RASUL 2:40 - PERJANJIAN BARU NALCA YUBA

⁴⁰ Onoʾ Petrus bedya ban wenyaboka nauba wenewoka lelesuk, ”Ugunda wera Imik Neyung adya eimik obsunun aboka ubsil sokok anyeb orowek blebdangoka ulululum,” aboka sikenek lelesuk.

RASUL 2:40 ပူးပေါင်းရင်းမြစ်များ

MATIUS 12:34

Ugunda malya unaʾ hwam nim ek ululumaʾ anasa, ugunda malya unaʾ nim ululum bok dara, perob yuba goboka sabnesom de? Sibamaʾ ak ab laga salamakaʾ ara, ganya lomok sam seleb ulumlaʾ ara an.

MATIUS 16:4

”Bojam unaʾ loboka, malya unaʾ hwam nim edya, yok damoka hnon meewalom aboka oruklemak bok, nadya dara, hnonok sibin anaba meewanggununabok, alda ununumnaʾ lelemoknya Yunus bek unumoknya nek hnonok eibnemak,” hyok. Yesus ara wenyabgogowok dara, anyagan ara loboka byuk.

MATIUS 17:17

Dara, Yesus adya, ”Ugunda hyak hek nim ek ululum! Ugunda hyak meknewoka dib senenggululum nim ek gobdo ululum. Nara ugunub dara, li hekbadya ok goʾ siklewoka uldablemnemab do? Ban me nera anyagan bo yoululum!” hyok.

MATIUS 23:33

”Ugun nong ara bagaʾ anaso malya unaʾ nim ululumukanya, onoʾ ugunja neyung yab eneba anaso nim ulumek! Uka delesil heikek oboka uka desin heikek ab hekadya nunda blebdanamab senelelum do?

MARKUS 8:38

Yu hwam uboka malya unaʾ lomok an unulumak salek wen, na nong ab, nadya neklesin yub eb danyek, ugunda alya amba nim ak laga lel eleknenggulumun dara, alda alja neyung bedya nong unaʾ lomok senenggomaʾ ab, geisa ulumak lero nang eblaboka yanamla sum era, sik hogung ak nimi dibaʾ me ara naba alya anasa, albabya lobnamla,” hyok.

LUKAS 16:28

Nadya weisabo lambadya nang ulumakaʾ anyek, sikbabya igina kweboka gweknaʾ ak an yeijek anasa, Lazarus bedya wenel busululaʾ aboka orugalom, hyok.

LUKAS 21:36

Ugunda yokaʾ-yokaʾ eimik nimi dibaʾ me yanamla sum unuwanamlaʾ ak ab goboka binobaʾ aboka hnon, nimi dibnaʾ me saramek seknobaʾ aboka hnon, wenyek heng uboka molowoka pe diri uldalalulum,” hyok.

YOHANES 21:25

Dara, Yesus adya unulumokaʾ ara yokaʾ-yokaʾ hyak nauba hnon unulumok. Ban nidyaʾ pe yana lelewoka ellaʾ gigiro momnya doseng dara, nadya dara, wera soko me nidyaʾ lendeboka oulyang okna danamsoʾ anasa, hnon darasam buluk loboka momnya dorob.

RASUL 10:42

Yesus anyek, Imik Neyung adya aldib nimi nidyaʾ embengaʾ ulumak nim eb, seleb somogomek nim eb, yana lelesinaʾ anya sekiyiwok aboka, nimi yok nim ek perob lero yanggan yuba lero yabalemnelum aboka nuk orugosuk.

RASUL 15:32

Wera Yudas beb Silas beb dara, Antiokhia heik ubdaboka, al sik nong ara ununumnaʾ len nang ulurek adya wera, Antiokhia heik sikja hemyab ek ganya migib geboka, onoʾ pe wenewoka pe ululum aboka ganya kayiwoka lelesirik.

RASUL 20:11

Seleb unumok dara, Paulus bera onsok imik sam welewoka bukumok. Dara, roti gwanenga nim ek bokosuk seleb dara, sikda nidyaʾ demek. Wera onoʾ inimnek pik Paulus bera yok nang eb, onoʾ yuba saldalamekaʾ seleb dara, gwelegel yabok dara, ban salek era lanawoka balamok.

RASUL 20:2

Paulus bera alda Makedonia moka nidyaʾ yibiniboka, wera anyagan ulumek nim ek pe ululum aboka wenyaboka wenero yabalesuk. Bok nen unubgogowokaʾ seleb dara, Paulus bera Yunani moka byuk.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

RASUL 20:9

Ban sum enyek, goubenenya ben hnon alja si nera Eutikhus bera, heng kemen pik pomek ak bulumok. Paulus bera yuba nauba lebdibigemok dara, goubenenya bera kero bulumok ara, hogung dun-dun aboka, imik ab ara sokok sam malyinggyuk. Wera nim adya jab salamek enyek, seleb somogok ak eibek.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

RASUL 4:36

Dara, Yusuf beneba neikso unulumok. Alda alja yokok soko era, yok nang ek rupiah deklulum aboka, rupiah seleb dobna dara, rupiah era Imik Neyung yuba lenaʾ gak nang ek bo elegel bilisuk. Ban unumoknya Yusuf bera Lewi nang yilaʾ Siprus mok ebnya. Men Imik Neyung yuba lenaʾ gak nang edya alak Barnabas aboka si silimek. Nunja yub edya dara, ganya heksinaʾanya alamab.

2 KORINTUS 5:20

Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

2 KORINTUS 6:17

Anasa wera, ugunda sik Imik Neyung ak elgom ulumak nimi gangganek ab bokdanalumukanya, ugunda malyaʾ ak unulyamanggom. Dara, wera ugunuk perobaʾ leboka dobnesin,” ara Wenelesilnya bedya lelemla.

GALATIA 5:3

Nara onoʾ hnon ugunuk laga lebsinaʾ ara, nimi bolaʾ garaldalamak nang era, ban unuwanalum an yub hnonoknya nek sunuwoka unulumakaʾ anasa, hyak nidyaʾ wenyalamlaʾ sunuwoka unulunok.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

PILIPI 2:15

Ugunda ban nenyek unulumnelum dara, ugun nonga gegena mekaʾ ponaʾ orok uboka, perob ganya boboka, jong ganya ok deknewoka, yu hwam nim eb, malya ulumak nim ek, perob Imik Neyung mab ulumnelum. Ugunda sikenek embengaʾ eleklesil yuba leb eleganemun dara, ugun siksamba sokok an dilinaʾ yebel eleklamla wesaʾ eneso dangoka ulumnulum. Ugunda anasonya nenyek sunuwoka ulumun dara, Yesus Kristus yanamla sum era, nadya ganya eiya dabnenelaʾ gak ara an. Wera ban adya nadya duboka welemna wa nera salyaʾ lelem danganenaʾ loboka, doka yak dal senewanamna.

1 TESALONIKA 2:11

Nunja ugunuk unulusubaʾ ara, nimi ben hnon alja mab ek pe unulamla sok, nimi yok-yok sunuwoka pe unulusubaʾ ara, ugunda seleb ella ululum.

1 TIMOTIUS 4:16

Anja unulumenaʾ hnon, anja neklesimenaʾ hnon ara, an moumen anaba pe keebmoubdangoka unulumnelam. Ban nenyek pe unulmorulemen dara, an dam nang hnon, anja yuba kelenjak nimi hnon, nidyaʾ blebnesil.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.