RASUL 13:29 - PERJANJIAN BARU NALCA YUBA

²⁹ Wera sikda nidyaʾ seleb Imik Neyung bukuk Yesus amba geklewoka momnya doboka ara unubgogomek dara, Yesus nong ara gal dubuk ab ara, beʾ dakoka boblinggek dara, al nong ara girik lomok sokok sam diyimek.

RASUL 13:29 ပူးပေါင်းရင်းမြစ်များ

MARKUS 15:42

Dara mok soko ara, seleb sin dangoka iniwonunaʾ ubuk salek, anya ban sum era, mem sum gibnemab senewoka memero ulumek sum.

LUKAS 23:50

Yudea sokok ab Arematea heikek abnya nimi si Yusuf be hnon ulumok. Alda perobnyekanya, Imik Neyung ak pe unuwoka, Imik Neyung dubnya uboka wenelemnesilya sum eibnunaʾ aboka diri ulumok dara, nimi nidyaʾ adyaʾ anaba alak perob senelemek. Al nong ak yana lelesin wa welemak nang dangoka ulumok bok, yana lelesin nang edya unuwanamab aboka, unulumeknya nera, alda lek senelemok.

LUKAS 23:53

Dara alda Yesus diyimekaʾ ak ab beʾ dakdo boblenggoka, boksom adya Yesus nonga waaboka kebok. Unuwok dara, Yesus nong ara, girik lomok nimi hnon mekaʾ angawoka dibnenggumek girik lomok dibuk.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

YOHANES 19:28

Wera, Yesus adya yokaʾ-yokaʾ nidyaʾ ara hyak seleb unumokaʾ ella ulumookanya, Imik Neyung yuba ununumnaʾ yuba momnya dobokaʾ anyek gigiwolulaʾ aboka lebokja, ”Nara mek ok ubnel,” hyok.

YOHANES 19:30

Wera, Yesus adya seleb debgogowoka, ”Wera seleb nidyaʾ gigiwal,” hyok dara, nganga gukoka ganya dubhin dakoka somogok.

RASUL 13:27

Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.

RASUL 2:23

Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.

RASUL 26:22

Bok Imik Neyung adya nak sobaʾ arawoka, wera nara sumen anyagan mek nang ek hnon, hnonda nauba nang ek hnon, ugun gangganek an sekoka, wera laga lel yibin an. Nadya nidyaʾ wenyaboka lelesinya nenera, yoknya nek lenggulusin. Alda ununumnaʾ len nang edya, hnon Musa bedya unuwanamla ak alameknya nenyek gigimoknya nek ok lelemna.

RASUL 4:28

Imik Neyung o, sikda yokaʾ-yokaʾ unuwanamla aboka orowek men senelumnya nenyek ok unumek. Anja migib lomok uboka, anja ganya edya ok unuwanamna senelumnya nok unumek.

RASUL 5:30

Nunja neyung yabo youmaʾ nang sikja Imik Neyung bedya, ugunja henga goubuka galak bokoka oblumnya bek, somoknaʾ ak ab ara bukiyimok.

1 KORINTUS 15:4

Onoʾ, alda seleb soko lokek dara, winilyabaʾ sum era, seleb suboka embengaʾ welewokaʾ ara, Imik Neyung yuba momnya dobok.