PILIPI 3:8 - PERJANJIAN BARU NALCA YUBA

⁸ Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

PILIPI 3:8 ပူးပေါင်းရင်းမြစ်များ

LUKAS 1:43

”Wera nara hurub so gel gek anasa, Wenelesilnya eilinggera nak an kemel yanel do?

LUKAS 11:20

Bok nak dara, bisaʾ yaklamnaʾ ara, Imik Neyung migib adya yaklamna, anya anyek unulamna dara, wera Imik Neyung adya ugun gangganek seleb wenelesilaʾ ara ulusil an.

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

YOHANES 14:7

Ugunda nak ella ulunusom dara, wera, Neyung bek ella ulumnesom. Dara wera, ugunda alak ella ululumukanya, alak seleb eiyilum,” hyok.

YOHANES 16:3

Ban unuwanasakaʾ ara, sikda neyung beb nab elgom ulusakaʾ adya, ugunuk eimik unulumnasak.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 17:8

Anja yub enyek nak elegenulumaʾ ara seleb sikenek leb elegesisa, dara sikda seleb domek. Na nong ak dara, aldib Imik Neyung bek ab yeilimok senewoka, Imik Neyung adya bokol yeilimok nong ak sokok yok dib senemek.

YOHANES 20:13

Dara, nang danadya Maria gek, ”Genong o, anda hekasa engelelam do?” aboka heibdek dara, Maria gedya sikenek, ”Nadya wenelesilnya benyek, nim adya hokaʾ doboka, hanyagar beil bilimak do aboka engelamna,” hyok.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

ROMA 8:18

Anasa nadya hyak okoka ella ulumnaʾ ara, ban wene salek enyek ganya okna dablesilnya nera, eimik nuk si imik nenesinaʾ anyek laga anyeb dara, neikik sunuwamenggomaʾ ak ulumla.

ROMA 8:39

or yok-yok migib damok, imik ulumlaʾ, damumduk ululanya gom, or yok embengaʾ ulumla digum, ban nidyaʾ anedya, nunda Imik Neyung adya wanaʾ usinaʾ ak ab, nunja Wenelesilnya Yesus Kristus ak ulumlaʾ an, ara ane digum adya douluwoka bok meneganggunusil.

1 KORINTUS 2:2

Anasa, nara orowek Korintus nimi gangganek ulumnya dara, yok-yok yuba salyaʾ lebnenggunumna bok, alda Yesus Kristus yuba nong ok lelemnyekanya, okoka dara, Kristus gal dubuk somogokaʾ damok nong anyek ok, lelemnamna senemsa.

1 KORINTUS 9:10

Goma, ban nera nunsamba lebsuk gom? Yo nera aldib nunsamba leboka momnya dobsuk. Anasa wera, beiyek wa welemna nang eb, doka daklamna nang eb dara, numbabya hnon dobnanam senewoka welerak bok anasa, nera nunsamba leboka momnya dobsuk.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

GALATIA 1:16

Dara perob lero yanggan yuba aljaʾ me nembaʾ ara, Yahudi gom nim ek leb elegolulaʾ aboka, Imik Neyung alja me nera, nak an okoka amanyok. Wera an Imik Neyung adya perob senemookanya unuwanyok sum era, nim adya hnon makoka be hnon neknululum aboka molol binggumsa.

EPESUS 4:13

Wera anadya, nunda nidyaʾ ara neik hnonok dib senenaʾ dolulaʾ aboka hnon, Imik Neyung alja me nek pe ella ulunokaʾ aboka hnon, ganya kabnokaʾ aboka hnon, onoʾ Kristus adya pe ulumlaʾ anasoʾ anyek dangoka nebgiga balanokaʾ aboka hnon, elegousuk.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

PILIPI 3:10

Nadya hnonok hyak perob unulusinya senelamnaʾ nong ara, Kristus ak okoka ella ulumnyekanya, alja somoknaʾ ak ab embengaʾ bukullilisil migib enyek, naba ella desinya senelamna. Nara Kristus ab neikaʾ hiboka alja igina kweboka, onoʾ alja somoknaʾ enyek naba neikaʾ somogoka, also donun senelamna.

PILIPI 3:12

Nara seleb hyak pelemna, hnonda seleb perobaʾ ak ulumna senenggulumna. Alda Kristus Yesus beilesil deknaʾ enyek dobnun senewoka yeiriwoka dulumna. Ban nenesa alja unulululaʾ aboka, nak alja bleboka dobnyookanya, aljinya nenewanyok.

PILIPI 3:7

Bok ban nidyaʾ ara Kristus amba leboka, youmaʾ nak sam perob dangalenyoknya nera gwirib loboka, wenyek dara, nara banyek dolbalek senelamna.

2 TIMOTIUS 4:6

Nak anyagan ara, Imik Neyung amba somoganamna salek era, wera seleb oka dal. Maldabnaʾ loboka, mek anam soko enera lo binimna.

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

1 PETRUS 2:7

Ban girik enera, ugunja alak dib senelelum nim ek dara, deknaʾ nauba girik era an. Bok girik enyek an, dib senenaʾ orok nim emba dara, ban yub enyek lero momnya dobokaʾ gigilamlaʾ ara, ”E sonaʾ nang edya ikoka sobnenggumek girik era, wera hyak gobdo perob girika dok,” aro momnya dobok.

2 PETRUS 1:2

Ugunda nunjaʾ Wenelesilnya Yesus ak hnon, Imik Neyung ak hnon, ella ululumaʾ adya, ugunuk nimi pe unaʾ ab, aljaʾ perob eleknaʾ ab dara, ugunuk nauba danggiga balasulul.

2 PETRUS 1:3

Imik Neyung adya aljaʾ senenggom migib edya ongowoka, yokaʾ-yokaʾ nidyaʾ ara, yuba doboka pe ulunokaʾ aboka nuk seleb elegosuk. Imik Neyung adya ban unuwosuknya nera, aljaʾ senenggom migib eb perob unaʾ ab danyek, boboka ulunokaʾ aboka, youbusuknya bek ella dangamoubaʾ adya ubsuk.

2 PETRUS 1:8

Ban nidyaʾ lebna ganya era, ugunja unuwanasomaʾ ara an. Anasa ban lebna unaʾ ganya en diligaʾ doboka nauba danggiga balasilya dara, nunjaʾ Wenelesilnya Yesus Kristus ak anaba hyak pe ganya olowoka ella danalumaʾ ak dara, ugunda yeiriwoka wa weboka pewanalum.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.