PILIPI 3:20 - PERJANJIAN BARU NALCA YUBA

²⁰ Bok nuk dara, imik heikek ab nim ek ulumab. Dara, al neik heikek ab nunjaʾ nimi blebsinaʾ dubnya Wenelesilnya Yesus Kristus ara eimik yanamla. Al nong anyek nunja dara, wera eibsibya senewoka diri ulumab.

PILIPI 3:20 ပူးပေါင်းရင်းမြစ်များ

MATIUS 19:21

Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

LUKAS 12:21

Anasa, Imik Neyung adya perob senelamlaʾ duboka unuwonun senenaʾ loboka, nimi ganya adya ok seiniwoka duboka nanokok bonaʾ dubnya donun senewoka yeirilemak nim era, sikenek anaso unuwanasil,” hyok.

LUKAS 14:14

Ban nang danadya dara, anak ara lunuwoka deknenggununjakaʾ anasa, anda pelelam. Anja sikenek pe unulusilimnya nera, nimi pe ulumak nim Imik Neyung adya embengaʾ suboka bukiyiwanasil sum enyek amba lunuwoka deknenggel,” hyok.

RASUL 1:11

Dara sik penya nang edya, Yesus alak diriga ban nang ek, ”Wei, ugunda Galilea nang o, ugunda hekasa anyagan ok sekoka imik sam kemelelum do? Yesus imik welemla eiblum sok, onoʾ eimik era hyak onnya benyek neikso unuwoka yanamlaʾ ak eibnelum,” arek.

1 KORINTUS 1:7

Anasa, nunja Wenelesilnya Yesus Kristus yanamla senewoka diri ululum salek era, ugunda yokaʾ-yokaʾ ganya eleknaʾ ak dara, garan unggululum.

1 KORINTUS 15:48

Sokok an ulumak nimi nidyaʾ ara, men soko adya uyimok Adam benesoʾ ak ulumak. Bok imik heikek ulumak so nim era, imik heikek abaʾ ara yeilimoknya beneso ak ulumak.

2 KORINTUS 4:18

Dara, nunda nonga laga ululanya nenyek kemero unggulumab bok, alda heng eilinaʾ oroknya nenyek kemero ulumab. Henga laga eillilemabnya nera seʾ salek ok ululabok, heng eilenggulumabnya nera eimik era, hyak sobaʾ ulmoublumnamla.

2 KORINTUS 5:8

Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

GALATIA 4:26

Bok imik heikek Yerusalem heik ara, albeyok sekok gel ulumlakanya, nunjaʾ genong ge dibaʾ an ulumla.

EPESUS 2:19

Anasa wera, ugunda sekel yanggan nim uboka beiyik nim anam unggululum. Alda ugunda nidyaʾ ara, wera yok munaʾ Imik Neyung mab eb Imik Neyung adya heik yokaʾ nimi dangoka, onoʾ Imik Neyung alja mabo silibaʾ ululum.

EPESUS 2:6

Dara, Imik Neyung adya, nub Kristus anya, somoknaʾ ak ab embengaʾ nenewoka suboka bukiyiwousuukanya, Kristus Yesus lomok imik heikek sam neikaʾ beibsuk.

PILIPI 1:10

Wera ban adya ugunda perobnya nenyek ella uboka welemunaʾ adya, Kristus yanamla sum era, ugunja nong unaʾ era, gegena ponaʾ loboka malya ulumak nim aboka yana kibsilyek anasa, mololesin.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

KOLOSE 1:5

Ban dib senenaʾ hnon wanaʾ unaʾ hnon ara, imik heikek ugunsamba beillilisilaʾ ak ganya welelumaʾ ak ab lanalamla. Ban ganya wenaʾ ara, ugunda men dib nong yuba kelum adya ella dangalum. Ban perob lero yanggan yub ara,

1 TESALONIKA 1:10

Dara onoʾ al ugunsamba yok nim edya dara, imik ululanya Imik Neyung bedya, nera Yesus anyek, Imik Neyung adya nimi somoknaʾ ak ab embengaʾ suboka bukiyiwoknya benyek, al yanamlaʾ amba leboka, ugunja ganya nebom aboka diri ululumnya nenesa unulumak aboka neklesak. Dara ban Yesus anedya, Imik Neyung adya yu ganya boboka obnesilaʾ ak ab nunda blebnesil.

1 TESALONIKA 4:16

Wenelesilnya bera imik ab yingginiboka bii aboka, lero dubnya wenyaboka, Imik Neyung benggong yuba leblya dara, somogomek nimi Kristus mab ara men welewanamak.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

IBRANI 12:22

Bok ugunuk dara, Sion meinik, Imik Neyung embengaʾ ululanya bedya heikek, Yerusalem imik heik adyaʾ ak sam ab, anya salyaʾ dengsalyaʾ anyek longowoka eiya hlalamak lero nang ek sam ak, seleb youlum.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

WAHYU 1:7

Wera, Yesus ara debaʾ hnoumung sam uboka yalamlyeʾ anyek kendululum e! Nimi nidyaʾ soko nim eibnemak dara, onoʾ alak gamaʾ adya gondowoka orob nim eneba eibnemak. Dara, nimi mok soko yok-yok nidyaʾ ara, alak eiyiwoka nauba engenaʾ salawanamak. Anasa aldib nera hyak dib unuwanamla! Amin!