PILIPI 4:17 - PERJANJIAN BARU NALCA YUBA

¹⁷ Wera nera nak dara, ugunja beibnulumaʾ anyek ganya dibyooka donaʾ ok dob lobnun senen ganya bonggulumna. Alda nadya dara, nim Imik Neyung yuba doboka ulumak nong unaʾ enyek ugunuk sam nauba dosulul senelamna.

PILIPI 4:17 ပူးပေါင်းရင်းမြစ်များ

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

YOHANES 15:8

Ugunda doka nauba molumnesil dara, nadyaʾ neyung bedya si imik nenewoka, ugunda nadya yuba doro diriga ban nang dibaʾ ulumnulum,” hyok.

ROMA 15:28

Anasa nara ban wa nen seleb webdaknyakanya, yok mok soko nim edya sikja yeiriwoka eboka beiyirobaʾ anyek sikenek elekgogoweisinya dara, nara ugunuk pik ab uboka Spanyol moka binimna.

2 KORINTUS 11:16

Nara onoʾ saawoka lebnamna, nimi hnon nak alda dongdang anaʾ anya senenaʾ ara mem. Bok ugunuk dara, or anam alda dongdang anaʾ anya senewanenulum dara, nara mek nonggo henunaʾ aboka, or unuwolul senewolulum.

2 KORINTUS 9:5

Wera nenyek deisilyek aboka, ugunja arawanamab hulumnya nenyek, men orowek memewoka beillilelulumaʾ aboka, Titus beb alkabo nang eb dara, bululum hisin. Wera anadya ugunja bolowanalumaʾ ara, dukaʾ lolowoka ubek ara, orok bok, alda sikja ganya doboka arawekaʾ danamla.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

PILIPI 4:11

Nadya unaʾ era hekaʾ ak nak ulumla dara, seleb senelenanya bek anasa, nera nak okna ulunelaʾ amba arawaneseng senewoka lebnenggubna.

1 TESALONIKA 2:5

Nunda ugunuk ara perob-perobaʾ yub edya meka lelewoka lebnenggusuba, orokaʾ anaba malya ubsinob senewoka hnon, ugunuk bob leregiyiweisinob senewoka Imik Neyung yuba leb eleganggubsuba. Imik Neyung ara ella ulumla!

1 TIMOTIUS 3:3

Nimi bo usinnya bera, yu meka delelenya bek gom, oldanaʾ hwamnya bek gom, alda saawoka, namen ganya boboka, yok nim ek heknaʾ ganya ok uboka ululenya benyek ululul. Alda rupiah hogung ok bololenya bera beilinaʾ ara, mem.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

1 PETRUS 5:2

Imik Neyung adya ugunuk lebsuk domba pam danyek pe bo ulululum. Imik Neyung adya seinilamla sok sunuwoka, igin ganya bonaʾ loboka, perob ganya boboka beiyiwoka bo ulululum. Wa webnemunaʾ ara deknaʾ anyek dobnun senen ganya boboka wenggom, alda ugun nong adya aldib yok nim emba welemak nang ululumnya nenesa leboka welelulum.

2 PETRUS 2:15

Ban unu nauba malya unulumak nim era, wanaʾ unaʾ pik era banaʾ loboka, malya pik biniboka seleb weiningdangamek. Ban nim enera Beor bedya me Bileam bedya balamok pik enyek, doboka balamak. Ban Bileam bera alja malya pik anyeb uboka, nauba rupiah dobnamna senewoka malya ulumok.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

YUDAS 1:11

Sikda hyak omom nongaʾ ak ulumak! Wera an unulumakaʾ ara, Kain bedya unumok malya unaʾ enyek, neik diligaʾ unulumak. Onoʾ, rupiah dobnob senewan dara, Bileam bedya umok diligaʾ doboka, dibum aboka malya ulumak. Hnonda, Korah bedya blekoka umok diligaʾ doboka, blekoka orok neneldalamak.