RASUL 13:48 - PERJANJIAN BARU NALCA YUBA

⁴⁸ Yahudi gom nim era, Paulus bedya ban wenyaboka lelemok anyek kemek dara, eiya uboka, Imik Neyung yub ak gigiwoka eiya hlalamek. Wera onoʾ, Imik Neyung adya embengaʾ unaʾ dobnemak senewoka orowek seiniwoka gegemok nimi nidyaʾ era, Imik Neyung yub ak dib senewoka domek.

RASUL 13:48 ပူးပေါင်းရင်းမြစ်များ

MATIUS 25:46

Dara ban malya unulumek nim era, sobaʾ oka deregoka gweknaʾ ulmoubnaʾ heik ak weknamak bok, alda Imik Neyung ak pelemak nim era, embengaʾ ulmoublemnemak heikek wekel binimak,” aboka Yesus adya wenyhusuk.

MATIUS 28:16

Dara, Yesus adyaʾ goklombadya yuba doro diriga ban nang era, Yesus adya sikenek Galilea mok soko meinik bilimnelum amok sok byik.

LUKAS 7:8

Anasa wera, nara nadya imik eini dub nang yuba kelemna dara, onoʾ na damumduk onu ulumak nang era nadya yuba kelenyak. Nadya nimi yina bonaʾanya bek, Anyagan yalom, hen dara, yalamla. Onoʾ yoknya bek, Anda bilom, hen dara, alda balamla. Anya nadya wa wenya bek, Ban nenyek unuwalom, hen dara, alda keboka unulamla, wenyamla,” hyek.

YOHANES 10:16

Dara onoʾ nadya domba pam gong dara, yok lekaʾ ak sam hnon ulumak. Sikbabya hnon anyagan bo yanasin. Dara, sikda hnon nadya yuba pe keboka, anyagan orowek men ulumak pam eb neikaʾ ak hibnya dara, nadya yokaʾ pama hnonok, nak pama beilinanya hnonok danamla.

YOHANES 11:52

Ban somoganamoknya nera, sik Yahudi nim emba ok lebnenggumok bok, nidyaʾ Imik Neyung mabo bokgogoka ulumek nim enyek, bolowoka neikaʾ ak nenewosululaʾ aboka somoganamoknya nenesa, ununumnaʾ dibaʾ lemok.

RASUL 13:12

Wera, Siprus mok soko damnya bera an unuwok anyek eiyiwoka, alda Wenelesilnya bedya yub ek loka daboka kelemok bok adya, Elimas bek unuwokaʾ eibuk dara, Yesus ak dib senewoka domok.

RASUL 13:42

Dara, Paulus bedya ban nidyaʾ wenyabgogomok dara, wera Barnabas beb, Paulus beb dara, Imik Neyung ek ab ara, gobuka barek salek enyek, Imik Neyung ek an longomek nim edya, nenyek Sabat mem sum hnon neknesurum anasa, onsok yanarum aboka molomek.

RASUL 15:2

Bok Paulus beb, Barnabas beb dadya dara, nera sondaʾ lelelum aboka dogom aboka dukaʾ lolom-lolom aboka lelemek. Wenyabdanggiga balameekanya, wera Paulus beb, Barnabas beb, Antiokhia heikek Imik Neyung yuba dib domek nang eb, Yerusalem heikek bindiwoka Imik Neyung yuba lenaʾ gak nang eb, yuba dam nang eb, ban yub enyek sal binimab aboka, lebdangamek.

RASUL 15:31

Dara wera, Antiokhia heikek Imik Neyung yuba doboka ulumek nim era momnya donaʾ beiyimek damok anyek einimek dara, sikja ganya angawoka hekoka perob senemek.

RASUL 2:41

Dara, Petrus bedya lelemok yub ek keboka dib senewoka domek nim ak meka dasik. Dara, nimi nidyaʾ ban sum Imik Neyung ak dib senewoka domek nim era hiboka denga salyeʾ obadya nang anaso, dangamek.

RASUL 2:47

Sikda hyak sobaʾ Imik Neyung ak giblemeekanya, nimi nidyaʾ sikenek perob senelesik. Dara, Wenelesilnya bedya yuba don nim ek yok bleblesuk nimi sob-sobaʾ sikenek bo maklesuk.

RASUL 20:13

Wera Paulus bera Asos heikek ab dara, mek ekla bunaʾ pik banaʾ loboka, soko pik binimna senewoka orowek sunuwoka meemok. Dara, nunda mek ekla bunaʾ mamok ak byuba dara, Paulus be yanggalyaʾ anyek pika diboka ehwibdanob senewoka, nunda men Asos heikek byuba.

RASUL 22:10

Dara, nadya hnon heibsa, Wenelesilimnya o, nara hekaʾ ak hubnun do? aboka heibsa. Danyek Wenelesilnya bedya nak lebnyok ara, Anda bukoka Damsyik heikek bilom. Dara Damsyik heikek ab danyek, Imik Neyung adya anda unuwanalam senemlyaʾ ara neknenjak, anyok.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

RASUL 8:8

Dara, nimi nidyaʾ Samaria heik ulumek heik nanga nidyaʾ ara hyak eiya dablasuk.

ROMA 11:7

Anasa dara har so do? Israeli nang edya we doblemoknya nera dobnenggubuk, bok nang enedya dobnamak aboka webok nang edya dobek. Dara yok nang era gasa ganya bobek,

ROMA 13:1

Imik Neyung bek ab gom mok soko dub nang era hnon unggulumak anasa, nimi yok-yok aljaʾ imik uboka wa bolomak mok soko dub nang ek ara hyak pe kelelulum. Dara an wen ulumak mok soko dub nang era, Imik Neyung adya memewoka sekeldilisil.

ROMA 8:28

Nunda wenera ella ulumabaʾ ara, Imik Neyung ara alak wanaʾ ulumak nang ek, alja adya ganya seinimokaʾ sunuwoka weboka dobsuk nang ek, siksamba perob damok lanalalulaʾ aboka dara, yokaʾ-yokaʾ nidyaʾ ara, Imik Neyung adya arawoka welesil.

1 KORINTUS 16:15

Hemyab o, Akhaya sokok men yuba domek nimi Stefanus ek nim era, ugunda seleb ella ululumaʾ anyaʾ. Sikda munaʾ Imik Neyung mab amba aran wa ara nauba welemak.

EPESUS 1:11

Imik Neyung ara yok-yok wa nidyaʾ welemlaʾ ara, unuwanamna wenyananya nok sunuwoka unulamla. Dara wera, Imik Neyung adya, hyak youmaʾ nong enyek nuk orowek weboka dobsuk. Anadya, Kristus pik uboka nunda Imik Neyung misaʾ seleb domouba.

EPESUS 1:19

Hnonda onoʾ Imik Neyung adya nunda dib senelemab nang emba leboka migibaʾ hyak yok so ulusilaʾ anyek, ella dololumaʾ aboka mololesin. Imik Neyung migib ak dara, hyak senenggomaʾ lok so migib edya unuwoka,

EPESUS 1:4

Imik Neyung ara soko yokaʾ-yokaʾ anam ulinaʾ orok bok, si gegena ponaʾ orokaʾ anyek alsamba ok munaʾ gobdo ulunokaʾ aboka, Kristus pik uboka weboka dobsuk. Nuk wanaʾ ulusuukanya,

EPESUS 1:5

anadya nu nong anyek, Yesus Kristus pik uboka hyak men youmaʾ enyek orowek weboka doboka, alja mabo yokaʾ gebsuk. Wera alja men danyek perob senewoka unuwanamna senemokaʾ ara an unuwousuk.

2 TESALONIKA 3:1

Anya wera, hemyabo nim o, nunsamba hnon heng uboka mololesululum. Hnonda Wenelesilnya bedya yub era, ugun dolum sok, li sobaʾ nauba danggiga balamlyekanya, imik nenewanokaʾ aboka mololesululum.