RASUL 2:23 - PERJANJIAN BARU NALCA YUBA

²³ Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.

RASUL 2:23 ပူးပေါင်းရင်းမြစ်များ

MATIUS 20:19

Hnon ara, Yahudi gom nim ek doboka eleganamak. Dara, sikja alak derewoka waboka, saboka oboka, gal ak sam glabnemak. Bok winilinya sum era, alda embengaʾ suboka bukiyiwanamla,” hyok.

MATIUS 26:24

Nimi dibaʾ me nera Imik Neyung yuba bukuk sam momnya dobok sok sunuwoka somoganamla. Bok or obnelum aboka yuba dil binilanya ben nong anyek, hyak omom nongaʾ ak ubla! Ben nong ak dara, sokok an ara gobdo hyak beilinaʾ loseng dara, pemneseng bok!” hyok.

MATIUS 27:35

Nen seleb dara, oboka glameekanya, yina bomdewoka, alja boksom dobnobaʾ aboka yina akleng bomdewek.

MARKUS 15:24

Anya Yesus ara oboka gal ak seleb glabek. Dara, alja aklenga gwiriwoka domekaʾ anyek, heknyek dobnamla do aboka, yina bomdewoka ulumek.

LUKAS 22:22

Nimi dibaʾ me nera, Imik Neyung adya orowek lebok sok gigiwoka somoganamla bok, yuba dil bililenya be nong ak hnonok hyak omom nongaʾ ak ulumnamla!” hyok.

LUKAS 22:37

Anasa ugunuk dib lebsin, Imik Neyung yuba lero momnya dobokja, Alda malya unaʾanya beneso nenewek hyoknya nera, nak an nidyaʾ gigiwoka unuwanamla. Anasa Imik Neyung yuba bukuk sam nasamba geklewoka momnya dobokaʾ ara, wera an seleb gigiwoka unul yibel an,” hyok.

LUKAS 23:33

Wera, Nim Huk Yanggol Mein alamek meinik sam bo bisik dara, Yesus ab penya malya urek nang eb dara, ben hnonda sirik ek sam, ben hnonda waneng ek sam, Yesus ara hnoumung unuwoka oboka gal ak glabsik.

LUKAS 24:20

Imik Neyung yuba wa gakaʾ dub nang eb, nunjaʾ Yahudi sokok sam dub nang eb dadya, bera oboka dibnelum aboka doboka elegeisik dara, wera seleb oboka galak glarob!

YOHANES 19:18

Dara wera, Yesus ara mein enyek an gal ak glamek. Wera neik sum enyek, Yesus ab, hokaʾ dorek nang penya uboka, ben hnon sirik ek sam, ben hnon waneng ek sam, Yesus ara hnoumung uboka, gal ak glabsik.

YOHANES 19:24

Dara, yin bonaʾ nang edya sik moumen, ”Boksom enera garal meneknaʾ ara lobnemab mem. Alda heknedya nidyaʾ dobnamla do aboka sununaʾ sunuwanamab,” alamek. Ban wenyamekaʾ ara, ununumnaʾ lelemek nang edya Imik Neyung yuba momnya domekaʾ anyek gigiwolulaʾ aboka ulumekaʾ ara, ”Sik gangganek sam nadya akleng bokoldalamek. Dara, nadya dolungnaʾ akleng dobnobaʾ aboka maka meiboka sunumek,” amokaʾ anasa, yin bonaʾ nang edya ban orowek lemok sok gigiwoka unumek.

RASUL 13:27

Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.

RASUL 15:18

Imik Neyung adya, men youmaʾ enyek, ban orowek lemoknya bedya ban wenyalamla,” hyok.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 3:18

Dara, ban unuwoka gigiwanamokaʾ anasa, Imik Neyung adya orowek ununumnaʾ lelemek nang pik moruwoka, nimi blebsinaʾ dubnya Kristus bera eimik oka nauba gweknamla aboka lemokaʾ ara, wera ban adya gigiwok.

RASUL 4:28

Imik Neyung o, sikda yokaʾ-yokaʾ unuwanamla aboka orowek men senelumnya nenyek ok unumek. Anja migib lomok uboka, anja ganya edya ok unuwanamna senelumnya nok unumek.

RASUL 5:28

Dara, Yahudi dubnya bedya, Yesus adya yuba doboka lelemek nang ek, ”Nunda seleb ugunuk Yesus adya si sibuka nimi yok nang ek neknaʾ ara hyak mem aboka nauba dukaʾ lolosub anano? Bok wen nunja mem amoubnya nek blekoka nauba unululum. Ugunda Yerusalem heikek gokgobok nidyaʾ Yesus alja si sibuka nimi yok nang ek neklelumukanya, wera onoʾ Yesus ara Yahudi dub nang edya obek aboka nuk gaka kilisulum,” aboka lemok.

RASUL 5:30

Nunja neyung yabo youmaʾ nang sikja Imik Neyung bedya, ugunja henga goubuka galak bokoka oblumnya bek, somoknaʾ ak ab ara bukiyimok.

RASUL 7:52

Ununumnaʾ dib Imik Neyung yuba lelemek nang nidyaʾ ugunja neyung yabo edya olomek. Imik Neyung me pelelanya bera eimik yanamla aboka, men yub lero yalamek nang anaba olomek. Bok wenera, Imik Neyung bedya jong ganya ulumla me nek ugunja yuba sonda adya miniwoka oblum.

ROMA 2:12

Wera anasa, nimi nidyaʾ Yahudi nim emba unuwanalum an yuba orokaʾ anyek, malya unulumak nim era, Yahudi nim emba unuwanalum an yuba gonggom somoganamak. Bok nimi nidyaʾ Yahudi nim emba oruksin yub eb malya unulumak nim era, wera ban Yahudi nim emba unuwanalum an yub edya yana lelewanasil.

ROMA 4:17

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

1 TESALONIKA 2:15

Wera ban Yahudi nim era, sikja Imik Neyung adyaʾ ununumnaʾ lelemek nang nauba olomekaʾ ara, onoʾ Wenelesilnya Yesus anaba obekaʾ ara, wera nuk anaba malya nenewoka saboka olosak. Sikja dara, nidyaʾ mok soko nim ek isaʾ nenelesakaʾ anasa, Imik Neyung adya sikenek lek senewoka yu ganya bolosil.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

1 PETRUS 1:20

Imik Neyung ara soko anam uyiwanggom bok, Kristus ak men weboka doboka sekiyimok. Wera mok soko sidyaʾ daknamla salek enera, ugunuk blebsununaʾ aboka sokok sam yeilimok.

1 PETRUS 2:8

Anya, ”Nimi yok oluka diknaʾ girika dok, hnonda alja yok nim ek malyanggal dilisil girika dok,” hyok. Nimi nidyaʾ oluka diklesilaʾ ara, Imik Neyung yuba nong ak dib senenggulumakaʾ nong adya ulusil. Nenesa leboka, sikda yuba dib senenaʾ orok nim era, ban amba orowek gegewoka beibsuk.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.