RASUL 18:26 - PERJANJIAN BARU NALCA YUBA

²⁶ Dara, Apolos bera hyak asaʾ nongaʾ anyek Yahudi nim edya yuba don ek sam wekoka nim ek yuba leb einisuk bok, Akwila Priskila sik nang penya edya kerek dara, Apolos bek yalom aboka sikja ek sam bo bilirek. Dara, sikja ek ab Apolos bek Imik Neyung pik ara alan aboka, pe wenewoka nekerek.

RASUL 18:26 ပူးပေါင်းရင်းမြစ်များ

MARKUS 10:15

Anasa ugunuk dib lebsin! Heknedya mek mab edya ganya boboka, Imik Neyung adya wenesin heik era, yeng asaʾ donggulumla dara, alda Imik Neyung adyaʾ wenesin heik ara weknenggunumla,” hyok.

LUKAS 19:26

Danyek dubnya bedya lebnemokaʾ ara, Ugunda hyak pe beknelum, Heknyek nauba ululanya bek anyek, eimik nauba sounuwoka eleganamla. Bok yokaʾ-yokaʾ oroknya bera, alak an mekaʾ ululanya neneba nidyaʾ dobnamla.

LUKAS 24:27

Dara onoʾ Yesus adya sikenek sam, men danyek Musa bedya hnon, nidyaʾ ununumnaʾ len nang edya alsamba leboka momnya dorob yub enyek lelewoka neksuk.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

RASUL 14:3

Dara, Paulus beb, Barnabas beb dara, Ikonium heikek ara liga nauba so mandewoka ubdarek. Wera ulurek ab dara, hyak asaʾ ganya boboka, Wenelesilnya bedya yuba nauba lelerek. Wera Wenelesilnya bedya anaba, nadya wanaʾ uboka eleksinaʾ yub ara, dib ulumla ella danokaʾ aboka, lok so beknaʾ ab, senenggom lok so ununaʾ ab, elegesuk.

RASUL 18:18

Ban nen seleb unumok bok, Paulus bera or nauba Korintus heikek ulwenelemok. Wera Paulus bera Korintus nang ek or pe ululum abgogosuk dara, alda Akwila beb Priskila geblaboka, Siria sokok sam mek ekla bunaʾ adya bukoka bilimek. Men binggumok bok, Paulus bera Kengkrea heikek ab danyek Imik Neyung amba gwanga lomokaʾ ara, alja honga gomek.

RASUL 18:25

Onoʾ hnon Wenelesilnya bedya neknaʾ lomok ab uboka domoknya. Anasa wera, alda hyak ganya yeiriwoka Imik Neyung yuba Yesus ak geklewoka nauba lelemok bok, wera Yohanes Pembaptis bedya dalasukaʾ ok ella ulumok.

RASUL 19:8

Paulus bera walaʾ winilya Epesus heikek uboka, anyagan Yahudi nim edya yuba don ek wekoka Imik Neyung adya eimik wenelemnesil yub enyek, nimi yok nang ek lolowoka anyek aboka bekellilisuk.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

RASUL 8:31

Dara benedya, ”Nimi yok nang edya, nera damok ara ban nenesa lebok aboka neknenaʾ orok dara, hekaʾ huboka ella danasinya do?” wenhyok dara, wera onoʾ Pilipus bek, ”Nadya pam e dubuk an bul yalom,” hyok.

1 KORINTUS 12:21

Anasa wera heng adya dara, soruk ak, ”Nara anak dolbalek senelenggen,” wenyhenggunumso. Onoʾ huk adya yan ak, ”Nara anak dolbalek senelenggen,” henggunumso.

1 KORINTUS 3:18

Nimi ben hnon, al damnya bol neneldanggom. Onoʾ nimi ben hnon ugun gangganek ara, nara yokaʾ-yokaʾ nauba el nong seneldalamla dara, Imik Neyung adya alak yok geremseng hwamnya nenewonululaʾ aboka, wenera dongdang anaʾ anyaʾ dangoka ululul.

1 KORINTUS 8:2

Nimi ben hnon, nara yokaʾ-yokaʾ ara, nauba ella ulumna seneldalalanya bera, hyak dib nong ara, yokaʾ-yokaʾ ganya olowoka anam pe ella unggulumla.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.