RASUL 11:18 - PERJANJIAN BARU NALCA YUBA

¹⁸ Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 11:18 ပူးပေါင်းရင်းမြစ်များ

MATIUS 9:8

Wera Imik Neyung adyaʾ senenggom migib era, nim ek seleb elegosukaʾ anasa leboka, nimi nidyaʾ ban unumokaʾ anyek eibek nim edya dara, ganya lok uboka Imik Neyung ak gigilemek.

RASUL 11:1

Yok-yok Yudea sokok sam ara Imik Neyung yuba lenaʾ gak nang eb, yok Imik Neyung yuba domek sik kabo nim eb, wera Yahudi nimi gom bok nim enebabya, wera Imik Neyung yuba dib senewoka dolomak an yub kemek.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

RASUL 15:3

Wera dara, Antiokhia heikek Imik Neyung yuba donaʾ nim edya, sikenek bo heik gokgobok sam bo bisik dara, sikda Fenesia pik uboka, Samaria heik ab ara unuwoka byik. Dara, pikik balamek ab ara, Yahudi gom nim eneba, Imik Neyung ak ganya dangawoka yuba dolomak aboka wenyaboka nekgiga balamek. Dara, anyagan Imik Neyung yuba doboka ulumek nim era, ban yuba kemek dara, sikda hyak ganya eiya dasuk.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 21:20

Paulus bedya ban wenyaboka nekesuk anyek seleb kemek dara, perob aboka sikda nidyaʾ Imik Neyung ak giblemek. Danyek onoʾ sikja Paulus bek, ”Hem Paulus o, Yahudi nimi yokaʾ nong ara deng sal-salyaʾ anyek Yesus ak dib senelemak. Sikda Musa bedya unuwanalum an yub ek perob senewoka ganya oloklemek nang bok, Yesus ak dib senemek.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

RASUL 3:26

Wera anasa leboka, Imik Neyung adya alja me Yesus sekiyiwoka, binilam aboka, ugunuk men youlul aboka, orugomok. Ugunda nidyaʾ malya unaʾ ganya dangiyiwoka ugunuk perobaʾ neniyiwousululaʾ aboka, youlul aboka orugomok,” wenyaboka Petrus bedya lebok.

RASUL 5:31

Dara, nimi Israeli nimi ganya dangawoka malya unaʾ memelemnesilaʾ dobnokaʾ aboka, Imik Neyung adya Yesus ak imik weliyiwoka, alja sirik soruk sam bukiyiwoka, onoʾ nimi diri bo usinaʾ damok hnon, nimi blebsinaʾ damok hnon alak elegemok.

ROMA 9:30

Wera anaso dara, nunda hekaʾ hnon henesibya do? Henesibnya nera ban: yok-yok mok soko nim era perob nenesinaʾ ak we dobnenggulumek bok, ganya aldib senenaʾ adyok, ban perob nenesinaʾ ara seleb dorob.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

2 KORINTUS 7:10

Anasa, Imik Neyung adya perob senelamlaʾ angoo senen ganya bolomakaʾ ara, nimi ganya danganaʾ nenewoka, onoʾ nimi blebsinaʾ dangalamla. Dara, nim ara ganya en lanalamlaʾ amba dara, solom ganya bonggulumak. Bok, alda nimi soko nimi ganya adya ok, angoo senelemak dara, wera nenedya nimi somoknaʾ damoka lanalamla.

GALATIA 1:24

Dara sikda nasamba leboka, Imik Neyung ak perob aboka giblemek.