PILIPI 4:8 - PERJANJIAN BARU NALCA YUBA

⁸ Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

PILIPI 4:8 ပူးပေါင်းရင်းမြစ်များ

MATIUS 22:16

Anasa Parisi nim era, sikja yuba doro diriga ban nang hnon, Herodes bek sam ab nim hnon, Yesus ak sam bokek. Dara nim enedya Yesus ak, ”Neyung neklesilimnya o, neyung aldib ok unululamaʾ ara numba ella ulenjab. Neyung anda yuba neklesilim dara, nimi hogung ak keeboka neknenggulusilimikanya, yok nim edya perob seinilimaknya nera loboka, alda Imik Neyung adya senelamlaʾ anyek ok neklesilimaʾ anasa, pelelam.

MARKUS 6:20

Herodes bera Yohanes bek ara, senenggomnya benyaʾ senelemokaʾ ara, Yohanes bera dib nongnyakanya, Geisinya benyaʾ senewoka ella ulumokaʾ anasa, alda lok ganya boboka bo diri ulumok. Bok Yohanes bek kelemna dara, alja ganya bol nenelemokaʾ anaba, alda eiya ganya boboka alak kelemok.

LUKAS 16:15

Bok Yesus adya sikenek lebsukaʾ ara, ”Ugunda nimi hnoum ara, pe ulumak nang de senen dangalalum bok, ugunja ganya lomok ara, Imik Neyung adya ok ella ulusil. Nim adya hnon perob senelemaknya nera, Imik Neyung adya dara, hyak lek senelamla.

LUKAS 2:25

Dara Yerusalem heikek ara, nimi ben hnon Simeon alameknya bek ulumok. Dara alda Imik Neyung hogung ak ara peboka, geisa ganya boboka ulumookanya, Israeli nim emba ganya gwelelek anaʾ anyek eibnunaʾ aboka, diri ulumok. Anya Imik Neyung Geisinya ara alak arawoka bo ulumok.

LUKAS 23:50

Yudea sokok ab Arematea heikek abnya nimi si Yusuf be hnon ulumok. Alda perobnyekanya, Imik Neyung ak pe unuwoka, Imik Neyung dubnya uboka wenelemnesilya sum eibnunaʾ aboka diri ulumok dara, nimi nidyaʾ adyaʾ anaba alak perob senelemek. Al nong ak yana lelesin wa welemak nang dangoka ulumok bok, yana lelesin nang edya unuwanamab aboka, unulumeknya nera, alda lek senelemok.

YOHANES 7:18

Nimi be hnon alja neklesilaʾ ara, alja ganya doboka sonda anasa, lelemla dara, alda yok nim edya nak gigilenenokaʾ aboka hogung bo amalamla bok, al bokol yeilinanya bek si imik dolulaʾ aboka lelelanya bera, alda hyak dib ok ulumlakanya, alak ara sondaʾ yuba unuruwaʾ ara alak mekaʾ unggulumla.

RASUL 10:22

Dara, sikja Petrus bek lebekja, ”Nunja neyung bera Imik Neyung ak lok ganya boboka ulumla dara, Yahudi nimi nidyaʾ ara alak dubnya senewoka alak perob aboka lelemaknya. Geisa Imik Neyung lero enedya, anja lelelamnya nenyek keblul aboka, Simon Petrus anja ek youlul aboka youblom aboka orugomok,” hyek.

RASUL 22:12

”Wera Damsyik heikek ara nimi si Ananias bera hnon ulumok. Alda hyak perobnya uboka, Musa bedya unuwanalum an yub ek pe unuwoka ulumoknya ulumok. Nimi Yahudi nang nidyaʾ Damsyik heikek ulumek nang era, Ananias bek hyak perobnya senewoka ulumek.

RASUL 6:3

Dara wera, unulum anasa leboka, ugun gangganek ab yuba saboka, ugunja lelum ara webnok aboka, sikja ganya geremseng uboka Imik Neyung Geisinya adya ok deknewoka ulumeija nang ek, sekbadya sekiyiwanamab.

ROMA 13:13

Anasa nunda yubyek danyek ulumak diligaʾ ganya namenaʾ anyek pe ulunob. Salyaʾ eiya hlaboka bolowoka dero yabanaʾ mem, yu mek denaʾ mem, malya unaʾ ak molonaʾ hogunga bobmoubuka, salyaʾ salaldanaʾ ak unggom mem, soloma daboka wabdangdo unggom mem.

ROMA 13:3

Wera anasa, be hnon alda pe unulamla dara, alda mok soko dub nang ek lok ganya boblyek, bok alda meknewanamla danyek hnonok. Anda pemerintah nang ek lok ganya bobnenggonggom ulunun senelelam de? Dara perobnya nenyek unululom, anedya anda alak ab giginaʾ dobnelam.

ROMA 14:18

Wera anasa heknedya ban nenyek sunuwoka Kristus ak welemla dara, Imik Neyung bek ganya hekeldilimlakanya, nim adya dara alak wa bobsuukanya welesilnya benyaʾ senelemak.

ROMA 2:29

Bok yuba dolomla adya ok Yahudi nang ulumla ara an. Anya bolaʾ garasinaʾ dibaʾ ara momnya donaʾ ulumlaʾ sunuwoka nim adya unulusaknya nek gom, alda yuba dobnaʾ adya, ana pik uboka ganya garalasilaʾ anyek dib. Anasa benyek gigiwoka perob anaʾ ara, nimek ab lananggulumla, bok Imik Neyung bek ab lanalamla.

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

2 KORINTUS 13:7

Ugunda meknewomunuk aboka, Imik Neyung adya aralesululaʾ aboka mololesab. Nuk dara, sununaʾ ak sokol lolomak senewanesisengaʾ anaba, alda ugunuk Imik Neyung adya unuwanok senelelanya nenyek, unuwanalum aboka mololesab. Nuk sokol longgulumak senewanokaʾ aboka ununggulumab.

2 KORINTUS 6:8

Nuk hnon gigilisak salek era, onoʾ hnon derewoka walasak. Hnonda pe wenggulumak alasakjok, onoʾ hnon pe welemak alasak. Sondaʾ hwam nanga hnon senelesakjok, onoʾ hnon dib unulumak senelesak.

2 KORINTUS 8:18

Wera Titus be yanggalaʾ ak ara, Imik Neyung yuba donaʾ nimi nidyaʾ adya, alda perob lero yanggan yuba lero yabanaʾ ak ara pe welemla senelemaknya ben hnon, alab neikaʾ bokol yeilisab.

2 KORINTUS 8:21

Nunja hyak pe unuwanemabnya nera, Imik Neyung hogung ak ok gom, alda nim hogung ak anababya, meknenaʾ orokaʾ ak ubak senewanokaʾ aboka unuwanamab.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

EPESUS 4:25

Anasa ugunda nidyaʾ ara sonda leldanaʾ ara hyak mem. Nunda nidyaʾ ara Kristus alja hnonok nong ak ulumab bok anasa, gunun ganya bonaʾ loboka, dib yub ok saldalamnelum.

EPESUS 5:9

Anasa Imik Neyung dilinaʾ ak ab lanalamlaʾ ara, perob ganya bonaʾ ab nimi yok nim ek pe ununaʾ ab, yok-yok dib yub era lanalamla.

EPESUS 6:14

Wera anasa, ugunda hyak pe diri uboka welsinilelulum. Ugunda perobaʾ nenesinaʾ anyek goukwa noronaʾ dibaʾ norowoka, jong ununaʾ anyek girik seng anasoʾ anyek enegoka, we seklelulum.

PILIPI 3:1

Nadyaʾ hemyab o, anya onoʾ ugunda Wenelesilnya beb seleb kwebdangoka ululumaʾ anyek bekoka ei-ei ganya bololulum. Ugunuk perob dangasin dambaʾ anyaʾ aboka, onoʾ youmaʾ hnon seleb momnya donaʾ pik uboka lebsisedyok, wen hnon sounuwoka lebsin.

KOLOSE 4:5

Ugunda yok nim ek ara, geremsengaʾ perobaʾ adya ok ulululum, anya wen an ubla salek ululanya nera, pe salawoka unulululum.

1 TESALONIKA 4:12

Dara, sobaʾ anaso pe ulumnelumaʾ adya, yok nim era perob senelemnesak. Anya, yok nim ek arawananulum aboka sobaʾ molonggulumnusom.

1 TIMOTIUS 2:2

Hnon ara, mok soko dub nang amba hnon, yokaʾ-yokaʾ duka salawoka bo ulumak nim emba hnon, mololululum. Nu ulumab soko namen uboka, nunda Imik Neyung bek lok ganya boboka hyak pe ulunobaʾ aboka unuro mololululum.

1 TIMOTIUS 3:11

Anasonya neikek, gelewa anaba, yok nim ek malya yuba lenaʾ ab, gelewa danara ganya siklewoka diri ubdangoka, yok nim edya anaba pe ulumak aboka dib senewanemeija gelewa enyek ulunok.

1 TIMOTIUS 3:4

Bera onoʾ alja mabo silibaʾ ak pe bo uboka, alja mab era alak nunja neyung senewoka lok ganya boboka, alja yuba keboka, ulumnesengnya benyek, ulumnamso dara, wera nimi bo usinnya ulumnamso.

1 TIMOTIUS 4:12

Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

1 TIMOTIUS 5:2

Wisa gelewa ek dara, nadya genong yab era alan senewoka pe unulusilom. Goubenya gelewa ek dara, sikenek perob geisa ganya adya, nadya hmal gelewa senewoka pe unululom.

TITUS 1:8

Dara onoʾ, alja ek sam nimi yalamak dara, perobaʾ leboka doro diyiwoka, alda perob unaʾ anyek perob senelelanya benyek, ganya siklewoka diri ubdangoka, pelelanya benyek, geisa ganya boboka, yamal longgululanya bek ululul.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

TITUS 2:2

Nengmabo nauba nang ek dara, sikda ganya siklewoka kaboka ulunokaʾ aboka, perobaʾ ok seiniwoka ulunokaʾ aboka, hnonda yok nim edya perob senelesak nang geknebaʾ ulunokaʾ aboka, onoʾ yuba dib senebmoubuka, hyak wanaʾ ubdangoka, pe siklewoka welenokaʾ aboka pe neklesilom.

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

IBRANI 11:2

Dara ban ganya dib senenaʾ nong adyok, nunja youmaʾ nim ek ara, laga eilinaʾ ak sam dara, pe ganya mabok.

IBRANI 13:18

Dara nunda yokaʾ-yokaʾ ak ara hyak pe unya nenyek senelemabaʾ anasa, wera nusamba leboka hyak sobaʾ heng uboka mololomnesulum. Nenera nunda ella ulumabaʾ ara nunjaʾ mek ganya ek dara, hyak pe ulumabaʾ anasa.

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

1 PETRUS 4:8

Nim ara sik moumen wanaʾ uldalamnaʾ adya, onoʾ malya unaʾ nauba bok, laga lebdangoka doboka bologoldalamakaʾ anasa, yok-yok ununaʾ era mek so bok, ugun moumen anyek hyak nauba wanaʾ uldalalulum.

2 PETRUS 3:1

Nadyaʾ hemyabo nim o! Ban momnya donaʾ beibsinaʾ anara penenya nek beibsin. Ban beibsin momnya donaʾ pik ab dara, ugunja ganya hyak pe seinilemnelum aboka ugunuk beibsin.

1 YOHANES 3:18

Najabo yab o! Nunda sibamaʾ adyok gom, yuba dem adyok wanaʾ uldanaʾ ara mem. Bok nunda ganya goluwoka dib arawoka, dib aralemab anaʾ ara, nunja dib unulumnamabaʾ adya, wanaʾ uldalamnamab.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.