PILIPI 4:9 - PERJANJIAN BARU NALCA YUBA

⁹ Ugunda nak ab einiwoka dolum perob unaʾ enyek unulululum; nera nadya ununaʾ eiyilum gom, nadya yuba sanaʾ enyek unulululum. Dara, Imik Neyung perob eleknaʾ damoknya bera ugunuk ulumnesil.

PILIPI 4:9 ပူးပေါင်းရင်းမြစ်များ

MATIUS 1:23

”Nenya mekaʾ dobnenggumeijaʾ goubenya gel gedya me boboka beibnamla dara, me nenedya si nera Imanuel, aboka sibnemak,” amok. (Imanuel ara Ibrani yub bok, nunja dara, Imik Neyung nub ulumab, alamak.)

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MATIUS 7:21

”Nimi nak, Wenelesilimnya o, Wenelesilimnya o, alanyak nim era, nidyaʾ Imik Neyung wenesin heikek weknenggunumak bok, alda nadya neyung be imik heikek ululanya bedya unuwanok senelamlaʾ anyek unulumak nim ok weknemak.

LUKAS 6:46

Ugunda nadya wenyalasinaʾ ara keboka unuwanggunadyok, hekasa nak, Wenelesilimnya o, Wenelesilimnya o, alanulum do?

LUKAS 8:21

Bok Yesus ara sikenek, ”Nimi nidyaʾ Imik Neyung yuba kelemaakanya, wenyalamlaʾ anyek unulumak nim enyek, sikenek wera nadyaʾ genong yabo, nadya weisab ulumak nim era al an,” hyok.

YOHANES 13:17

Ban ella domunukanya, wera unulumnalum dara, pe ulumnalum.

YOHANES 15:14

Ugunda nadya oruklesin yub enyek, keboka unulumnulum dara, ugunda nadya hemyab ulumnulum,” hyok.

YOHANES 2:5

Yesus eiling gera ek wa nim ek, ”Alja hekaʾ ak oruganesil ara, ugunja ganya doboka unulululum,” hyok.

RASUL 9:6

Dara on yub adya Saulus bek, ”Wera anda bukmenekanya, heikek men berra wekel bilom. Seleb bimen danyek, anak eimik era yokaʾ-yokaʾ anja unuwanalam ara neknenjak,” hyok.

ROMA 15:33

Wera Imik Neyung al ganya pe namen unaʾ damoknya bera, ugunuk sobaʾ ulusulul! Amin.

ROMA 16:20

Ai, wera anasa, al Imik Neyung ganya nonga pe unaʾ damoknya bedya, men berra aboka, bisaʾ dubnya Satan ara ugunjaʾ yan damumduk soldob meneganamla e. Nunja Wenelesilnya Yesus adya wanaʾ uboka eleksinaʾ era ugunuk sobaʾ ulusulul!

1 KORINTUS 10:31

Ugunja yokaʾ-yokaʾ nidyaʾ unululumaʾ ara, ugunda gwaneng deregoka meka deregoka, Imik Neyung si imik danalenya nenyek ok unulululum.

1 KORINTUS 14:33

Imik Neyung ara, alda pe dob dakdowoka ulumla Imik Neyung ulumla. Alda salyaʾ eirigal hwam Imik Neyung unggulumla. Munaʾ Imik Neyung mabo nidyaʾ unulumak sok,

1 KORINTUS 4:16

Anasa wera, nadya ulumna sok diligaʾ doboka ulululumaʾ aboka, ugunuk dukaʾ lolom-lolom hesin.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

PILIPI 3:17

Ugunda nadyaʾ hemyabo nim o! Ugunda nadya unulunanya nenyek dililenululum. Nunjaʾ perob unaʾ seleb elegesubaʾ anasa, nimi nidyaʾ nunjaʾ ununaʾ diliwoka unulumak nim enyek, ugunda pe kendululum.

PILIPI 4:7

Ban unulumun dara, Imik Neyung alja nim adya mekaʾ ella unggulumak unaʾ adya, Kristus Yesus pik uboka, ugunja ganya seininaʾ nidyaʾ diri bo ulumnesil.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

1 TESALONIKA 2:14

Nadyaʾ hemyabo nim o, ugunuk an igina kweboka malya nenelesilaʾ ara, Yudea sam Imik Neyung yuba doboka, Yesus Kristus mabo dangamek nim eneba unulusil. Ugunuk an igina kwellilisakaʾ ara, ugunjaʾ meneng mok nang edya ulusak, dara Yudea sam yuba dolomak nim igina kwellilisakaʾ anaba sikja mok nimi Yahudi nang edya ulusak.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

2 TESALONIKA 3:4

Hnonda ugun nong anyek, nunja Imik Neyung lomok uboka, aldib sikda nunja ban unulumnelum aboka orugosubaʾ ara, wen hnon unulumakaʾ ara, onoʾ eimik hnon unulumnumakaʾ anyaʾ senelesab.

2 TIMOTIUS 4:22

Wenelesilnya bera anak ganya arawoka ulunggulul. Wenelesilnya bedya anak wanaʾ uboka eleksinaʾ ulusulul. Nara Paulus bedya seleb lemna.

YAKOBUS 1:22

Ugunda yuba kelonggom mem. Ugunda yuba kelolomun dara, yuba dib dolomab e senebdomunuk aboka, yuba kelemunukanya onoʾ unulululum.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

1 YOHANES 3:22

Dara, hnonda alja yub ek pe keboka unuwoka, onoʾ alja pelemak senewoka ganya sangelesilnya nenyek unulumnamabakanya, nunda yokaʾ-yokaʾ alak moloweibyaʾ ara dobnemabaʾ ok ulumla.