RASUL 11:20 - PERJANJIAN BARU NALCA YUBA

²⁰ Bok onoʾ sik yub dib senewoka domek nang hnon era, Siprus mok eb nang hnon, Kirene mok eb nang edya dara, Wenelesilnya Yesus adya perob lero yanggan yuba enyek boboka, Yahudi nang gom nang ek sam Antiokhia heikek biniboka lel eleklemek.

RASUL 11:20 ပူးပေါင်းရင်းမြစ်များ

MATIUS 27:32

Dara Yesus oboka dibnobaʾ bo bek salek, Kirene mok ebnya alja si Simon bek eibek. Dara sikda benyek an dukaʾ lolom-lolom aboka, Yesus adya oboka glabnemek gal era, alak boblom aboka boyiwek.

YOHANES 7:35

Dara, Yahudi nim sik moumen heibdangoka lelemekja, ”Na binyaʾ ak ara ugunda eiyiboka yanggunusom alasil dara, hekaʾ huboka eibnenggunusibyaʾ anasa lelemla do? Gom, Yahudi nim enyek, Yunani nim eblaboka mok sam soboka ulumak nim ek biniboka, Yunani nim ek neklesununaʾ aboka lelemla gom?

RASUL 11:19

Wera Stefanus bera seleb obek dara, Imik Neyung yuba dolomek nang era, doboka olosik. Dara yok heik yok heik bok sen-senem abgokoka ulumek. Dara, bokdangoka hnonda Fenesia sam yeiri balamek dara, hnonda Siprus sam balamek, hnonda Antiokhia sam balamek. Dara, sikda Imik Neyung adya perob lero yanggan yub era Yahudi nang yokaʾ nong ok leb elekdo yabalamek.

RASUL 11:22

Ban unulumokaʾ danara, Yerusalem heikek sam ulumek yuba donaʾ nim ek oboka lelel bilimok. Dara, sikja Barnabas bek Antiokhia heikek bilom aboka bokol yeilimek.

RASUL 11:26

seleb eibdangerek dara, onoʾ Antiokhia heikek bobdanga yeiniboka, anyagan yuba donaʾ nim eb neikaʾ uboka, nimi nauba ak yuba leb elegoka, sikba yuba doboka ulumek salek era gibnaʾ hnonok gobdo lemok. Dara, ban Antiokhia heikek ab men youbuka, Yesus yuba doro diriga ban nang ek Kristen nang aboka si sib einimek.

RASUL 11:27

Dara ban salek enyek, ununumnaʾ lelemek nang era, Yerusalem heikek ab ara Antiokhia heikek wenebadya nang yeilimek.

RASUL 13:1

Antiokhia heikek Imik Neyung yuba donaʾ nim ek ara, ununumnaʾ lelemek nang eb, nimi yuba neklesik nang eb, nauba ulumek ara nang era, Barnabas ben hnon, bokaʾ mirinya aboka geklewoka silimeknya Simeon ben hnon, Kirene mok ebnya Lukius ben hnon, Herodes beblaboka neik salek nereknya Menahem ben hnon, Saulus be hnon, ulumek.

RASUL 14:26

Anyaganyeb dara, mek ekla bunaʾ ak bukoka, sikja Antiokhia heikek yarek. Antiokhia heikek ara, sikja wen webdakarek wa webduruk aboka Imik Neyung adya wanaʾ uboka eleksinaʾ lomok elegemek heikek an yeilirek.

RASUL 15:22

Dara, Imik Neyung yuba lenaʾ gak nang eb, yuba dam nang eb, nidyaʾ Imik Neyung yuba donaʾ nim eb, mamagoka yuba saboka nimi wenen nang Barnabas Paulus ab neikaʾ Antiokhia heikek binok aboka bokol binimab aboka lemek. Dara, sikda yuba saboka, Silas beb, Yudas bok yok si nera Barsabas alameknya beblaboka, neikaʾ bokol bilisik. Dara ban penya nang dara, Imik Neyung mab adya sikenek hyak perob senesik nang ek sekiyisik.

RASUL 15:23

Dara, Antiokhia heikek sam bokol bilimek nang eb neikaʾ momnya donaʾ hnon weboka beiyimekaʾ ara yub era ban: ”Yuba lenaʾ gak nang eb, yuba donaʾ nim bo un nang eb, ugunjaʾ hemyabo nim edya, hemyabo nim ugun Antiokhia sam Siria sam Kilikia sam ululum nim ek perob aboka gibisab.

RASUL 15:30

Wera seleb salawoka gibdanggogomek dara, sik bokosik nang era Antiokhia sam lanawoka balamek. Wera sikda Antiokhia heikek sam seleb byik dara, nim Imik Neyung yuba domek nimi neikaʾ mamagoka Yerusalem heik ab beiyimek momnya domek surat era sik gangganek sam elegemek.

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

RASUL 18:22

Wera Paulus bera Kaisarea heikek yinggyuk dara, Yerusalem heikek welewoka, Imik Neyung yuba doboka ulumek nang ek perob aboka gibgogowosuk dara, onoʾ alda Antiokhia heikek byuk.

RASUL 2:10

Frigia nimi hnon, Pamfilia nimi hnon, Mesir nimi hnon, Kirene berem Libia nimi hnon, hnonda Roma heik ab ara,

RASUL 4:36

Dara, Yusuf beneba neikso unulumok. Alda alja yokok soko era, yok nang ek rupiah deklulum aboka, rupiah seleb dobna dara, rupiah era Imik Neyung yuba lenaʾ gak nang ek bo elegel bilisuk. Ban unumoknya Yusuf bera Lewi nang yilaʾ Siprus mok ebnya. Men Imik Neyung yuba lenaʾ gak nang edya alak Barnabas aboka si silimek. Nunja yub edya dara, ganya heksinaʾanya alamab.

RASUL 5:42

Dara li sobaʾ, Imik Neyung ek ab, nimi yuba dolomek nim ek ab, Yesus adya perob yuba lero, Kristus ara Imik Neyung adya nimi blebsinaʾ dubnya eleganesin amok ara, wera an elegosuk aboka, yok nang ek yuba sobaʾ nekdo yabalemek.

RASUL 6:1

Dara, wene salek era, Yesus yuba doro diriga ban nang era, onoʾ nauba danggiga balamok salek enyek, Yahudi nang bok Yunani yuba salamek nang edya, onoʾ Yahudi nang yokaʾ ak walamek. Yunani yuba salamek nang edya, nunja you gelewa era, bonaʾ yok nang ek ara nauba boklelum jok, ban you gelewa ek hnon donggulumak, aboka walamek.

RASUL 6:5

Dara, nimi nidyaʾ obadya nang lebsik yub era perob senemek dara, nimi si Stefanus bek, Imik Neyung Geisinya adya ok alja ganya deknewoka, Yesus ak hyak dib senewoka, ganya ologoka domoknya bek sekiyimek. Dara onoʾ, yok nang hnon sekiyisik nang era, hnonda Pilipus, hnonda Prokhorus, hnonda Nikanor, hnonda Timon, Parmenas, Nikolaus Antiokhia mok ebnya hnon, sekiyimek. Nikolaus bera alda Yahudi nang gom bok, Yahudi nang Imik Neyung yuba ak wekoka domok.

RASUL 6:9

Bok yok nang edya, sikda Meebdanggogomek Nang e aboka silimek ek Yahudi nim edya yuba don ek dolomek nang edya alak walamek. Ban nang era Yahudi nang bok, si yok-yok, hnonda Kirene nang, dara onoʾ hnonda Aleksandria nang. Dara, hnonda Kilikia mok eb, Asia mok eb, sikda Stefanus beblaboka yuba gangawoka mala lanab dangamek.

RASUL 8:35

Dara, Pilipus bedya Yesaya yuba momnya dobokaʾ ak men einiwoka, nenyek dara, anasa lebok aboka, Wenelesilnya Yesus amba lebok aboka perob lero yaban yuba leb elegemok.

RASUL 8:5

Dara, Pilipus bera Samaria senenggom heik biniboka, Imik Neyung adya nimi blebsinaʾ dubnya eleganesin amokaʾ Kristus anyek, lel eleklesuk.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

RASUL 9:29

Dara Saulus bera, Yahudi nang bok, Yunani yuba salamek nang eb, neikaʾ yuba heibdangoka, onoʾ sabdangdang balameekanya, sikda Saulus bek obnemab senen ganya boboka dulumek.

1 KORINTUS 2:2

Anasa, nara orowek Korintus nimi gangganek ulumnya dara, yok-yok yuba salyaʾ lebnenggunumna bok, alda Yesus Kristus yuba nong ok lelemnyekanya, okoka dara, Kristus gal dubuk somogokaʾ damok nong anyek ok, lelemnamna senemsa.

GALATIA 2:11

Petrus bera alda Antiokhia heikek sam yok dara, aldib meknewokaʾ anasa, nadya laga hogung ak dalagoka wabsa.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.