RASUL 10:41 - PERJANJIAN BARU NALCA YUBA

⁴¹ Ban unumok ara, salyaʾ nimi gong ek amoro yibinggusuk bok, alda nuk Imik Neyung adya ban unuwan anyek lero yibinok senewoka weboka dosuk nim ek, nuk amasuk. Yesus ara seleb somoknaʾ ak ab, Imik Neyung adya embengaʾ suboka bukiyimok dara, nublaboka neikaʾ mek ab, gwaneng ab neikaʾ juba nang ak amasuk.

RASUL 10:41 ပူးပေါင်းရင်းမြစ်များ

LUKAS 24:30

Wera neikaʾ bukoka delemeekanya, Yesus ara gwanenga doboka, Imik Neyung ak perob aboka giboka molowok dara, gwaneng era alja soruk adya soboka, sikenek bokoka elegosuk.

LUKAS 24:48

Ugun nong anyek, ban damok en eiblum nang ulumnelum e.

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

YOHANES 14:22

Dara, Yudas Iskariot gom, yok Yudas bedya Yesus ak, ”Wenelesilimnya o, hekasa an nong ak dara, nuk aawanesilimjok, sokok ak dara, hekasa aawanggunulam do?” aboka heibok.

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

YOHANES 15:27

Dara, ugumbabya hnon, nara ugunublaboka youmaʾ ek moruwoka neikaʾ ulumoubaʾ anasa, nasamba leboka laga neklemnenulum,” hyok.

YOHANES 21:13

Dara, Yesus ara yeindeboka roti gwanenga doboka soboka sikenek elegesuukanya, hadyaʾ anaba neik so unusuk.

RASUL 1:4

Dara Yesus ara, alak diriga ban nang eb, neikaʾ yuba salamek sum enyek, ban yub enyek sikenek lebsuk ara, ”Ugunda Yerusalem heik men lobanaʾ ara mem. Ugunda or anyagan ulumunaʾ ara, neyung bedya eleganesin amokaʾ anyek, nadya ugunuk unu eleganesil aboka lebsisa anyek, elegeisilya bok.

RASUL 10:39

”Dara, nun nang enyek, Yesus adya Yahudi nang mok ab, Yerusalem heikek ab ara, yokaʾ-yokaʾ nidyaʾ unulumok anyek, men youboka okoka eiyimouba nang era nunda an. Dara, sikda alak galak glaboka omek bok,

RASUL 13:31

Wera, Yesus ara embengaʾ suboka bukumok dara, alda onoʾ nara embengaʾ subna aboka, alablaboka Galilea sokok ab ara, Yerusalem heikek neikaʾ yeiniboka ulumek nang ek, liga gong amaldal giriklemok. Dara, sik amasuk nang enyek, wera Israeli nang ek sam unuwoka yuba beknaʾ len nang ulumak,” hyok.