PILIPI 4:14 - PERJANJIAN BARU NALCA YUBA

¹⁴ Bok ugunja danyek, nak garana bulumnaʾ ak eiyiwoka aralenulumaʾ anasa, wera ugunja nak unu aralenulumnya nera hyak nauba pelenulum.

PILIPI 4:14 ပူးပေါင်းရင်းမြစ်များ

MATIUS 25:21

Dara wa damnya bera, an unumoknya wa pe bojam welemoknya bek an lebokaʾ ara, Anda hyak pewolum! Anda meknya neneba pe bojam welelamaʾ anasa, wera naubenya neneba or anak welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.”

ROMA 15:27

Ban wenyan dara seleb unuwanamab aboka wenyarob dara, wera nera sikjinya nek ulumla. Dara yok mok soko nim era Yahudi nim edya perobaʾ ulusilaʾ ak ab seleb dorob anasa, dara sikba yok mok soko nim eneba Yahudi nim ek sokok an ulumla bonaʾ danedya arelemnemak ok.

GALATIA 6:6

Nim Imik Neyung yuba dololanya bedya, alja yokaʾ-yokaʾ perobaʾ ulumlaʾ nidyaʾ ara, alak yuba neklelanya bek bokoka hnon eleklelul.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

PILIPI 4:18

Wera ugunja beibnulumaʾ ara, nak okna ubnyoknya nera nidyaʾ gigiwoka seleb dobsa, hyak nauba so sounuwoka dobsa! Ugunja yok-yok bonaʾ nak arawonulumaʾ Epafroditus be bo yanyokaʾ ara nidyaʾ seleb dobsa. Anadya wera men dara, anyek dobsinya senewoka seinisenya nera nidyaʾ gigiwoka dobsaʾ ulunel. Ugunja nasamba arawoka beibnulumaʾ nidyaʾ ara, Imik Neyung ak perob songa lelemlaʾ giboka beil balamak enyek, Imik Neyung adya perob senewoka dolomla bonaʾ enesoʾ ak beibnulum.

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

IBRANI 10:33

Ugunuk nimi hnoum ab derewoka waboka saboka malya nenewoka olosik. Hnonda ugunja hemyabo nim eb neikaʾ anaso unulusik.

IBRANI 10:34

Nimi henga geregoka beillilesik nang edya engelemeknya nera ugumbabya unululum. Ugunja dara, nunda eimik era songa leboka blobnenggunumla perob so bonaʾ Imik Neyung adya eleganesilaʾ seleb ella ululumaʾ anasa, ugunja bonaʾ nidyaʾ hokaʾ nang edya doluwoka dolosik dara, or unulunok senewoka dogom alum.

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.