PILIPI 4:12 - PERJANJIAN BARU NALCA YUBA

¹² Nara yokaʾ-yokaʾ garana bulumak gom, onoʾ nauba bok loboka deregoka ulumakaʾ ara penya-penya naba seleb unura yibisa. Nara yokaʾ-yokaʾ perobaʾ ak ulumak, malyaʾ ak ulumakaʾ ara, nara seleb eiru yibisa. Dara, nera denaʾ nauba yakaʾ ulumak gom, bonaʾ garanaʾ ak ulumak gom, nidyaʾ gigilamlaʾ ak ulumak gom, bonaʾ yak gomaʾ ak ulumak gom ara, nara nidyaʾ sunuwoka pe ulumna senen ganya bobnunaʾ aboka ella dangamsa.

PILIPI 4:12 ပူးပေါင်းရင်းမြစ်များ

MATIUS 11:29

Nara namen uboka, ganya sokok gebdangoka ulunanya bek anasa, nadya bollilesin igin yakaʾ era dobnelum dara, nak anyeb yokaʾ nidyaʾ einiwoka ella danalum dara, nara ugunuk ganya daklinggoka unaʾ eleganesin.

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 10:10

Nim adya ok dara, Paulus bedya momnya doboka beillilesil yub era, pe gasaʾ migib nongaʾ lelemla. Bok al nong anyek, oka nu gangganek ulumla dara, alda hmeng so ulumlakanya, alja yub era, dolbalek so dangalamla, alanyak.

2 KORINTUS 11:27

Nara wa nauba yeiriwoka welemsa dara, hmeng hwam ulunyok, hnon sum hogunga manggulumsa, hnon gwanenga meka bunya malamsa, hnonda gwanenga lol morulamsa, hnonda ongon akleng orok adya saragenaʾ kwelenyok.

2 KORINTUS 11:7

Nara Imik Neyung adya perob lero yanggan yuba ugunuk lel elegel yeilisisa dara, nak rupiah eleklemnenulum aboka molowanggumsa. Wera anadya, nara ganya sokok nenebdangamsakanya, ugunuk imik neneweisisa dara, anya nadya ugunuk malya ubsisa de?

2 KORINTUS 11:9

Wera an wa welesisa sum enyek, nak unuruwaʾ okna ubnyoknya nemba leboka, ugunuk igina kweiyiwanggusisa. Nadya hekaʾ ak doboka bobsinya senesenya nera, nunjaʾ hemyabo Makedonia nimi yeindeboka, pe aralenyek. Nara ugunuk obnebsinyek senewoka pe siklewoka ulumsa sok, eimik eneba al nenyek sobaʾ unulumnamna.