RASUL 13:1 - PERJANJIAN BARU NALCA YUBA

¹ Antiokhia heikek Imik Neyung yuba donaʾ nim ek ara, ununumnaʾ lelemek nang eb, nimi yuba neklesik nang eb, nauba ulumek ara nang era, Barnabas ben hnon, bokaʾ mirinya aboka geklewoka silimeknya Simeon ben hnon, Kirene mok ebnya Lukius ben hnon, Herodes beblaboka neik salek nereknya Menahem ben hnon, Saulus be hnon, ulumek.

RASUL 13:1 ပူးပေါင်းရင်းမြစ်များ

MATIUS 27:32

Dara Yesus oboka dibnobaʾ bo bek salek, Kirene mok ebnya alja si Simon bek eibek. Dara sikda benyek an dukaʾ lolom-lolom aboka, Yesus adya oboka glabnemek gal era, alak boblom aboka boyiwek.

LUKAS 3:1

Wera Tiberius bera senenggom wenesin dubnya ulumok salek, gibnaʾ meija dubukaʾ badya lebok. Ban salek danaba, Pontius Pilatus bera Yudea soko amba dubnya ulumok. Dara Herodes bera, Galilea soko emba wenesin dubnya ulumok. Anya Herodes alja hem Pilipus bek dara, Iturea mok eb, Trakhonitis mok eb damba, wenesin dubnya ulumok. Anya onoʾ Lisanias bek dara, Abilene mok emba wenesin dubnya ulumok.

RASUL 11:30

Dara, seleb bolowoka mamagoka beibek dara, yuba dolomekaʾ dam nang ek bo binirum aboka, Barnabas beb Saulus bebdak orugosik.

RASUL 12:25

Wera Barnabas beb, Saulus beb dara, Yerusalem heik seleb biniboka, sikja sikenek orugesik wa seleb webgogorek dara, Yerusalem heik ab ara, Yohanes yok si Markus be hnon eboka bobdeekanya, onoʾ Antiokhia heikek yeilimek.

RASUL 13:9

Bok Saulus bedya, alja yok si nera Paulus alameknya bera, Imik Neyung Geisinya adya dib sekoka migiba gologomoknya bedya, nimi hwesinaʾanya bek okoka eiyiwoka lebokja,

RASUL 15:32

Wera Yudas beb Silas beb dara, Antiokhia heik ubdaboka, al sik nong ara ununumnaʾ len nang ulurek adya wera, Antiokhia heik sikja hemyab ek ganya migib geboka, onoʾ pe wenewoka pe ululum aboka ganya kayiwoka lelesirik.

RASUL 15:35

Dara onoʾ Paulus beb, Barnabas beb danaba, Antiokhia heikek sam uldablerek. Dara, sikda Antiokhia heikek sam ulumek Imik Neyung mabo nauba ab, hiboka Wenelesilnya bedya yuba nauba wenewoka lel eleklemek.

RASUL 19:6

Wera Paulus sikenek soruka salawoka heng uboka lelesuk sum enyek, Imik Neyung Geisinya sikenek gologol yingginiboka, sikda yok-yok yuba saboka, Imik Neyung yuba lel yabek.

RASUL 21:9

Pilipus bedya ek alja dombadya gelmab dara, ununumnaʾ lelemek.

RASUL 4:36

Dara, Yusuf beneba neikso unulumok. Alda alja yokok soko era, yok nang ek rupiah deklulum aboka, rupiah seleb dobna dara, rupiah era Imik Neyung yuba lenaʾ gak nang ek bo elegel bilisuk. Ban unumoknya Yusuf bera Lewi nang yilaʾ Siprus mok ebnya. Men Imik Neyung yuba lenaʾ gak nang edya alak Barnabas aboka si silimek. Nunja yub edya dara, ganya heksinaʾanya alamab.

RASUL 9:1

Dara onoʾ al neik salek Saulus bera Wenelesilnya Yesus ak diriga ban nang ek yeiriwoka olosunun senen ganya boboka, yub adya lobaʾ nenellilisuk.

ROMA 16:21

Nadyaʾ hembe, neik wa welenamnya, Timotius bedya hnon, nadyaʾ hemyabo, neikmok nang, Lukius bedya hnon, Yason bedya hnon, Sosipater bedya hnon, ugunuk perob aboka gibisak.

1 KORINTUS 11:4

Nimi ben hnon heng uboka mololamla salek gom, nimi gong weklemakaʾ ak Imik Neyung yuba lel eleklesilikanya, huk golunaʾ golunggulumla dara, wera bera Kristus ak malya nenelamlaʾ ara an.

1 KORINTUS 13:2

Nara Imik Neyung yuba lenaʾ migib elegenyokaʾ adya pe leb elegoka, yokaʾ-yokaʾ ara, hyak lomoknya neneba olowoka ella uboka, yokaʾ-yokaʾ nidyaʾ ella uboka, Imik Neyung ak hyak dib senenaʾ adya, mok soko mein anaba dama delewoka yokok sam bukillil yabalesinya bok, yok nim ek wanaʾ usinaʾ orok dara, wera nak dara, hyak salyaʾ nongnya bek ulumnesinya.

1 KORINTUS 13:8

Wanaʾ unaʾ dibaʾ ara, hyak denghemenggomaʾ ulumla. Wenyek dara, nimi ganya geremseng uboka, Imik Neyung yuba lel eleklesak bok, eimik era unuwoka lebnenggunumak. Wenyek dara, nimi hnonda yok-yok yuba salamak bok, eimik era dengaro lobnamla. Wenera nimi yokaʾ-yokaʾ nidyaʾ ella dangalamak bok, eimik era denghenemla.

1 KORINTUS 14:29

Imik Neyung yuba lesin nang ara, nimi penya gom winilya nimi gom, Imik Neyung yuba lelenok. Dara anyagan yuba longolomak nim era, hekaʾ ak lelemak do aboka, seiniro ulunok.

1 KORINTUS 14:32

Imik Neyung Geisinya bedya, Imik Neyung yuba lebnokaʾ aboka, eleklesil migib damok era, sik dam nang Imik Neyung yuba lelemak nim edya, siklewoka bo ulumnamak.

1 KORINTUS 9:6

Goma, Barnabas beb nab danyek ok, denaʾ ara, sikbeyok ganya hwiboka eboka deleruruk senelemak de?

GALATIA 2:13

Dara, yok Yahudi nim eneba Petrus bedya ulumok sok diligaʾ dolomekaʾ adya, dara onoʾ eimik era, Barnabas beneba benewoka sikja ununaʾ ak neik diligaʾ domok.

GALATIA 2:9

Wera Imik Neyung adyaʾ wanaʾ uboka eleksinaʾ enera, nak eleganyokaʾ ak eibek dara, Yakobus beb, Petrus beb, Yohanes beb dadya dara, sikda yuba lenaʾ gak dub nang ulumekaʾ anasa, nab Barnabas beb soruka salawoka gibdanggogowouba dara, wera anara nunda neikaʾ kwebdangoka, ugunda Yahudi gom nim ek welemnerum bok, nuk dara, Yahudi nim ek welemnemab aboka ububa.

EPESUS 4:11

Kristus adyaʾ nim ek elegousukaʾ ara, hnonda yuba lenaʾ gak nang elegousuk, hnonda ununumnaʾ len nang elegousuk, hnon nang era Imik Neyung adya perob lero yanggan yuba len nang elegousuk, hnon nang era yuba nekoka gereja bo un nang elegousuk.

PILIPI 4:22

Munaʾ Imik Neyung mabo nidyaʾ heik enyek an ulumak nim edya, nauba so dib nong ara, Kaisar dubnya bedyaʾ ek welemak nim edya ugunuk perob aboka giboka lebsak.

1 TESALONIKA 5:20

Imik Neyung adya nim ek eleklesil yub era malye senen ganya bonggom.