RASUL 2:24 - PERJANJIAN BARU NALCA YUBA

²⁴ Bok Imik Neyung migib adya Yesus ak nimi somoklomakaʾ gangganek ab, suboka embengaʾ bukiyimok. Alda somoknaʾ lomok sam unggulumnamso anasa, somoknaʾ damok adya doboka menegemok bok, Imik Neyung adya henga loboka blebiyimok,” hyok.

RASUL 2:24 ပူးပေါင်းရင်းမြစ်များ

MATIUS 27:63

lebekja, ”Neyung o, youmaʾ sondaʾ hwamnya bera anam embengaʾ ulumok salek era, hnon seleb wenyalamokaʾ ara, Liga winilya seleb mablye dara, embengaʾ suboka buknamna, alamok.

YOHANES 10:18

Na nong ak dara, nadya ganya doboka or obnulum anaʾ orok bok dara, wera obnenggununeseng bok, nadya ganya doboka or ubnulum henesinya. Anasa, nara ganya doboka eleklesinya uboka, onoʾ saaboka onsok donaʾanya ulumna. Ban wa nera Neyung bedya nak unu welelulaʾ aboka elegenyok,” hyok.

YOHANES 10:35

Anasa, Imik Neyung yuba doboka unulumek nim ek, im nang aboka si sisukaʾ anasa, wera nadya Imik Neyung bedya me nera, nara an alamna dara, ugunda hekasa nak malya lelemla aboka, yana kilinulum do? Nera Imik Neyung adya orowek munaʾ geboka sokok an bokol yeilinyoknya ulunabok unulunulum.

YOHANES 12:39

Yesaya bedya ununumnaʾ lelemok sok anasa, Yahudi nim edya Yesus ak dib senenggulumek. Yesaya yokok sam lemok ara ban:

YOHANES 20:9

(Sikda orowek Imik Neyung yuba momnya dobokaʾ ak sam, Yesus ara somogalya dara, winilinya sum embengaʾ suboka buknamla aboka, momnya dobokaʾ ara, anam elgom ulumek).

RASUL 1:16

”Hem yab o, Imik Neyung yuba momnya dobokaʾ ara, gigiwoka unuwanamla. Geisinya bedya uboka Daud bedya lemokaʾ ara, Yesus henga goubuka obnemak aboka duba dangamoknya Yudas bemba lemokaʾ ara, gigiwoka unuwanamla.

RASUL 13:30

Bok, Imik Neyung adya Yesus ak somoknaʾ lomok ab sam embengaʾ suboka bukiyimok.

RASUL 13:37

Imik Neyung adya alja somoknaʾ damok ab sam embengaʾ bukiyimok Yesus ak dara, nonga bloboka yaawanggumok.

RASUL 17:31

Anasa wera, Imik Neyung adya nimi nidyaʾ soko ak ulumaknya nenera, pe jong yana lelewanesin senewoka seleb li orowek gegewoka dibuk. Ban unuwoka yana lelewoka ubnesilnya bera orowek Imik Neyung benedya unuwanamla aboka gegebok. Dara, nimi nidyaʾ anara dib senewoka ella danokaʾ aboka dara, nimi somoknaʾ ak ab sam, bera seleb embengaʾ suboka bukiyibok,” hyok.

RASUL 2:32

Dara, al ban Yesus benyek, Imik Neyung adya somoknaʾ ak ab suboka embengaʾ bukiyimok. Dara, ban unumok ara nunja okoka ok eiyimouba,” hyok.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 3:26

Wera anasa leboka, Imik Neyung adya alja me Yesus sekiyiwoka, binilam aboka, ugunuk men youlul aboka, orugomok. Ugunda nidyaʾ malya unaʾ ganya dangiyiwoka ugunuk perobaʾ neniyiwousululaʾ aboka, youlul aboka orugomok,” wenyaboka Petrus bedya lebok.

RASUL 4:10

Neyung yab dub nang ugumbabya hnon, onoʾ Israeli sokok nimi nidyaʾ hnon, ella danalum. Ban heimokaʾ anyek embengaʾ seklelanya benera si ara, Yesus Kristus Nazaret mok ebnya bedya migib adya, ugunja hogunguk hyak eikaʾ sekla. Ugunja seleb oboka gal ak glablum dara, somogok bok, Imik Neyung adya somoknaʾ ak ab suboka bukiyimoknya bedya migib adya ubla ara, ella ubnalum.

RASUL 5:30

Nunja neyung yabo youmaʾ nang sikja Imik Neyung bedya, ugunja henga goubuka galak bokoka oblumnya bek, somoknaʾ ak ab ara bukiyimok.

ROMA 10:9

Anasa ugunda ugunja si bamaʾ adya Yesus ara wenelesilnya bek ulumla aboka laga lelemunukanya, ugunja ganya ara alda Imik Neyung adya somoknaʾ nang gangganek ab seleb subuka embengaʾ bukiyiwok aboka dib senelemun dara, blebnesil.

ROMA 14:9

Wera nenesa leboka, Kristus ara seleb somogoka embengaʾ subuk. An unuwoknya nera, alda somoklemak nang ab, or embengaʾ ulumak nang ab, siksamba wenesinya dounun aboka unuwok.

ROMA 4:24

Bok numbabya, nunjaʾ Wenelesilnya Yesus ara somoknaʾ nang gangganek ab subuka bukiyiwoknya alak aldib senelemab anasa, wera nuk anaba Imik Neyung ara perobaʾ geblesil. Anasa ban yub era nusamba hnon momnya dobok.

ROMA 6:4

Wera anasa, al somogokaʾ lomok meka dabsik dara, nunda al ab neikaʾ soko lokosik. Dara, Neyung bedya si senenggomaʾ adya Kristus ara somoklomak nang gangganek ab embengaʾ subuka bukiyiwok sok, eimik era numbabya wenyok embengaʾ unaʾ lomok ulumnemab aboka, neikaʾ soko lokosik.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 8:34

Kristus Yesus, seleb somogokaʾ ara, onoʾ imik soʾ dara, alda seleb embengaʾ subuk, dara onoʾ al alak Imik Neyung adyaʾ sirik sam bulumla, wera onoʾ alja nusamba yuba ligiwoka sanya danamla ara heknya do?

1 KORINTUS 15:12

Nunja ugunuk leb elekgiga yalasabnya nera, Kristus anyek somogoka embengaʾ suboka bukok aboka lel eleklesab dara, ugun yok nim era, hekasa seleb somogorob nim era, embengaʾ suboka buknenggunuseng alalum do?

1 KORINTUS 15:15

Onoʾ nauba so ara, Imik Neyung adya Kristus ara, aldib embengaʾ suboka bukiyibok aboka lero yabalamoubaʾ anasa, orok bok dara, nunja Imik Neyung ak sondaʾ lebnesibyaʾ nonga hnonok hyak omom nong. Dara, wen somoklomak nim era, embengaʾ subnaʾ ara, hyak orok dara, Imik Neyung adya Kristus bek embengaʾ bukiyiwanggunumso.

1 KORINTUS 15:20

Bok, Kristus ara somoknaʾ ak ab seleb bukiyimokaʾ ara, hyak dib unumok. Anan nong adya, wera seleb somogek nim era, embengaʾ suboka buknemakaʾ damok ara anadya dangamok.

1 KORINTUS 15:4

Onoʾ, alda seleb soko lokek dara, winilyabaʾ sum era, seleb suboka embengaʾ welewokaʾ ara, Imik Neyung yuba momnya dobok.

1 KORINTUS 6:14

Imik Neyung adya Wenelesilnya Yesus bera somoknaʾ ak ab, embengaʾ dangiyimok. Anasonya neikik eimik era, numbabya alja migib edya, Imik Neyung adya nuk embengaʾ bukiyiwanasil.

2 KORINTUS 4:14

Wenelesilnya Yesus embengaʾ suboka bukiyiwok Imik Neyung enedya, Yesus pik uboka nub neikaʾ embengaʾ bukiyiwanesilekanya, onoʾ ugunub nub neikaʾ bo beil binisil.

GALATIA 1:1

Nara Paulus, yuba lenaʾ gaknya ulumnaʾ ara, nim adya gom, onoʾ ben hnon perobnya bedya gaknya dangoka wa nen welelom henggubnyok bok, alda Yesus Kristus adya hnon, Imik Neyung nunjaʾ neyung, Yesus nimi somoknaʾ ak ab embengaʾ suboka bukiyiwoknya bedya hnon, sekiyiwanyok.

EPESUS 1:20

Kristus nonga nimi somoknaʾ lomok ab embengaʾ suboka bukiyiwookanya, Kristus ara, Imik Neyung ab neikaʾ ulumnerak aboka beibuk. Dara ban migib enyek, nunsamba ulusil migib era anasoʾ ak ulusilaʾ anyek ella dololumaʾ aboka mololesin.

KOLOSE 2:12

Anasa wera, ugunda meka dasik dara, alab neikaʾ soko lokiyiwosuk. Anya onoʾ Imik Neyung migibaʾ adya somoknaʾ gangganek ab, weboka bukiyiwok migib enyek, ugunda dib senewoulum adya, wera onoʾ ugunda alablaboka neikaʾ subuka bukiyiwousuk.

1 TESALONIKA 1:10

Dara onoʾ al ugunsamba yok nim edya dara, imik ululanya Imik Neyung bedya, nera Yesus anyek, Imik Neyung adya nimi somoknaʾ ak ab embengaʾ suboka bukiyiwoknya benyek, al yanamlaʾ amba leboka, ugunja ganya nebom aboka diri ululumnya nenesa unulumak aboka neklesak. Dara ban Yesus anedya, Imik Neyung adya yu ganya boboka obnesilaʾ ak ab nunda blebnesil.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

IBRANI 2:14

Ban mab era nim ek ab mab anasa, Yesus anababya sik soʾ dookanya, sik nonga dobok. Anedya al somogokaʾ ara, alda somoknaʾ dub migibaʾ Iblis ak, hmengaʾ nong gebnunaʾ aboka unuwok.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.