RASUL 1:9 - PERJANJIAN BARU NALCA YUBA

⁹ Yesus ara ban seleb wenyaboka lebgogomok dara, onoʾ alda sikja hogunguk ak sam uboka, henga kemelemek bok, imik heikek welok dara, kemelemekaʾ gangganek debaʾ adya sereklemok.

RASUL 1:9 ပူးပေါင်းရင်းမြစ်များ

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

LUKAS 21:27

Ban unuwanamla sum enyek, nimi dibaʾ me ara imik sam debaʾ gangganek pik, alja migib eb, senenggom nong senedyaʾ ab dadya, uboka yanamla.

YOHANES 6:62

Wera nimi dibaʾ me nera onsok saaboka youmaʾ ulumsaʾ ak welewanyaʾ eibmun bok dara, hekaʾ hubnalum do?

RASUL 1:11

Dara sik penya nang edya, Yesus alak diriga ban nang ek, ”Wei, ugunda Galilea nang o, ugunda hekasa anyagan ok sekoka imik sam kemelelum do? Yesus imik welemla eiblum sok, onoʾ eimik era hyak onnya benyek neikso unuwoka yanamlaʾ ak eibnelum,” arek.

RASUL 1:2

Yesus ara alda anam imik heik sam binggumok salek, Imik Neyung Geisinya migib adya arawoka, nadya yuba lebnokaʾ aboka yuba lenaʾ gak nang ek anyek pe unuwanalum aboka wenewoka neklesuk.

1 TESALONIKA 4:17

Ana berem ara, nu anam embengaʾ ulumab nim era debaʾ hnoum sikenek bob mamagiyiweisilya dara, Wenelesilnya bera imik sam eb hwibdanamab. Dara, Wenelesilnya ablaboka sob-sobaʾ ulmoublomnamab.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

WAHYU 1:7

Wera, Yesus ara debaʾ hnoumung sam uboka yalamlyeʾ anyek kendululum e! Nimi nidyaʾ soko nim eibnemak dara, onoʾ alak gamaʾ adya gondowoka orob nim eneba eibnemak. Dara, nimi mok soko yok-yok nidyaʾ ara, alak eiyiwoka nauba engenaʾ salawanamak. Anasa aldib nera hyak dib unuwanamla! Amin!

WAHYU 11:12

Dara ban penya nang era imik heik ab sikenek, ”Or wele yanggururum!” aboka bii al yabasukaʾ anyek kebdek dara, sikja isaʾ nang era ngolugul yabisik salek, sikda debaʾ ganggan pik uboka, imik heikek welewarek.

WAHYU 14:4

Ban nang era, sikda gelewa ab neikaʾ unggulumek nang. Sikda anam goubunya ulumna gel, nengmab adya hnon anam salawanggumnaʾ gel genesoʾ ak ulumek nang. Anya ban domba me ara, yokok yabalamnaʾ nidyaʾ ara, sikda neikaʾ ok balamek. Hnonda sokok an ulumak nimi nidyaʾ ak ab dara, sikinek hnonok munaʾ dekoka, Imik Neyung bek ab, domba me ak, mennya eleknaʾ dibaʾ gebsuk nang.