RASUL 11:12 - PERJANJIAN BARU NALCA YUBA

¹² Dara onoʾ, nak Imik Neyung Geisinya adya, ganya yok senenggom, or sikeneblaboka neikaʾ binilum aboka orugonyok. Dara ban nimi hnabbadya nablaboka neikaʾ Kaisarea heik seleb bilimoub dara, Kornelius bedya ek sam wekel bilimouba.

RASUL 11:12 ပူးပေါင်းရင်းမြစ်များ

MATIUS 1:20

Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 10:23

Wera, Petrus bedya, ”E nenyek an neikaʾ mabnemab anasa, or ek wekel yoululum,” hyok. Dara, maboka gwelegok dara, Petrus beb neikaʾ lanawoka balamek dara, Yope heikek ab Imik Neyung mab anababya neikaʾ bilimek.

RASUL 10:45

Wera danyek, Yahudi nimi yokaʾ bok, Yesus ak dib senewoka domek nim, Petrus beblaboka neikaʾ yeilimek nim era, Imik Neyung adya alja Geisinya ara Yahudi nimi gom bok sikenek anaba elegesuk adya sikda hyak ganya loka dasuk.

RASUL 11:13

Wera danyek, Kornelius bedya alak Imik Neyung bedya lero be hnonja alja ek sam sekoka alak sam lemok yub era nak anaso unuwanyok aboka, nimi ben hnon si ara Simon Petrus benyek Yope heikek ulumla anyek, e yanok aboka nim orugeisilom aboka nak wenyaboka lebnyok aboka nuk nekesuk.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 13:4

Barnabas Saulus ara Imik Neyung Geisinya adya, wera binirum aboka bokosuk anasa, sikda penya dara, Seleukia heikek golugereekanya, onoʾ anyaganyeb uboka dara, mek ekla bunaʾ pik bukoka Siprus mek gwan dubuk sokok sam birik.

RASUL 15:7

Wera sikda nauba seiniyimeekanya, yuba saldibilloklomek danyek, Petrus bedya sekoka lemokja, ”Hem yab o, Imik Neyung adya men salek enyek, ugun gangganek ab nak gaboka doboka, perob lero yanggan yuba Yahudi gom nim ek lero balamlya adya sikda Imik Neyung ak dib senewanokaʾ aboka nak sekiyinyok ara, ella ululum.

RASUL 15:9

Imik Neyung ara nub sikeneb weboka boknenggusuk. Alda Imik Neyung ak dib senemekaʾ adya sikja ganya mek elegeiyisuk.

RASUL 28:15

Wera hemyabo nanga Roma heikek ab dara, Yesus yuba doboka dib senewoka ulumek nang era, wera Paulus benya arobaʾ ara, wera Roma heikek an yalamak an yub kemek dara, sikda pika dibsinob aboka, Apius deknaʾ gasa ak hnon, dekoka malamak e winilya aboka simek heik sam hnon, pika dil yeilisik. Wera Paulus bera sik dil yeilisik nang eibok dara, Paulus bera Imik Neyung ak perob aboka giboka onoʾ alja ganya era hekoka sangamok.

RASUL 8:29

Dara onoʾ Imik Neyung Geisinya adya, Pilipus bek, ”Anda alda yabalamla ak sam dol gonul bilom,” hyok.

ROMA 3:22

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

2 TESALONIKA 2:2

Yesus ara wera seleb saawoka yeilimok an yub emba leboka, ugunda berra lok ganya boboka ganya daldom-daldom anaʾ ara mem. Nera or yuba lesijaʾ ak anyeb gom, ununumnaʾ len nang edya gom, nunjaʾ anaba ugunuk beillilesab momnya donaʾ ak anaba hnon wenyamek aboka ugunuk wenyheijek aboka lebna.

WAHYU 22:17

Dara, Imik Neyung Geisinya ab, Imik Neyung me ak dobnomok gel geb dadya dara, ”Wera, anyagan yoululum!” wenyalarak. Nimi nidyaʾ ban yub en kebnelanya bera, ”Or, yangganok!” henok! Anya heknyek mek ok ubnamla dara, wera or meka del youlul! Heknyek nara embengaʾ ulunun senewalenya bera, wera nim embengaʾ eleklesil mek enyek, or salyaʾ doboka del youlul!