RASUL 18:4 - PERJANJIAN BARU NALCA YUBA

⁴ Bok Paulus Sabat mem sum hen dara, wa welemna ara loboka, Yahudi nim edya yuba don ek sam biniboka, sikenek hnon onoʾ Yunani nang ek hnon, nidyaʾ Yesus ak dib senewoka dobnok aboka yuba dukaʾ saawoka lel eleklesuk.

RASUL 18:4 ပူးပေါင်းရင်းမြစ်များ

LUKAS 16:31

Bok Abraham bedya dara, sikda Musa bedya yub eb, ununumnaʾ lelemek nang yub enyek, dib senenaʾ loboka eib lobneseng dara, nimi somogoka suboka bukesonya bedya wenyaro bisoʾ anaba dib senewanggunuseng, hyok,” wenyaboka lebok.

LUKAS 4:16

Dara, alda al beiyiboka nemok heikek, Nazaret heik biniboka, alda sob ulumok sok, Sabat mem sum era, Yahudi nim edya yuba don ek wekoka, yub einiwoununaʾ aboka sekemok.

YOHANES 7:35

Dara, Yahudi nim sik moumen heibdangoka lelemekja, ”Na binyaʾ ak ara ugunda eiyiboka yanggunusom alasil dara, hekaʾ huboka eibnenggunusibyaʾ anasa lelemla do? Gom, Yahudi nim enyek, Yunani nim eblaboka mok sam soboka ulumak nim ek biniboka, Yunani nim ek neklesununaʾ aboka lelemla gom?

RASUL 13:14

Wera sikda penya Perga heik ab ara, soko pik Pisidia moka Antiokhia heikek birik. Dara, Sabat mem sum era heik enyegan nim eblaboka Yahudi nim edya yuba don ek yuba longol bilimek.

RASUL 14:1

Wera Paulus beb, Barnabas beb, Ikonium heikek anaba Antiokhia heikek ulumok sok neik diligaʾ domok. Paulus beb, Barnabas beb dara, Yahudi nim edya yuba don ek biniboka, hyak pe sunuwoka Imik Neyung yuba lerek adya, Yahudi nimi yokaʾ ab, Yahudi gom nim eb, Yesus ak dib senewoka doromek.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

RASUL 17:17

Anasa wera, Paulus bera Yahudi nim edya yuba don ek sam Imik Neyung bek lok ganya bolomek Yahudi gom nang eb, anyagan Yahudi nang yokaʾ ulumek nang eb, ganya amomaʾ ubdangoka ulumek. Anasonya neikik onoʾ deknaʾ gasaʾ pik uro balamek nang eblaboka Paulus bera sob-sobaʾ neikaʾ pe ganya amomaʾ ubdangoka uro balamok.

RASUL 18:13

Dara sikja lelemek ara, ”Ban Paulus benera, Musa bedya momnya dobok yub era sunuwoka, Imik Neyung ak gibnenggom mem aboka wenelesilnya bera an,” aboka lelemek.

RASUL 18:19

Wera sikda Epesus heikek seleb byik dara, Paulus bera Akwila beb, Priskila geb dara, anyagan loboka, alda Yahudi nim edya yuba don ek biniboka, sikenek yuba saboka neklesuk.

RASUL 19:26

”Wera ugunja heng yokaʾ edya eiyiwoka, onoʾ okoka kelelum dara, Paulus benyaʾ alamaknya bedya unulamla ara ugunda ella. Paulus bedya lelemla ara, nunja memelemabaʾ nimi perob senelemakaʾ anyek dara, nim adya ok ganya doboka sunuwoka memelemaknya nera, neyung aboka gibnesengnya dibaʾ gomaʾ alasil. Anasa alja dara, wera alja lelemla yub adya nera Epesus heikek ok gom, alda Asia mok soko nidyaʾ anaba, nimi gong ganya gliboka bo balasil ara ugunda eiyilum.

RASUL 19:8

Paulus bera walaʾ winilya Epesus heikek uboka, anyagan Yahudi nim edya yuba don ek wekoka Imik Neyung adya eimik wenelemnesil yub enyek, nimi yok nang ek lolowoka anyek aboka bekellilisuk.

RASUL 26:28

Danyek Agripa bedya Paulus bek lemok ara, ”Anja nak wene sab-sab Imik Neyung yuba doboka ganya dangawanamla senelenelem de?” hyok.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

2 KORINTUS 5:11

Imik Neyung ak lok ulumak an damok era, nunda seleb ella ulumabaʾ anasa, yok nim ek ara dukaʾ lolom-lolom aboka lelemab. Imik Neyung ara nunjaʾ ganya lomok anaba hyak nidyaʾ olowoka ella ulusil, onoʾ ugunjaʾ anaba nunja ganya ek ara ella ubsinok senelamna.