RASUL 14:17 - PERJANJIAN BARU NALCA YUBA

¹⁷ Bok anababya, alda sikenek ara na ulumna aboka beknaʾ sobaʾ neklesuk. Alda mok li imik ab ara eleklesuukanya, onoʾ ugunuk gwanenga wa weboka nonga yongon salek eleklesuk adya, pe unulusuk. Alda ugunuk denaʾ elegoka, ugunja ganya sangellilisil,” arek.

RASUL 14:17 ပူးပေါင်းရင်းမြစ်များ

MATIUS 5:45

Anadya ugunda imik ululanya bedya mabo danalum. Anasa wera, Imik Neyung ara henga dingillilimla dara, hnonda pe ulumak nim emba hnon, onoʾ malya ulumak nim emba hnon, dingilamla. Dara moka yalamla dara, hnonda pe ulumak nim emba hnon, onoʾ malya ulumak nim emba hnon yalamla.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

RASUL 14:18

Barnabas beb, Paulus beb, ban wenyaboka loblulum aboka yuba sekoka lelerek anababya, blekdeboka pam oboka sikenek dukaʾ lolowoka gibsinobaʾ senemek ara berra lobnenggumek.

RASUL 17:26

Imik Neyung adya nimi hnonok uyimookanya, wera nimi nidyaʾ soko me nidyaʾ bokiyiwok, nidyaʾ soko deknewoka ulumnamak aboka unusuk. Al Imik Neyung adya nim ek sam, hek sum, sumen hanyagar ulumneseng ara, alja ok orowek seneiyisuk.

1 TIMOTIUS 6:17

Anda sokok sam bonaʾ dub nim ek sobaʾ ulmoubnenggulumla bonaʾ emba leboka dengdang ganya boboka, bonaʾ ak ganya dib beiliwomunuk aboka, wenyaboka neklesilom. Bok saawoka, alda Imik Neyung nuk yokaʾ-yokaʾ nauba gigiwosulul senewoka, eleklesilnya bek ok ganya kweboka welenokaʾ aboka, neklesilom.