RASUL 18:27 - PERJANJIAN BARU NALCA YUBA

²⁷ Wera danyek, Apolos bedya dara, Akhaya moka binimna senen ganya bobok. Wera anasa leboka, alja hemyab edya or binilam wenyaboka, Akhaya diriga ban nang ek sam, ugunda Apolos yanggalya dara, doro diblulum aboka momnya donaʾ beiyimek. Wera Apolos bera seleb Akhaya moka byuk dara, alja nimi nauba Imik Neyung adya wanaʾ uboka arasuk adya yuba dib senewoka domek nang ek ara nauba arasuk.

RASUL 18:27 ပူးပေါင်းရင်းမြစ်များ

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 11:26

seleb eibdangerek dara, onoʾ Antiokhia heikek bobdanga yeiniboka, anyagan yuba donaʾ nim eb neikaʾ uboka, nimi nauba ak yuba leb elegoka, sikba yuba doboka ulumek salek era gibnaʾ hnonok gobdo lemok. Dara, ban Antiokhia heikek ab men youbuka, Yesus yuba doro diriga ban nang ek Kristen nang aboka si sib einimek.

RASUL 15:34

Bok Silas bera, nara anyagan ulumnamna aboka, Antiokhia heikek dibaʾ lomok.)

RASUL 18:12

Wera onoʾ Galio bera, Akhaya moka dubnya ulumok sum enyek, Paulus bek malya lelemla aboka Yahudi nang adya bleklemeekanya, Paulus be nong ak henga goubuka yana lelesinaʾ ak sam bo bilimek.

RASUL 18:18

Ban nen seleb unumok bok, Paulus bera or nauba Korintus heikek ulwenelemok. Wera Paulus bera Korintus nang ek or pe ululum abgogosuk dara, alda Akwila beb Priskila geblaboka, Siria sokok sam mek ekla bunaʾ adya bukoka bilimek. Men binggumok bok, Paulus bera Kengkrea heikek ab danyek Imik Neyung amba gwanga lomokaʾ ara, alja honga gomek.

RASUL 19:1

Wera Apolos bera anam Korintus heikek ulumok salek enyek, Paulus bera oblyek pik uboka yabalamok ara, Epesus heikik lanal bilimok. Dara, Paulus bera Epesus heikek seleb byuk dara, anyagan Imik Neyung yuba doro diriga ban nang eb ehwibdangamek.

RASUL 9:27

Wera onoʾ eimik Barnabas bedya Saulus bek yeiniboka, Saulus eboka bobok dara, Yesus yuba lenaʾ gak nang ek bo biniboka amasuk. Dara Barnabas bedya Saulus bera hekaʾ anaso uboka Wenelesilnya bek eibookanya, onoʾ hekaʾ huboka Wenelesilnya bedya alak lemok ara sikenek nekesuk. Wera onoʾ Barnabas al Saulus hyak asaʾ nong anyek, Damsyik heikek Imik Neyung si nimi yok nang ek lel eleklesuk anyek sikenek nekesuk.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

1 KORINTUS 16:3

Wera nak ugunuk seleb yanya sum era, ugunja or humun nang enyek, rupiah bolowoka beibekaʾ bo bululumaʾ aboka, orugoka bokol binisin. Dara, rupiah Yerusalem heikek bo binokaʾ aboka, beknaʾ dib bo yak an momnya donaʾ weboka eleganesin.

1 KORINTUS 3:6

Nadya dara, yinaʾ ok memsa, Apolos bedya dara, alda mek ok yekemok bok, meklaʾ sangiyiwoka weliyimoknya bera, Imik Neyung adya ok unumok.

2 KORINTUS 1:24

Dara, ugunja dib senelelumnya nek, nuk dara, oruksin nang ulusinob senenggulusab. Ugumbeyok dib senelelumukanya, kaboka ululumaʾ anasa, nuk dara, ugunuk eiya ganya bon danasa, arasin nang ulumab.

PILIPI 1:25

Nara ban nenyek perobaʾ ara ella ulumnaʾ anasa, ugun nong anyek Wenelesilnya bek dib senenaʾ anyek eiya ganya boboka migiba danggiga balalulumaʾ aboka, ugunuk arasin danasa, nara ugunub neikaʾ ulumnemab senewoka ella ulumna.

PILIPI 1:29

Anasa Imik Neyung adya ugunuk perob eleknaʾ elegosukaʾ ara, Kristus ak dib senelenokaʾ aboka ok eleganggubsuk, alda onoʾ Kristus amba igina kweboka gweklenokaʾ aboka hnon, elegosuk.

KOLOSE 2:12

Anasa wera, ugunda meka dasik dara, alab neikaʾ soko lokiyiwosuk. Anya onoʾ Imik Neyung migibaʾ adya somoknaʾ gangganek ab, weboka bukiyiwok migib enyek, ugunda dib senewoulum adya, wera onoʾ ugunda alablaboka neikaʾ subuka bukiyiwousuk.

KOLOSE 4:10

Nadya hembe neikaʾ henga gouboka doronggeisiknya Aristarkus bedya hnon, Barnabas, alja dong bedya me Markus bedya hnon, ugunuk gibisirik. Alsamba dara, ugunuk seleb wenyasikaʾ anasa, yanamla dara, ugunda perobaʾ leboka ubnelum.