RASUL 19:26 - PERJANJIAN BARU NALCA YUBA

²⁶ ”Wera ugunja heng yokaʾ edya eiyiwoka, onoʾ okoka kelelum dara, Paulus benyaʾ alamaknya bedya unulamla ara ugunda ella. Paulus bedya lelemla ara, nunja memelemabaʾ nimi perob senelemakaʾ anyek dara, nim adya ok ganya doboka sunuwoka memelemaknya nera, neyung aboka gibnesengnya dibaʾ gomaʾ alasil. Anasa alja dara, wera alja lelemla yub adya nera Epesus heikek ok gom, alda Asia mok soko nidyaʾ anaba, nimi gong ganya gliboka bo balasil ara ugunda eiyilum.

RASUL 19:26 ပူးပေါင်းရင်းမြစ်များ

RASUL 14:15

”Wei, ugunda hekasa ban nenera unulum do? Nunda im nang gomaʾ. Ugumba ululum sok, nundaʾ nim anyaʾ. Nunda anyagan younum ara, ban unuwoka yokaʾ-yokaʾ giblelumaʾ anyek loboka, Imik Neyung bek, im ab, soko ab, senenggom mek gwan eb, lomok sam ulumla nidyaʾ ab, uyisuknya bek sam ganya angawoka yoululum aboka, perob lero yanggan yuba bo yeiniboka lel yosunum.

RASUL 17:29

”Wei, wera nunda Imik Neyung bedya mabo yokaʾ nong ulumab dara, nunda Imik Neyung ak, emas girik anaso gom, perak girik nenenaʾ gom, onoʾ nimi ganya geremseng adya sunuwoka unulumaknya nek, nera Imik Neyung yokaʾ nong ara an senenaʾ ara mem.

RASUL 18:19

Wera sikda Epesus heikek seleb byik dara, Paulus bera Akwila beb, Priskila geb dara, anyagan loboka, alda Yahudi nim edya yuba don ek biniboka, sikenek yuba saboka neklesuk.

RASUL 19:1

Wera Apolos bera anam Korintus heikek ulumok salek enyek, Paulus bera oblyek pik uboka yabalamok ara, Epesus heikik lanal bilimok. Dara, Paulus bera Epesus heikek seleb byuk dara, anyagan Imik Neyung yuba doro diriga ban nang eb ehwibdangamek.

RASUL 19:10

Paulus bera ban unuwoka unulumok salek era, gibnaʾ penya gobdo lemok dara, Yahudi nang yokaʾ babya, onoʾ Yahudi gom nang eneba, nidyaʾ sikda Asia moka ulumeknya nera, gobdo Yesus yuba nidyaʾ kemek.

RASUL 19:25

Anasa wera Demetrius bedya, alja wa welemek nang eb, rupiah donaʾ yokaʾ memelemek nang gong eb, neikaʾ ak mamagoka, alja sikenek wenyasukja, ”Hemyab o, nunda anyagan nunja welemab wa nedya rupiah pe dolomab ara ella ululum,” hyok.

1 KORINTUS 12:2

Ugunda Wenelesilnya bek anam elgom ululum salek era, ugunda yuba gomnya giblemakaʾ ak gliboka bo balasuk.

1 KORINTUS 8:4

Dara, denaʾ ara meewoka giblemaknya nek beil balamak yub ek dara, nera meewoka giblemakaʾ ara nong ak dara, dib nong unggulumlaʾ ara, nunda ella ulumab. Dara onoʾ nunda hnon sokok an yokaʾ-yokaʾ ulumlaʾ adya ella ulumabaʾ ara, Imik Neyung ara hyak hnonok Imik Neyung ok ulumlakanya, yok Imik Neyung era, hnon mekaʾ unggulumla.

GALATIA 4:8

Youmaʾ ugunda Imik Neyung ak elgom ululum salek era, Imik Neyung be dibaʾ ak gom, alda yokaʾ anyek nunjaʾ neyung nenewoka, ugun nong ara anyagan ganya diboka ululum.

1 TESALONIKA 1:9

Nunda youmaʾ ugunuk sam yuba bo yanggumouba dara, hekaʾ huboka nuk ugunja perobaʾ leboka dosulumaʾ ara, nimi nidyaʾ sikda anaso unumek aboka neklesak. Nimi nidyaʾ ara, ugunda hekaʾ huboka, bisaʾ ak molowoka gibnaʾ loboka, Imik Neyung hnonok ululanya bek alak ok dib beiliwoka ulunobaʾ aboka nidyaʾ ara lolumnya nenyek, sikja dara unuwek aboka neklesak.

WAHYU 9:20

Anyek bok, an unuwoka osinaʾ orok nim era, sikja malya unulumekaʾ ak ab ganya dangawanggumek. Hnonda, dangman adya hnon, mal gablenaʾ dabom girik adya hnon, gal adya hnon, yokaʾ-yokaʾ adya hnon, memelemek sununaʾ ek, heng eilinggulumlaʾ, o kenggulumlaʾ, yana yabanggulumlaʾ anyek, gibelmorulumek.