RASUL 2:11 - PERJANJIAN BARU NALCA YUBA

¹¹ Yahudi nimi yokaʾ ab, hnonda Yahudi nimi gom bok, Yahudi nimi yuba domek nang eb, hnon Kreta nim ab, hnonda Arab nim ab bok, Imik Neyung adya alja senenggom migib unulamla anyek, nunja yuba yokaʾ-yokaʾ sunuwoka lelesak adya nunda pe kelemab,” aboka lelemek.

RASUL 2:11 ပူးပေါင်းရင်းမြစ်များ

RASUL 2:10

Frigia nimi hnon, Pamfilia nimi hnon, Mesir nimi hnon, Kirene berem Libia nimi hnon, hnonda Roma heik ab ara,

RASUL 2:12

Dara, sikda nimi nidyaʾ hyak ganya loka daboka ganya eboka, sik moumen, ”Hekasa ban anaso damok ulumla do?” aboka heibdangdo balamek.

RASUL 27:12

Wera perob mek ekla bunaʾ malamla ak ara perob gom adya, wera anyagan ara, saragenaʾ li dara, kaboka mabdabnenggunumso anasa, wera mek ekla bunaʾ gliboka bolomek nang nauba so edya dara, anyagan ara loboka saragenaʾ li ubnalabok anasa, men Feniks moka binimab senemek. Feniks alamek heik era, Kreta mek dubuk sokok sam uboka, mek ekla bunaʾ bul yalamok mek gemek ara, kemban dabo sam hnon, kemban woru sam hnon ulumok.

RASUL 27:13

Dara ban salek era, woru sam ab kaboʾ enyek nemen dolomok dara, onoʾ danyek mek ekla bunaʾ bolomek nang edya dara, or pe lanawoka balanob senemek. Wera igin yakaʾ dolinglemakaʾ ara glibsalawoka seleb gwanewoka doro beiyiwoka, Kreta moka gek sam ok dobgiga balamouba.

RASUL 27:7

Wera Italia moka balamoubuk ab dara, mek ekla bunaʾ ara hyak mandewoka nemen balamouba. Wera hyak oknaʾ ulusuk bok, mabgiga balamoub ara, Knidus mok era ok berem ubok bok, or hnomunga salyaʾ ak byuba. Knidus moka heikek byubuk ab dara, kaboʾ anyek or sobaʾ dolomoknya nenesa, men danyek anyan binimab senemouba pik era binggububa. Bok kaboʾ orok pik binob senebuba dara, Salmone moka yema amoʾ leboka Kreta mek dubuk soko pik byuba.

1 KORINTUS 12:10

Hnon nim ek ara, yokaʾ-yokaʾ senenggomaʾ migib ununaʾ anyek, unuro yaban danasa wa migib en damok eleklamla. Onoʾ yok nim ek ara, ununumnaʾ lelelulaʾ aboka, an wa nen migibaʾ eleklamla. Al onoʾ neik Geisinya bedya hnon nim ek ara, ban nenera Imik Neyung wa ara ban, alda ban nenyek dara, Imik Neyung adyinya gomaʾ an wa migib eleklamla. Hnon nim ek ara, yok-yok sokok yuba ella danganaʾ damok migibaʾ eleklamla, hnon nim ek ara, yuba damok danyek nera damok ara, banyek lebok an danasa migib eleklamla.

1 KORINTUS 12:28

Anasonya neikik, Imik Neyung yuba donaʾ nim emba dara, Imik Neyung adya orowek men ellaʾ gigiro gegewoka sekiyimok. Men Imik Neyung yuba lenaʾ gak nang, penenya nera ununumnaʾ len nang, winilinya nera neksin nang, dara sikda yokaʾ-yokaʾ migibaʾ unuro yabalemek nang, dara nimi merellisin damba hnon, yok aran damba hnon, yok nanga bo usin danasa hnon, onoʾ dagalongnaʾ ara, yok-yok yuba san damba hnon, sekiyisuk.

GALATIA 1:17

Anya na anam danyek, men yuba lenaʾ gak dangamek nang ek hnon neknululum aboka, Yerusalem heikek binggumsa. Bok nara mouruwoka Arab sokok sam bilimsaʾ ara, onoʾ saawoka Damsyik heikek sam yasa.

GALATIA 4:25

Ban Hagar gera, Arab sokok ab Sinai meinik ak sunumok. Alda alja mab eb yok nang edya wa wenaʾ nang ulumnemekaʾ anasa, alda Yerusalem moka wen ulumla anasoʾ ak sununaʾ era an.

TITUS 1:12

Sik moumen al Kreta sokok ab ununumnaʾ lelemoknya bedya seleb lebokaʾ ara, ”Kreta nim era, yu hwam ok bei gam anaso uboka, gwanenga orok nenewoka deregoka onoʾ sulmalyaʾ ulumaakanya, sobaʾ sondaʾ hwam ok lelemak nim ulumak,” hyok.

TITUS 1:5

Nadya anak Kreta sokok sam lo yeilinggesaʾ ara, webnamen ulumla wa nenyek meewoka welelomaʾ aboka sene lo yeilinggesa. Hnonda, heik elaʾ gigiro Imik Neyung e dam nang sikillililomaʾ aboka lo yeilinggesa. Dara onoʾ ban nadya anaso unuwanalam aboka nekgenaʾ banara pe beklom.

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.