RASUL 17:12 - PERJANJIAN BARU NALCA YUBA

¹² Dara, Berea Yahudi nim era hyak nauba Yesus ak dib senewoka domek dara, wera Yunani nanga nong ak dara, men mengewoka dub dangoka gelewa hnon, nengmab anababya, nauba Imik Neyung ak dib senemek.

RASUL 17:12 ပူးပေါင်းရင်းမြစ်များ

MARKUS 15:43

Wera anasa, Arematea mok ebnya, Yusuf bera, alda yuba yana lelesin nang wa wenya perobnya ulumookanya, Imik Neyung adya wenelemnesilaʾ ara, eibnunaʾ aboka diri ulumok. Dara, alda asaʾ ganya boboka Pilatus bek, Yesus adya beʾ dakoka dibnamna aboka molol byuk.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

RASUL 13:46

Bok Barnabas beb, Paulus beb dara, danyek nauba so asaʾ ganya boboka yeiriwoka lelerek. Dara sikja lelerek ara, ”Imik Neyung adya yub enera ugunuk men seleb leb eleganesiseng senelelabok, ugunda lek senewoka wekdo doroklolumukanya ugumba yok nunda dib embengaʾ ulmoubnaʾ era dobnenggunusibya senen ululum anasa, wera nunda ugun Yahudi nim ek loboka, yok sokok nim ek Imik Neyung yuba lebnom aboka balanam.

RASUL 13:50

Bok, anyagan heik yokaʾ senenggom dub nang eb, Imik Neyung ak lok ganya boboka ulumek dub gelewa eb dara, sikenek Yahudi nang edya wenyaro doblesik. Wera danyek, sikda Barnabas Paulus ak isaʾ nang geboka oboka, ugun penya dara, nunja ak sam ab lo binirum aboka waboka yakasik.

RASUL 14:1

Wera Paulus beb, Barnabas beb, Ikonium heikek anaba Antiokhia heikek ulumok sok neik diligaʾ domok. Paulus beb, Barnabas beb dara, Yahudi nim edya yuba don ek biniboka, hyak pe sunuwoka Imik Neyung yuba lerek adya, Yahudi nimi yokaʾ ab, Yahudi gom nim eb, Yesus ak dib senewoka doromek.

RASUL 2:47

Sikda hyak sobaʾ Imik Neyung ak giblemeekanya, nimi nidyaʾ sikenek perob senelesik. Dara, Wenelesilnya bedya yuba don nim ek yok bleblesuk nimi sob-sobaʾ sikenek bo maklesuk.

1 KORINTUS 1:26

Wei, ugunda hemyab o, Imik Neyung adya ugunuk youbosuk sum era, ugunda hekaʾ anasonya ululum anyek seiniwolulum. Nimi heng adya ugunuk kemesin dara, geremseng nang hnon, ganya goluwoka sikenek kelemak nimi hnon, yok-yok senenggom dub nanga hnon, nauba unggululum.

EPESUS 5:14

Nenesa leboka yuba hnon ulumlaʾ ara, ”Anda hogunga malalamnya bera buklom, nimi somoknaʾ ak ab goboka buklom. Dara an nong ak Kristus adya dilinaʾ era, yebdo yibinenggel,” hyok.

YAKOBUS 1:10

Bonaʾ dub nim era holaʾ esaʾ anaso ak haboka denghenemak bok anasa, onoʾ alda bonaʾ dubnya bok yuba dololanya bera, alak Imik Neyung adya sokok nenelamla dara, alda or perob aboka ei-ei ganya bololul.

YAKOBUS 1:21

Anasa wera, sob sembejaʾanya neb, yu ganya hwamnya neb dara, bobogolulum. Imik Neyung adya alja yub era ugunuk blebsin danasa migib ulumlaʾ anasa, ugunja ganya lomok sam melesilaʾ anyek, ugunja ganya sokok nenebdangoka doblulum.