RASUL 15:28 - PERJANJIAN BARU NALCA YUBA

²⁸ Ugunuk sam nauba senenggom igin yakaʾ enyek kweiyiwoka ubsilyek aboka, Imik Neyung adya Geisinya beneba hnon, onoʾ nunjaʾ anaba, nera ugunuk ubsilyek aboka, alda ban nenyek unuwanasengnya nera ban ulumla an:

RASUL 15:28 ပူးပေါင်းရင်းမြစ်များ

MATIUS 11:30

Anasa, nadya lelesin yub era, yongonaʾ ak ulumla, nadya ugunuk bollilesin igin yakaʾ era jakmanaʾ ak ulumla,” hyok.

MATIUS 23:4

Sikda iginnya nenyek, nimi yok nim ek bol dilimak bok, sikja dara, uruma anaba mekaʾ donaʾ orok.

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

RASUL 15:19

Onoʾ Yakobus bedya dara, ”Nadya senelamna dara, nunja dara, Yahudi gom nim Imik Neyung ak sam seleb ganya dangal balamak nim ek nunja adya okna nenewoka ganya wili-wala ab menegeibyek senelamna.

RASUL 15:25

Anasa wera nenesa leboka, nunda anyagan ara yuba longowoka nauba saboka, wera perob or unuwanamab amabakanya, ugunuk sam nimi wenen nang bokol binimab aboka umab. Dara, ugunuk binilum hibya nang era, nunja wanaʾ ulusab nang Paulus beb, Barnabas beb yanggeirija dara, neikaʾ binok senewoka unumab.

RASUL 15:8

Dara, Imik Neyung adya nimi nidyaʾ ganya ella ulusilnya bedya, alja Yahudi gom nang ek doro dibnesuk amba dara, seleb laga amasuk. Unuwoka amalasuknya nera, Imik Neyung adya alja Geisinya benyek, nuk men youmaʾ seleb elegesuk sok anyek, onoʾ sikenek hnon seleb elegesuk adya, amasuk.

RASUL 16:4

Paulus beb yok nim eb, sikda yok heik yok heik yabalameekanya, yuba lenaʾ gak nang eb, yuba dam nang eb dadya, Yerusalem heikek ab lemekaʾ anyek, dib senewoka unuwanok aboka elekdo yabalamek.

RASUL 5:32

Anasa nu hnon, Imik Neyung adya alja yuba pe keboka unulumak nang ak, Geisinya eleklesil Geisinya anyek hnon, ban unumok ak eillilimoub anyek, damok nang ulumab,” hyek.

1 KORINTUS 14:37

Hnon nim era, ununumnaʾ lenaʾ damok migibaʾ ulunel gom, Imik Neyung Geisinya adya yok eleknaʾ elegenyok senemlya dara, wera nadya momnya doboka beillilamnaʾ anara, Wenelesilnya bedya oruknaʾ yub ara, an senewoka yo hulul.

1 KORINTUS 7:25

Wera gela nenya dobdanggom nim emba lebnamna. Ban nenesemba dara, nara Wenelesilnya bek ab yuba hnon okoka neknenggunyok bok, Wenelesilnya bedya nak angoo yadyek senewoka eleklenelnya bedya, ban senelenanya nenyek neknesin.

1 KORINTUS 7:40

Bok nenya somogamso gel gera, yok nenyek donaʾ orok dara, hyak nauba pe ulumnamla senelamna. Nera nadya ganya edyok seiniwoka lebnabok, Imik Neyung Geisinya migib adya lelemlaʾ ak lelemna, senelamna.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

WAHYU 2:24

”Bok ugun yok nimi Tiatira heikek ululum nim era, ban malya unaʾ yub ek sunuwoka ununaʾ loboka, Satan bedya hyak lomok so unuwanalum alalanya nek ara einiwoka ella danganggululum nim ek lebsin. Ugunuk an hekaʾ ulusilaʾ anyek, pe salabmoubuka ulumunaʾ moruwoka na yanamna. (Nara anak an yok igin yakaʾ ara hnon eleganggununggen.)”