RASUL 2:33 - PERJANJIAN BARU NALCA YUBA

³³ Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

RASUL 2:33 ပူးပေါင်းရင်းမြစ်များ

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

LUKAS 24:49

Nadyaʾ anaba, Imik Neyung adya ugunuk lebsukaʾ anyek, ugunuk bokol yanasin. Bok ugunda al heik enyek anyek ok ulumunaʾ ara, imik migib era ugunuk goulul yanasil,” hyok.

YOHANES 14:16

”Nadyaʾ neyung bek molowanya dara, ugunuk yok arasinya eleganesil. Ugunublaboka sobaʾ ulululumaʾ aboka, ban aralemnesilnya bera dib yub ulumla Geisinya ek eleganesil.

YOHANES 14:26

arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

YOHANES 15:26

Bok, arasinya neyung bek ab, bokol yanasinya bera, neyung bek ab lanawoka dib yub lelelanya Geisinya bera, yeiniboka, alda nasamba leboka laga neklemnesil.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

RASUL 1:4

Dara Yesus ara, alak diriga ban nang eb, neikaʾ yuba salamek sum enyek, ban yub enyek sikenek lebsuk ara, ”Ugunda Yerusalem heik men lobanaʾ ara mem. Ugunda or anyagan ulumunaʾ ara, neyung bedya eleganesin amokaʾ anyek, nadya ugunuk unu eleganesil aboka lebsisa anyek, elegeisilya bok.

RASUL 10:45

Wera danyek, Yahudi nimi yokaʾ bok, Yesus ak dib senewoka domek nim, Petrus beblaboka neikaʾ yeilimek nim era, Imik Neyung adya alja Geisinya ara Yahudi nimi gom bok sikenek anaba elegesuk adya sikda hyak ganya loka dasuk.

RASUL 2:17

Imik Neyung adya lebok ara, Sidyaʾ daknamla sum enyek, nadya geisa ganya ara nimi nidyaʾ sik dubuk yeklingganamna. Ugunja mabo nengmab ab, ugunja gelmab ab, nadya sikenek ununumnaʾ lelemnesak. Ugunja gobenya nim edya yokaʾ unuwanasin ara ken so eilimnemak. Ugunja nauba nang era, maboka lendara eilimnemak.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

ROMA 5:5

Anya, Imik Neyung adya wanaʾ usinaʾ dibaʾ ara, Geisinya ara, nunja ganya lomok seleb elegousukaʾ anasa, ban ganya we unaʾ adya dara, soloma nenenggulusil.

GALATIA 3:14

Kristus adya hweboka blebsuknya nera, anadya wera Imik Neyung adya Abraham bek an perobaʾ eleganenggen amoknya nera, nimi Yahudi gom nimi hnon Kristus Yesus pik uboka, dobnokaʾ aboka ubsuk. Wera anadya hnon, nu Yahudi gom nimi bok, Imik Neyung adya eleganesin amok Geisinya era dib senenaʾ adya dobnokaʾ aboka ubsuk.

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

EPESUS 4:8

Ban nenesa leboka, Imik Neyung yuba bukuk sam ara, ”Alda hyak im nong ok sam welok sum era, henga goubdob nimi nauba bo welewoka, nim ek perob eleknaʾ nauba elegousuk,” aro momnya dobok.

TITUS 3:6

Imik Neyung adya alja Geisinya nuk gokoka elegesukaʾ ara, nunda blebsinaʾ dubnya Yesus Kristus pik uboka elegesuk.

IBRANI 10:12

Bok saawoka, ban yuba lenaʾ gaknya Kristus ara, alja nong anyek soko nimi malya unaʾ doboka boloklemnesin aboka, lika hnonok munaʾ elekdanggogobok dara, alda imik heikek welewoka Imik Neyung adyaʾ sirikek sam bukok.

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.