RASUL 17:24 - PERJANJIAN BARU NALCA YUBA

²⁴ Imik Neyung ban soko enyeb, nidyaʾ sokok anyagan ulumla ab, uyimok Imik Neyung enyek ugunuk sam neksin. Dara al on Imik Neyung enyek alda nim adya wenelesak sokok ab, imik ab, dubnya ulumla. Alda nim adya yok mengewoka giblenob aboka solomak ek sam unggulumla.

RASUL 17:24 ပူးပေါင်းရင်းမြစ်များ

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

MATIUS 5:34

Bok wenera nara ugunuk dib lebnesin, Hyak dib unuwanamna aboka yokaʾ-yokaʾ si sibuka migibaʾ nenenaʾ ara mem. Wera im ara Imik Neyung ulumlaʾ ak anasa, imi si sibuka hnon, sokok ak dara, Imik Neyung adyaʾ yan doloknaʾ ak anasa, soko si sibuka hnon, Yerusalem heik ara senenggom dubnya bedya heik ek anasa, Yerusalem heika si sibuka hnon, anaso nidyaʾ si sibuka lenaʾ ara hyak mem.

LUKAS 10:21

Dara ban neik salek Yesus anaba, alda ei-ei ganya bomokaʾ ara, Imik Neyung Geisinya adya deknemokaʾ adya umok. Anasa Yesus adya dara, ”Neyung, Wenelesilimnya o, anda soko ab im ab dubnya ululam! Nara anak perob aboka gibgenaʾ ara, ban nidyaʾ unulusilimaʾ ara, geremseng nang eb, yokaʾ-yokaʾ ella danganaʾ dolomak nim ek ara gunuweisinjok, alda mek so nim ek anyek laga nekoka amalesilimaʾ anasa gibgen. Ban unululamaʾ ara, anja ganya adya uboka, perob senelelamaʾ anasa perob,” hyok.

YOHANES 1:1

Hyak men youbuka, nidyaʾ uyiwanggom bok, yub ara seleb ulumok. Yub ara, Imik Neyung ablaboka ulureekanya, yub ara Imik Neyung ulumok.

RASUL 14:15

”Wei, ugunda hekasa ban nenera unulum do? Nunda im nang gomaʾ. Ugumba ululum sok, nundaʾ nim anyaʾ. Nunda anyagan younum ara, ban unuwoka yokaʾ-yokaʾ giblelumaʾ anyek loboka, Imik Neyung bek, im ab, soko ab, senenggom mek gwan eb, lomok sam ulumla nidyaʾ ab, uyisuknya bek sam ganya angawoka yoululum aboka, perob lero yanggan yuba bo yeiniboka lel yosunum.

RASUL 4:24

Dara, sikja hemyab edya dub nang edya ban wenyamekaʾ kemek dara, sikda nidyaʾ hnonok ganya boboka Imik Neyung ak heng uboka molowoka lemekja, ”Senenggom Wenelesilimnya o, anja adya im ab, soko ab, senenggomaʾ mek gwan eb, nidyaʾ yokaʾ-yokaʾ anyagan ulumla ab dara, anja ok nidyaʾ uyilum,” aboka mololomek.

RASUL 7:48

Bok, Imik Neyung migibaʾ senenggomaʾ ululanya bera, alda nimi solomak ek sam unggulumla. Nenesa leboka, ununumnaʾ lelemek nang bukuk sam momnya dobok an:

ROMA 1:19

Sikja Imik Neyung ak ella ubnesengnya nera, Imik Neyung ara sikinek seleb laga nenebdangamok anasa, siksamba beknaʾ laga ulumla.

IBRANI 1:2

Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.

IBRANI 3:4

Nidyaʾ e dibaʾ ak dara, alba sonaʾ elnya bedya ok solomla bok, yokaʾ-yokaʾ nidyaʾ pe geremsengaʾ sunuwoka sololanya bera, Imik Neyung ak hnonok ulumla.

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.