RASUL 13:50 - PERJANJIAN BARU NALCA YUBA

⁵⁰ Bok, anyagan heik yokaʾ senenggom dub nang eb, Imik Neyung ak lok ganya boboka ulumek dub gelewa eb dara, sikenek Yahudi nang edya wenyaro doblesik. Wera danyek, sikda Barnabas Paulus ak isaʾ nang geboka oboka, ugun penya dara, nunja ak sam ab lo binirum aboka waboka yakasik.

RASUL 13:50 ပူးပေါင်းရင်းမြစ်များ

MATIUS 10:23

Ugunda yok heikek ab, yana lelewoka obnesak dara, men yok heikek berra binilum. Nara ugunda ban dib lebnesin, Ugunda Israeli nim ulumak heikek nidyaʾ ara, anam kemero yibinggumun salek, nimi dibaʾ me nera men yanamla.”

MARKUS 15:43

Wera anasa, Arematea mok ebnya, Yusuf bera, alda yuba yana lelesin nang wa wenya perobnya ulumookanya, Imik Neyung adya wenelemnesilaʾ ara, eibnunaʾ aboka diri ulumok. Dara, alda asaʾ ganya boboka Pilatus bek, Yesus adya beʾ dakoka dibnamna aboka molol byuk.

MARKUS 5:17

Dara, mok soko en dam nimi, sikda Yesus ak nunja mok soko ek ab men lo binilam aboka molob einiwek.

RASUL 13:43

Wera nimi nidyaʾ Yahudi nim edya yuba don ek longomek nang era gobek dara, Barnabas beb, Paulus beb barek pik, Yahudi nang eb, Yahudi nanga yokaʾ gom bok Yahudi Imik Neyung yuba dolomek nang eb dara, sikenek dobgiga bilisik. Dara, Barnabas Paulus adya ugunda hyak Imik Neyung adya wanaʾ uboka eleksinaʾ lomok sam pe ulmorulumnalum aboka, wenyaboka wenewoka lesirik.

RASUL 13:45

Dara, Yahudi nang yokaʾ nong adya kemelemek enyek, nimi nauba Barnabas beb, Paulus beb dadya, lelemek yub ek dolomekaʾ eiyimek dara, sikda hman ganya boboka ulumek. Dara, sikda Paulus bek anda malya nong aboka, alja lelemok yub ek sondaʾ anasa lelemla aboka blekoka derewoka lelemek.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

RASUL 14:2

Bok onoʾ Yahudi nimi darasam hnon nim era bokoka, Yesus yuba donaʾ lek senewoka ulumek nim era, Yahudi gom nim ek wenewoka sondaʾ anasa lelerak aboka wenewoka lelesik adya, wera sikbabya Yesus ak dib senewoka dolomek nim ek malya senelemek.

RASUL 14:4

Bok, heik enyegan nimi sik moumen dukaʾ lolowoka bokdangoka, hnonda Yahudi nang ek sam bokoka makal balamek dara, hnonda Imik Neyung yuba lenaʾ gak nang ek sam mamagel bilimek.

RASUL 14:5

Wera danyek, Yahudi gom nim eb, Yahudi nimi yokaʾ nim eb, sikja dub nang eb, Paulus beb, Barnabas beb danyek, girik adya gweboka saboka obnemab aboka yuba sal gegelemek.

RASUL 16:14

Dara, sik hnoum an bulumok gel gera alja si nera Lidia, alda Tiatira mok eb gel gek ulumok. Alda mouk dok akleng ek deknaʾ dekoka dolomok gel ulumok. Dara, alda Imik Neyung ak giblemok gel ulumok. Dara ban sum enyek, Paulus bedya neklesukaʾ ak pe keboka doblulaʾ aboka Wenelesilnya bedya alja ganya bakamok.

RASUL 17:12

Dara, Berea Yahudi nim era hyak nauba Yesus ak dib senewoka domek dara, wera Yunani nanga nong ak dara, men mengewoka dub dangoka gelewa hnon, nengmab anababya, nauba Imik Neyung ak dib senemek.

RASUL 17:13

Wera Yahudi nang edya Tesalonika heikek ab sam kelemek enyek, Paulus bera Berea heik Yesus yuba nim ek leboka unulamla an yuba kemek dara, sikbabya Berea heikek yeiniboka, nimi ganya soro-wara eiyiwoka, nimi nidyaʾ ganya ara yu neniyisik.

RASUL 17:17

Anasa wera, Paulus bera Yahudi nim edya yuba don ek sam Imik Neyung bek lok ganya bolomek Yahudi gom nang eb, anyagan Yahudi nang yokaʾ ulumek nang eb, ganya amomaʾ ubdangoka ulumek. Anasonya neikik onoʾ deknaʾ gasaʾ pik uro balamek nang eblaboka Paulus bera sob-sobaʾ neikaʾ pe ganya amomaʾ ubdangoka uro balamok.

RASUL 17:4

Wera, Yahudi nimi wene nang yuba dib senewoka, Paulus Silas ak sam makal balamek. Anasonya neikik, Imik Neyung bek lok ganya bolomek Yunani nimi nauba hnon unulumek. Dara wera, onoʾ mengewoka dub ulumek gelewa gong hnon makoka ulumek.

RASUL 18:7

Dara wenyaboka lebsuk seleb dara, Paulus bera Yahudi nim edya yuba don ek ab goboka, ok berem ek biniboka ulumok. Ban e damnya bera Imik Neyung bek giblemoknya alja si nera Titius Yustus aboka silimek.

RASUL 2:5

Ban sum era, Yahudi nimi nauba, nidyaʾ yok-yok mok eb yeilimek nim era, Yerusalem heikek ulumek. Ban nimi dara, sikda Imik Neyung ak lok ganya bomek nim ulumek.

RASUL 21:27

Wera onoʾ liga wen yenebok dara, Asia mok eb Yahudi nang adya, Paulus ben Imik Neyung ek ulumok ak eiyimek. Dara, Yahudi nang edya nimi hnoum doluboka, Paulus bek salawoka domeekanya,

RASUL 28:17

Paulus bera Roma heikek ara seleb li winilya mabok dara, Yahudi nang bok Roma heikek ulumek Yahudi dub nang ek yanalum aboka ebmamagesuk. Wera sikda seleb mamagel yeilimek dara, sikenek Paulus bedya lebsukja, ”Hem yab o! Nara nunja mok soko ek hnon, nunja neyung yabo youmaʾ nang ek ab domobnya nenyek hnon, laga blekoka hnon ubnenggumsa bok, Yerusalem heikek ab nak henga gouboka Roma nang ak elegel yanyek.

RASUL 6:12

Dara ban unuwoka, Yahudi yuba dam nang ek hnon, sikja yuba neksin nang ek hnon, nimi salyaʾ yok nim ek hnon, doblomek. Dara, sikda Stefanus bek henga goubuka, Yahudi yuba sanaʾ gak nang ek bo bilimek.

RASUL 8:1

Saulus bera anyagan ulumok ara, Stefanus bek obek dara, perob senemok. Dara al neik sum enyek, men obadya nang Imik Neyung yuba lenaʾ gak nang enyek orok bok, yok Yerusalem heikek sam ab yuba donaʾ nim ek, doluwoka yaklanawoka doboka olosik dara, doluwoka bokdangoka hnonda Yudea sam hnon, hnonda Samaria sam hnon, doknol balamek.

ROMA 10:2

Anasa nara siksamba laga an wenyalamnaʾ ara, sikda Imik Neyung amba hyak yeiriwoka welemak, bok dib nongnya elgomjok unulumak.

2 KORINTUS 11:26

Hyak omom uboka okna pika, nauba yabalamsa. Meka gwenel lendelenyok, hokaʾ don nang ek loka kwelenyok, Yahudi nang ek hnon, onoʾ Yahudi gom nim ek hnon lok ubnen bok yabalamsa, senenggom heikek hnon, gak denaʾ ak hnon, loka kwebnenbok yabalamsa. Mek dubuk ab loka dabnen bok, onoʾ yuba donaʾ orokjok, nunda yuba don nang alamak nang ek ab hnon loka kwelenyok.

1 TESALONIKA 2:14

Nadyaʾ hemyabo nim o, ugunuk an igina kweboka malya nenelesilaʾ ara, Yudea sam Imik Neyung yuba doboka, Yesus Kristus mabo dangamek nim eneba unulusil. Ugunuk an igina kwellilisakaʾ ara, ugunjaʾ meneng mok nang edya ulusak, dara Yudea sam yuba dolomak nim igina kwellilisakaʾ anaba sikja mok nimi Yahudi nang edya ulusak.

2 TIMOTIUS 3:11

Nak malya uboka saboka oboka, nauba gwekoka igina kwelenyokaʾ anaba seleb ella ululam. Dara nak Antiokhia heikek ab hnon, Ikonium heikek ab hnon, Listra heikek ab hnon, yokaʾ-yokaʾ nidyaʾ ununyok ara, ganya mel-mel aboka siklewoka ulumsaʾ ara ella ululam. Bok, ban unulunyok bok, Wenelesilnya bedya nak nidyaʾ ak ab seleb blebnyok.