RASUL 10:34 - PERJANJIAN BARU NALCA YUBA

³⁴ Wera Petrus bedya leb einiwokja, ”Nara wenyok Imik Neyung adya nimi nidyaʾ mok soko nang era neik nang nenelesil ara wenyok ella dan.

RASUL 10:34 ပူးပေါင်းရင်းမြစ်များ

MATIUS 22:16

Anasa Parisi nim era, sikja yuba doro diriga ban nang hnon, Herodes bek sam ab nim hnon, Yesus ak sam bokek. Dara nim enedya Yesus ak, ”Neyung neklesilimnya o, neyung aldib ok unululamaʾ ara numba ella ulenjab. Neyung anda yuba neklesilim dara, nimi hogung ak keeboka neknenggulusilimikanya, yok nim edya perob seinilimaknya nera loboka, alda Imik Neyung adya senelamlaʾ anyek ok neklesilimaʾ anasa, pelelam.

MATIUS 5:2

Yesus ara sikenek yuba nek einiwoka lebsukaʾ ara,

LUKAS 20:21

Wenyaboka deknaʾ dekesik nang edya Yesus ak, ”Neklesilimnya o, neyung anja lelesilimaʾ ab, neklesilimaʾ ab dara, hyak dib nongaʾ ak lelelam. Anda nimi nidyaʾ lek senesinaʾ loboka, perobaʾ lelesilimaʾ anasa, Imik Neyung adya nim ek anaso unuwaseng senelamlaʾ anyek laga poboka neklesilimaʾ ara, ella ulumab.

RASUL 10:33

Wenyaboka oruganyok anasa, wera neyung anak e yagenok aboka nim orugesisa. Wera anda ganya perobnya bek adya wera seleb nak yalam. Anasa wera, nunda nidyaʾ anyagan nadya ek longomab ara Imik Neyung saramek uboka neyung Wenelesilnya adya nuk lebsilom aboka orugagelyaʾ anyek, nuk lebsimen enyek kebnob aboka longomab,” hyok.

RASUL 15:9

Imik Neyung ara nub sikeneb weboka boknenggusuk. Alda Imik Neyung ak dib senemekaʾ adya sikja ganya mek elegeiyisuk.

RASUL 8:35

Dara, Pilipus bedya Yesaya yuba momnya dobokaʾ ak men einiwoka, nenyek dara, anasa lebok aboka, Wenelesilnya Yesus amba lebok aboka perob lero yaban yuba leb elegemok.

ROMA 2:11

Wera anera, Imik Neyung ara, hogunga ak kemewoka ununggululanya anasa, unuwanesil.

ROMA 3:29

Goma, Imik Neyung ara hnon Yahudi nang emba Imik Neyung ok ulumla de? Alda yok mok nim amba Imik Neyung ulumla do? Wera al an, aldib. Alda yok mok nim amba hnon, sikja Imik Neyung ulumla!

GALATIA 2:6

Si sinaʾ nang edya dara, nak ara anda anyek yokaʾ-yokaʾ mekaʾ hnon unuwanalam aboka lebnenggubnyek. (Imik Neyung ara nimi hogunga perobaʾ malyaʾ anyek kemenggulusilnya bek anasa, sikda perob nang gom, malya nang gom ara, weboka seininanya nera, nak dara, dib nong gom.)

EPESUS 6:9

Dub nang dangoka ululum nang ek lebnesin! Ugunda neik so, ugunja wa oruknaʾ nang edya ugunuk arawoka welesak sok, onoʾ sikenek anaba, pe sunuwoka unulusululum. Yu ganya boboka baralaʾ seingim-seingim anaʾ ara, mem. Ugunub ugunja wa oruknaʾ nang eb dara, hiboka senenggom dubnya, Imik Neyung bera imik heikek ulumlaʾ ara, alak ok hnonok beklemnelum. Imik Neyung ara, nimi hogung ak kemenggululanya bek ulumlaʾ anyek, ugunda pe beklemnelum.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

KOLOSE 3:25

Anasa, Imik Neyung ara alda nimi hogung ak kemewoka perob senenggulululanya anasa, meknelelanya bera, ban meknelemlaʾ damok sunuwoka dobnamla.

YAKOBUS 2:1

Nadya hemyab o! Ugunda senenggomaʾ Wenelesilnya Yesus Kristus bek, dib senelelum nim ululumaʾ anasa, nimi hogung ak keeboka webeldanaʾ ara mem.

YAKOBUS 2:4

wera ban unululumnya nedya, ugunja malya ganya seiniwoka bera malya senewoka, nimi yilaʾ yana lebdangoka webeldalalum.

YAKOBUS 2:9

Bok ugunda nimi yilaʾ yana leboka weblelum dara, wera nera hyak malya ululumukanya, onoʾ Imik Neyung adya dara, ban unuweija nim era, unuwanalum an yuba bleklemak nim era an hyoknya nek anara unululum.

1 PETRUS 1:17

Ugunda heng uboka mololyabenek ab dara, Imik Neyung ara nunjaʾ neyung aboka giblelum. Ban wenyalalum Imik Neyung enedya, nim adya hekaʾ unulumakaʾ ara, hnonok-hnonok nidyaʾ sunuwoka yana lelelesil. Anasa wera, ugunda sokok an anam ululum salek enera, Imik Neyung ak lok ganya boboka ulululum.