RASUL 14:1 - PERJANJIAN BARU NALCA YUBA

¹ Wera Paulus beb, Barnabas beb, Ikonium heikek anaba Antiokhia heikek ulumok sok neik diligaʾ domok. Paulus beb, Barnabas beb dara, Yahudi nim edya yuba don ek biniboka, hyak pe sunuwoka Imik Neyung yuba lerek adya, Yahudi nimi yokaʾ ab, Yahudi gom nim eb, Yesus ak dib senewoka doromek.

RASUL 14:1 ပူးပေါင်းရင်းမြစ်များ

MARKUS 7:26

Anya bisaʾ alja gelma ek ab yaklulaʾ senewoka molowok. Ban gel gera, alda Yahudi gel gom, alda Fenesia, Siro sokok ab beiyimeekanya, Yunani yuba salamok gel. Dara, bisaʾ alja gelma ek ab yaklulaʾ aboka, Yesus ak molowok.

YOHANES 12:20

Dara, Yerusalem heik Yahudi nim edya perob sum anasa, yuba longowanamab aboka balamek sum enyek, Yunani nimi hnon neikaʾ makoka bilimek.

YOHANES 7:35

Dara, Yahudi nim sik moumen heibdangoka lelemekja, ”Na binyaʾ ak ara ugunda eiyiboka yanggunusom alasil dara, hekaʾ huboka eibnenggunusibyaʾ anasa lelemla do? Gom, Yahudi nim enyek, Yunani nim eblaboka mok sam soboka ulumak nim ek biniboka, Yunani nim ek neklesununaʾ aboka lelemla gom?

RASUL 11:21

Wenelesilnya migib era, yuba lelemek nang gologoka ulusuk adya, wera sikja nimi yok nim ek yuba lelemek dara, nimi gong dib senewoka, sikja nonga ganya gekman Wenelesilnya bek sam elegemek.

RASUL 13:43

Wera nimi nidyaʾ Yahudi nim edya yuba don ek longomek nang era gobek dara, Barnabas beb, Paulus beb barek pik, Yahudi nang eb, Yahudi nanga yokaʾ gom bok Yahudi Imik Neyung yuba dolomek nang eb dara, sikenek dobgiga bilisik. Dara, Barnabas Paulus adya ugunda hyak Imik Neyung adya wanaʾ uboka eleksinaʾ lomok sam pe ulmorulumnalum aboka, wenyaboka wenewoka lesirik.

RASUL 13:46

Bok Barnabas beb, Paulus beb dara, danyek nauba so asaʾ ganya boboka yeiriwoka lelerek. Dara sikja lelerek ara, ”Imik Neyung adya yub enera ugunuk men seleb leb eleganesiseng senelelabok, ugunda lek senewoka wekdo doroklolumukanya ugumba yok nunda dib embengaʾ ulmoubnaʾ era dobnenggunusibya senen ululum anasa, wera nunda ugun Yahudi nim ek loboka, yok sokok nim ek Imik Neyung yuba lebnom aboka balanam.

RASUL 13:5

Dara, sikda Siprus moka birik dara, Salamis heikek biniboka, Yahudi nim edya yuba don ek wekoka, Imik Neyung yuba leb elekdo yabalarek. Yohanes Markus bera arawoka yabalemek.

RASUL 13:51

Bok Barnabas Paulus adya dara, yan sang sembejaʾ heik enyegan beknaʾ dibaʾ bolom-bolom arek seleb dara, sikda Ikonium heikek birik.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

RASUL 14:2

Bok onoʾ Yahudi nimi darasam hnon nim era bokoka, Yesus yuba donaʾ lek senewoka ulumek nim era, Yahudi gom nim ek wenewoka sondaʾ anasa lelerak aboka wenewoka lelesik adya, wera sikbabya Yesus ak dib senewoka dolomek nim ek malya senelemek.

RASUL 14:21

Derbe heik ara, Paulus beb, Barnabas beb dara, Imik Neyung adya perob lero yanggan yuba lelerek dara, nimi nauba Yesus ak dib senewoka domek. Ban nen seleb dara, sikda on pik Listra heikek yarek dara, onoʾ anyaganyeb uboka dara Ikonium heikek yarek, wera anyaganyeb dara, onoʾ Pisidia moka Antiokhia heikek birik.

RASUL 16:1

Wera Paulus bera balamok ara Derbe heikek ab uboka dara, onoʾ Listra heikek byuk. Dara, anyagan ara Yesus ak yuba doro diriga balamoknya si Timotius ben hnon ulumok. Alja genong gera Yahudi nimi yokaʾ bok, Yesus ak dib senewoka domok gel. Bok alja neyung bek dara, Yunani nang ulumok.

RASUL 16:2

Imik Neyung ak dib senewoka domek nang Listra heikek hnon, Ikonium heikek hnon, ulumek nang edya dara, Timotius bera alda hyak perobnya senewoka dib senelemek.

RASUL 17:12

Dara, Berea Yahudi nim era hyak nauba Yesus ak dib senewoka domek dara, wera Yunani nanga nong ak dara, men mengewoka dub dangoka gelewa hnon, nengmab anababya, nauba Imik Neyung ak dib senemek.

RASUL 17:17

Anasa wera, Paulus bera Yahudi nim edya yuba don ek sam Imik Neyung bek lok ganya bolomek Yahudi gom nang eb, anyagan Yahudi nang yokaʾ ulumek nang eb, ganya amomaʾ ubdangoka ulumek. Anasonya neikik onoʾ deknaʾ gasaʾ pik uro balamek nang eblaboka Paulus bera sob-sobaʾ neikaʾ pe ganya amomaʾ ubdangoka uro balamok.

RASUL 17:4

Wera, Yahudi nimi wene nang yuba dib senewoka, Paulus Silas ak sam makal balamek. Anasonya neikik, Imik Neyung bek lok ganya bolomek Yunani nimi nauba hnon unulumek. Dara wera, onoʾ mengewoka dub ulumek gelewa gong hnon makoka ulumek.

RASUL 18:4

Bok Paulus Sabat mem sum hen dara, wa welemna ara loboka, Yahudi nim edya yuba don ek sam biniboka, sikenek hnon onoʾ Yunani nang ek hnon, nidyaʾ Yesus ak dib senewoka dobnok aboka yuba dukaʾ saawoka lel eleklesuk.

RASUL 18:8

Dara, Imik Neyung e damnya Krispus bera, alja mabo gelewa nidyaʾ ab, Wenelesilnya bek dib senewoka domek. Dara, nimi nauba Korintus nang eneba yuba keboka dib senewoka yuba dolomek dara, sikbabya meka dasik.

RASUL 19:10

Paulus bera ban unuwoka unulumok salek era, gibnaʾ penya gobdo lemok dara, Yahudi nang yokaʾ babya, onoʾ Yahudi gom nang eneba, nidyaʾ sikda Asia moka ulumeknya nera, gobdo Yesus yuba nidyaʾ kemek.

RASUL 19:17

Nimi nidyaʾ Yahudi nimi yokaʾ ab, Yahudi gom nim eb, Epesus heikek ulumek nimi nidyaʾ ara, ban unuweisil an yuba kemek dara, sikda hyak ganya loka dasuk. Wera danyek, Wenelesilnya Yesus si ara imik nenewoka gibgiga balamek.

RASUL 19:8

Paulus bera walaʾ winilya Epesus heikek uboka, anyagan Yahudi nim edya yuba don ek wekoka Imik Neyung adya eimik wenelemnesil yub enyek, nimi yok nang ek lolowoka anyek aboka bekellilisuk.

RASUL 2:47

Sikda hyak sobaʾ Imik Neyung ak giblemeekanya, nimi nidyaʾ sikenek perob senelesik. Dara, Wenelesilnya bedya yuba don nim ek yok bleblesuk nimi sob-sobaʾ sikenek bo maklesuk.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 21:28

wenyamek, ”Wei Israeli nim o, aral yousululum o. Wera benedya nidyaʾ yok-yok mok soko biniboka, nunja mok nang ek malya nenesinaʾ damoka neklesilnya bera an. Hnonda Musa bedya unuwanalum an yub ek blekoka, onoʾ Wenelesilnya bedya ek malya e aboka bleklelanya bera alan. Anya onoʾ Yunani nang en Paulus bedya Imik Neyung adya geisa ek an aboka bo yalamla anasa, malya ullilimla hnon,” aboka lelemek.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

ROMA 1:16

Perob lero yanggan yub ek dara, nara alya dabnenggulunel. Ban yub era Imik Neyung migibaʾ nong ak ulumlakanya, nimi nidyaʾ dib senelemak nim, men nong dara Yahudi nim, dara onoʾ Yunani nim eneba bleblesil anasa, alya dabnenggulunel.

ROMA 10:12

Wera dara, Yahudi nim ab, Yunani nim eb dara, yok-yok gebeldan damok era hnon unggulumla. Anasa ban hnonok Imik Neyung enedyok nidyaʾ nim amba wenesinya ulumlakanya, alak bii alamak nim nidyaʾ ak perobaʾ nenelesil.

GALATIA 2:3

Titus be nab neikaʾ bilinumnya bera, alda Yunani nang bokaʾ anyek, sikja Yahudi nanga bolaʾ garaldalamak sok, alba unuwoulul aboka dukaʾ lolom-lolom henggumek.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

2 TIMOTIUS 3:11

Nak malya uboka saboka oboka, nauba gwekoka igina kwelenyokaʾ anaba seleb ella ululam. Dara nak Antiokhia heikek ab hnon, Ikonium heikek ab hnon, Listra heikek ab hnon, yokaʾ-yokaʾ nidyaʾ ununyok ara, ganya mel-mel aboka siklewoka ulumsaʾ ara ella ululam. Bok, ban unulunyok bok, Wenelesilnya bedya nak nidyaʾ ak ab seleb blebnyok.