek sam yokaʾ-yokaʾ lok so migib ununaʾ ab, senenggom lok so ununaʾ ab, yok so beknaʾ ab, unumokaʾ ara seleb eiyilum. Anasa, ugumbeyok ban nidyaʾ ara seleb ella ululum.

RASUL 4:33

Dara, Yesus yuba lenaʾ gak nang era, hyak senenggom migibaʾ gologoka, Yesus ara seleb somogoka onoʾ embengaʾ suboka bukoka welewok aboka, yuba lero yabalemek. Dara, Wenelesilnya bedya wanaʾ uboka eleksinaʾ adya nauba aralasuk.

RASUL 5:5

Dara, bera alak Petrus bedya wenyan yuba kel yabok sab-sab, sokok sam gololonga malyingginiboka, dibaʾ somogok. Dara, nimi nidyaʾ ban unuwal an yuba kemek dara, hyak ganya loka dasuk.

RASUL 9:34

Petrus bedya Eneas bek lebokja, ”Eneas, Yesus Kristus adya anak seleb hwebgel anasa, anda bukoka anja ekla malalamaʾ nidyaʾ pe winiwoka ul yabalom,” hyok. Dara, wene sab-sab Eneas bera bukuka sekemok.

RASUL 9:40

Petrus bedya anyagan engero bulumek nimi danyek, ugunda nidyaʾ goboka beiyik bululum aboka, albeyok anyagan koma lumugoka Imik Neyung ak heng uboka molomok. Wera Petrus bera Dorkas gedya beʾ gala gouboka beiyimek ak keeboka lemokja, ”Tabita o, anda buklom,” hyok. Dara, Dorkas gera henga gwelegoka kemelemok enyek, Petrus bek eiyimok dara, alda bukumok.