PILIPI 3:19 - PERJANJIAN BARU NALCA YUBA

¹⁹ Ban malya ulumak nim era, sikjaʾ ganya edya nunja nong emba pewosulul senen ganya boboka yeirilemakaʾ anasa, sik nong anaba malya uboka somoganamakaʾ ak ulumak. Sikda sokok an salyaʾ lelem perob dangalalanya nok senewoka seinilimak. Sikenek alya danasusonya nek perob senelemak.

PILIPI 3:19 ပူးပေါင်းရင်းမြစ်များ

MATIUS 16:23

Dara Yesus ara Petrus bek uruma dangawoka, alak lebokaʾ ara, ”Nimi sunulyamanaʾ hwamnya Satan o! Anyaganyebaʾ ara bilom! Anda nak salyaʾ pika garalenelem an. Anja ganya seininaʾ era, Imik Neyung adyinya nek seininggululam bok, nim adyinya nek seinililam!” hyok.

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!

LUKAS 12:19

Dara onoʾ nadya nong ek na damnya lebdananadya, Anak dara, pelelam! Yokaʾ-yokaʾ nidyaʾ ara anda deregoka bololamaʾ anjaʾ ulumlaʾ anasa, gibnaʾ gong-gong lelemlyaʾ anaba denghenggunumla. Anda dek-deka soldibilloklolom! Gwaneng meka deblaboka eiya hlaboka pero nonggo aro ululom! aboka lebdok.

LUKAS 16:19

”Nimi ben hnon bonaʾ dubnya ulumok. Boksom ara hyak perob nong boksom ok ongowoka, denaʾ ara hyak sobaʾ perob denaʾ ok delsinilemok.

LUKAS 18:4

Men salek yana lelesinaʾ dubnya bedya dara, arawanggunumna senewoka lomok. Bok eimik era, alda seiniwokaʾ ara, Imik Neyung ak lok unggulumna, nim ek anaba perobaʾ lenggulusin bok,

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

ROMA 6:21

Anasa an youmaʾ unululumnya nera, wen banyek bekoka, dara alya ulusilaʾ amba dara, anasemba perob soʾ digum ara, hekaʾ ak dololum do? Ban anaso unaʾ nidyaʾ ara, sidyaʾ nong ara, somoknaʾ ak dangalamla.

1 KORINTUS 3:3

Ugunda solom ganya bobdangoka, ugun moumen anaba waldalalum, oldalalum dara, wera anara sokok an malya ganya bololumaʾ adya unululum. Imik Neyung ak elgom ulumak nim enesoʾ ak, ugunda ululum.

1 KORINTUS 5:2

Ban unululumjok, wera onoʾ ugunda dengdang aboka, imik nenebdangdo yabalalum. Ban unululumnya nera, dib nong ara, onoʾ angwei salyaʾ ulumla senewoka engelemnesomokanya, malya unulumak nim era, ugun gangganek ab doboka yaknasom.

1 KORINTUS 5:6

Ugunja nonggo aldalalumaʾ ara malya nong. Roti gwaneng welenaʾ ara mek bok, nonga nidyaʾ eldaklamlaʾ ara, ugunda elgom ululum de?

2 KORINTUS 11:12

Nadya wen unulunanya nera, sobaʾ unubgiga balamnamnaʾ adya, sikda hnon senenggom yuba len nang aldalamak nang era, nunda Paulus benya arob nanga welemak sok, numba unulumab aboka nonggo hijek anasa, lobnokaʾ aboka pika leblemnamna.

2 KORINTUS 11:15

Anasa, bisaʾ dubnya bek arawoka welemak nang eneba, Imik Neyung wa welemak nang anasoʾ anyek sene sunulumak dara, loka dabnenggunususo. Anya eimik era, sikda nidyaʾ meknewoka unulumak sok, sunuwoka dirigoka malya nenewanasil.

GALATIA 6:13

Nimi bolaʾ garalasak nang eneba, Yahudi nim emba unuwanalum an yub ek momnya dobokaʾ ara, nidyaʾ pe sunuwoka ununggulumak. Bok sikja dara, ugunda sikja unulumakaʾ anyek gigiwalya dara, nunja yuba keboka unulumak senewoka nonggo henobaʾ aboka, ugunuk bolaʾ garawanok senelesak.

PILIPI 2:21

Nimi yok nimi nidyaʾ ara, Yesus Kristus amba dara seininaʾ loboka, alda nunokok pewanasilinya nenyek senewoka seiniro balamak.

KOLOSE 3:2

Ugunda seleb somogolumukanya, ugunja ululumaʾ ara, Kristus lomok beiyiwoka, Imik Neyung ak ulumla anasa, sokoknya nenyek gom, alda imiknya nenyek seinililulum.

2 TESALONIKA 1:9

Ban unu malya unulumak nim era, Imik Neyung adyaʾ si imik nenenaʾ migib pik ab hnon mok nenewoka yaknesil dara, sikda mok somoknaʾ heikek sam sobaʾ ulmoublemnemak.

2 TESALONIKA 2:12

Wera ban unulumeija damok enedya, nimi nauba malya unaʾ ak perob senewoka, dib yub ak dib senenggulumeija nim era igina boyiwanesil.

2 TESALONIKA 2:8

wera nimi malya nenesinaʾ dubnya bera alda laga danamla. Dara Yesus ara alja senenggom ganya nong senedyaʾ uboka yanamla sum era, bisaʾ dubnya bera alja malya nenesin bolgamalaʾ ablaboka si leboka obnamla.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

2 TIMOTIUS 3:4

Sikda yuba bo dil banaʾ ak perob senelemnemak, sikda imik nenebdangoka, ganya mok seinil banggulumnamak. Sikda Imik Neyung ak wanaʾ unya nera loboka, sokok an ununaʾ anyek wanaʾ nong ulumnamak.

YAKOBUS 4:16

Bok ugunda wenera dengdang ganya boboka nauba nonggo aldalalum. Anya ban unu lelelumaʾ ara malya unaʾ anyaʾ.

2 PETRUS 2:1

Youmaʾ dara, nimi yuba dolomekaʾ hnoum ara, sondaʾ amba yuba len nang aldalamek nimi hnon lanalemek. Anaso neikek weneba ugun gangganek ara sondaʾ amba bobnenewoka yuba lesin nim abdangoka hnon lanawanamak. Ban nang enedya dara, ugunuk ara dib gom yuba, nim ek malya gebellilimnesak yub enyek, bo lanawanasak. Dara sikja malya unaʾ emba dekesuknya senenggom Imik Neyung benyek unggulumla aboka bobnenewoka lebnesak. Unu Imik Neyung ak yaab lobnemakaʾ adya, senenggom somoknaʾ damok ara sik dam nang ek bo lanawanasil.

2 PETRUS 2:13

Sikja meneng orowek igina nenebdangoka malya neneldalamakaʾ amba, sik nong ak igina kweboka nauba gweknemak. Sik nim en nong ak dara, sikja nonga ganya gigiwoka malya unaʾ ok laga yubyek hnoum enyek, unulumak dara, pewab senelemak. Anaso malya unaʾ anyek laga yok nimi ngouluklenabok ura yabalamak nim era, ugunub neikaʾ bukoka denaʾ delelum dara, sikja malya unaʾ hogung ok beiyi bulumakaʾ anyek, ugunda eiyiwoka dara duk lobnesom.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

YUDAS 1:10

Bok ban malya ulumak nim era, yokaʾ-yokaʾ elgom ulumaknya nek derelemak. Dara sikja ella ulumaknya nera, ganya orokaʾ adya seinilamla sok, gobdo nauba malya ulumak. Wera anadya sik nonga dengabdanamakaʾ ara an.

YUDAS 1:16

Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.

WAHYU 18:7

Hnonda alak ara, nauba perobnya benya anaʾ ab, dub dangoka pe ulumokaʾ sunuwoka, ganya okna danganaʾ ab, ganya soloma dabnaʾ ab, danyek alak eleganalam. Hnonda al nong anasa, sobaʾ leleladya, Nara nenya somogamna gel gomaʾ, nara wenewoka usin dub gel! Anasa nara ganya okna dabsinaʾ ara, hnon nak dobnenggunusinya, wenyaboka nonggo alamla.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.