RASUL 16:13 - PERJANJIAN BARU NALCA YUBA

¹³ Pilipi ulumoub salek Sabat mem sum dok dara, Yahudi nang edya anyagan Imik Neyung ak mololomak ak senemoub ak mek gwana longomokaʾ ak heik gokgobok sam bilimouba. Dara, nunda anyagan ulumek gelewa gong danyeb neikaʾ yuba saro bulumouba.

RASUL 16:13 ပူးပေါင်းရင်းမြစ်များ

MATIUS 13:2

Yesus bulumokaʾ ak ara, nimi hyak nauba yeiniboka longol ganaklemekaʾ anasa, nimi nauba ara mek dalaʾ ak weklam lobek bok, Yesus ak dara, alda mek gwan nong ok sam, mek ekla bunaʾ eilib bukok.

MARKUS 16:15

Onoʾ, alda sikenek wenhyok, ”Ugunda yok mok soko me nidyaʾ biniboka, perob lero yanggan yub era, nimi nidyaʾ ak leb elekdo yabalemnelum.

LUKAS 13:10

Yok Sabat mem sum enyek, Yesus ara yok Yahudi nim edya yuba don ek sam yuba lel eleklesuk.

YOHANES 8:2

Onoʾ Yesus maboka gwelegok dara, hyak lugunaʾ nong enyek, Yerusalem heikek Imik Neyung ek yeilimok. Dara, nimi nauba al damak mamagal yeilimek dara, alda bukoka, onoʾ Imik Neyung yuba sikenek lelesuk.

RASUL 13:14

Wera sikda penya Perga heik ab ara, soko pik Pisidia moka Antiokhia heikek birik. Dara, Sabat mem sum era heik enyegan nim eblaboka Yahudi nim edya yuba don ek yuba longol bilimek.

RASUL 13:42

Dara, Paulus bedya ban nidyaʾ wenyabgogomok dara, wera Barnabas beb, Paulus beb dara, Imik Neyung ek ab ara, gobuka barek salek enyek, Imik Neyung ek an longomek nim edya, nenyek Sabat mem sum hnon neknesurum anasa, onsok yanarum aboka molomek.

RASUL 16:16

Dara onoʾ yok sum enyek, nunda heng uboka mololomoub ak sam balamouba enyek, nunda arasinaʾ gel gek hnon eiyimouba. Gel genera bisaʾ adya gologomookanya, alda yokaʾ-yokaʾ eimik unuwanananya nek men orowek unuwanamla aboka lero yabalamok gel hnon ulumok. Alda nimi yok nang ek sam, eimik era anda anyek dib unuwanenggel hen dara, rupiah eleklemek adya, alja ek wa weboka ulumok ek nim ek ara nauba duba dangamek.

RASUL 16:6

Imik Neyung Geisinya adya Paulus beb, Silas beb dak, Asia mok era Imik Neyung yuba lel birijek aboka mem hyok dara, loboka sikda Frigia sam hnon, Galatia sam yuba lebgiga birik.

RASUL 17:2

Wera Paulus bera on ulumok so wek adya, alda Yahudi nang edya Imik Neyung ek byuk. Dara, Imik Neyung yuba momnya dobokaʾ anasa leboka, sikda neikaʾ ganya amomaʾ ubdangoka ulumek. Dara, Paulus bera ban unulumok salek ebaʾ moruwoka Sabat mem sum li winilya gobdo lemok.

RASUL 18:4

Bok Paulus Sabat mem sum hen dara, wa welemna ara loboka, Yahudi nim edya yuba don ek sam biniboka, sikenek hnon onoʾ Yunani nang ek hnon, nidyaʾ Yesus ak dib senewoka dobnok aboka yuba dukaʾ saawoka lel eleklesuk.

RASUL 20:7

Troas heikek ara, ban minggu en men sum enyek, hemyab eb bolowoka neikaʾ ak delemouba. Paulus bera ampum lanawoka binimna senemok anasa, anyagan ulumek nim emba yuba nauba lebdibigemok. Wera inimnek dukdukanek dangamok anaba Paulus bera anam yuba lelmorulomok.

RASUL 21:5

Bok anyagan ulumouba salek enyek, Yerusalem heikek ban salek era oka dok dara, Tirus nang era anyagan loboka, nunda lanawoka balamouba dara, sikja gelewa mab ab, nidyaʾ nuk arawoka bobsiknya nera heik gokgobok sam bo bokol bisik. Wera mek gwan berem mek ekla bunaʾ ak byuba dara, nunda nidyaʾ sikeneb komo lumugoka heng uboka molomouba.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.