RASUL 16:16 - PERJANJIAN BARU NALCA YUBA

¹⁶ Dara onoʾ yok sum enyek, nunda heng uboka mololomoub ak sam balamouba enyek, nunda arasinaʾ gel gek hnon eiyimouba. Gel genera bisaʾ adya gologomookanya, alda yokaʾ-yokaʾ eimik unuwanananya nek men orowek unuwanamla aboka lero yabalamok gel hnon ulumok. Alda nimi yok nang ek sam, eimik era anda anyek dib unuwanenggel hen dara, rupiah eleklemek adya, alja ek wa weboka ulumok ek nim ek ara nauba duba dangamek.

RASUL 16:16 ပူးပေါင်းရင်းမြစ်များ

RASUL 16:13

Pilipi ulumoub salek Sabat mem sum dok dara, Yahudi nang edya anyagan Imik Neyung ak mololomak ak senemoub ak mek gwana longomokaʾ ak heik gokgobok sam bilimouba. Dara, nunda anyagan ulumek gelewa gong danyeb neikaʾ yuba saro bulumouba.

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

RASUL 16:19

Dara, gel dam nang edya, ek wa weboka ununumnaʾ lelemla adya rupiah nauba dolomab bok denghelaʾ senemek dara, sikda Paulus beb, Silas beb salawoka, deknaʾ gasaʾ ak sam gliboka bo biniboka henga geregoka dub nang ek sam bo bilimek.

RASUL 19:24

Epesus heikek ara, nimi si Demetrius bedya, Artemis bek gibnaʾ e sunuwoka, perak adya mek e gong memelemok adya, nidyaʾ welemek nang amba deknaʾ nauba lanalamok.

GALATIA 5:20

bisaʾ girik gala gibnaʾ ab, nimi guma guknaʾ ab, lek seneldanaʾ ab, waldanaʾ ab, ganya oka deregoka solom ganya ab, dibum an ganya ab, nanokok pewounulul senenaʾ ab, doluwoka malya neneldanaʾ ab, mala doldanaʾ ab,

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

2 TIMOTIUS 3:8

Youmaʾ danyek Yanes beb, Yambers beb dadya, Musa bek bleklerek sok, onoʾ neikso ban malya unulumak nim era, Imik Neyung adya dib nong yub ek bleklemak. Sikja ganya era seleb oulaʾ oboka blobsuk. Sikja yuba dib senemekaʾ ak ara, saawoka dobnamenggom ubsuk.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.