PILIPI 3:18 - PERJANJIAN BARU NALCA YUBA

¹⁸ Nara sobaʾ hnon ugunuk wenyalasisedyok, onoʾ nimi nauba ara sikja nong unaʾ era, Kristus gal dubuk somogokaʾ ara salyaʾ senewoka malya nenelemak. Bok, wen hnon engelamnakanya, ugunuk onoʾ saawoka lebsin.

PILIPI 3:18 ပူးပေါင်းရင်းမြစ်များ

LUKAS 19:41

Yesus ara Yerusalem heikek lanal binibmookanya, heik era oka danggiga balamok dara, kemelemookanya, alda engenaʾ sala bukok.

RASUL 20:19

Nara ganya sokok nenebdangoka, heng mekaʾ yabalenen anababya, Yahudi nang ununaʾ adya yokaʾ-yokaʾ igina kwellilinyek bok, oka kweboka gweklenadyok, Wenelesilnya bedya wa nera welemsa.

ROMA 9:2

Ara nara hyak ganya lomok soloma dablenelekanya, sobaʾ ganya angoo senelamna.

1 KORINTUS 1:18

Anasa, somoganobaʾ aboka uk hinik anam balamak nim edya dara, Kristus gal ak somogok yub era, salyaʾ lelemaʾ senelemak. Bok, nunda Imik Neyung adya blebsuk nim edya dara, Kristus somogok yub ara, Imik Neyung migib ara alan, senelemab.

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

2 KORINTUS 11:13

Wera an unulumak nang era, sikda sondaʾ yuba lenaʾ gak nang uboka, nimi bol gereklemak nang ulumak. Sikda sondaʾ bok, Kristus bedya yuba lenaʾ gak nang ulumab seneweisinokaʾ aboka, samal meneklemak.

2 KORINTUS 11:29

Nimi hmenga dangalamak dara, nera naba hmeng ganya nenelenel. Nimi hnon malyanggalamak dara, nak dara, angoo senewoka ganya oldalamna.

2 KORINTUS 2:4

Nara ugunuk momnya weboka beibsisaʾ ara, hyak igin ganya boboka ganya soldowoka obdasakanya, heng mekaʾ gadyaʾ beibsisa. Ban nadya unuwasaʾ damok ara, ugunuk solom ganya boboka angwei senewoululumaʾ aboka gom, alda nara ugunuk hekaʾ huru wanaʾ ulusinaʾ anyek, ella ublulumaʾ aboka ubsa.

GALATIA 1:7

Dib nong ara, yok Imik Neyung yub era, hnon unggulumla. Bok nim adya ok perob yuba lelemab alamak nim edyok, ugunja ganya bobnenewoka, Kristus adya perob lero yanggan dib nong yub ek sam-samel meneklemak.

GALATIA 2:14

Nara sikja unulumeknya nera, Imik Neyung adyaʾ perob lero yanggan yuba lelemlaʾ sunuwoka ununggulumekaʾ anyek eiyimsa dara, Petrus bek nimi hnoum ab, ”Anda Yahudi nang bok, anja unaʾ era Yahudi gom nim eneso uboka, Yahudi nim eneso unggululam bok dara, Yahudi gom nim ek ara, hekasa Yahudi nang unaʾ diliwoka ulululum aboka loloboka unululam do?” aboka lebsa.

GALATIA 2:21

Nim ara unuwanalum an yub edya Imik Neyung hogung ak perobaʾ nenenaʾ dobnesibya bok dara, Kristus ara malya unaʾ amba somogomokaʾ ara, salyaʾ lelem danamso. Anasa, nara Imik Neyung adya wanaʾ uboka eleksinaʾ ak, lek aboka longgulumna.

GALATIA 5:21

hman ganya boldanaʾ ab, yu meka deregoka ganya uu anaʾ ab, bera seboka eiya hlan malya unaʾ ab, anasonya nidyaʾ ara malya unaʾ ak ulumla. Nimi ban malya unaʾ enyek nauba unuru yabalamak nang era, Imik Neyung mab adya misaʾ hnon dobnenggunumak aboka, youmaʾ hnon seleb nekesisaʾ ara, onoʾ saawoka sumen hnon neksin.

GALATIA 6:12

Nimi nuk perob seneweisinokaʾ aboka hogunga bo elemak nang edya, bolaʾ garanaʾ yub ara, unuwanalumaʾ aboka goklesak. Sikda ban unulumaknya nera, Yahudi nang edya Kristus oboka gal ak glamek yub emba leboka lobaʾ neneweisijik aboka ulumak.

GALATIA 6:14

Nak dara, yokaʾ-yokaʾ anyek pelemla aboka nonggo anaʾ ara, unuwanggunusinya bok, nunjaʾ Wenelesilnya Yesus Kristus gal dubuk somogosukaʾ amba danyek ok unuwanasinya. Wera Kristus anyek gal dubuk somogokaʾ adya danyek, sokok an ululanya nedya nak benewoka glinggulunelekanya, nara soko amba seleb somogamnaʾ anaso ulumna.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

PILIPI 1:4

Nara ugun nidyaʾ amba leboka, sob-sobaʾ Imik Neyung ak molol yabasin dara, nara hyak eiya adya, perob ganya boboka mololesin.

1 TESALONIKA 4:6

Ban oruknaʾ yuba blekoka yok nim ek malya ununggom. Ugunuk seleb yuba sekoka lesuba sok, Imik Neyung ara ban malya unaʾ amba yu ganya boboka obnesil.

2 TESALONIKA 3:11

Ban wenyasabnya nera, ugun gangganek anyek, hnon nim era sulmalyaʾ hwam ok uboka, wa wenggulumak an yuba hnon, sikda yokaʾ-yokaʾ ara ununggulumakjok, yok nim edya ununanya nenyek, hiboka saro bulumak an yub kemoubaʾ anasa lesab.

2 PETRUS 2:10

Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!

YUDAS 1:13

Sik nong ara, nauba mek gwanek lo saawoka elilamla sokaʾ ak ulumaakanya, sikja alya usinaʾ ara, mek elilamlaʾ adya bolgamalaʾ bouruklamlaʾ anasoʾ ak ulumla. Hnonda, sik nong anaba, salyaʾ eini yabalamla guraʾ ara, gunaʾ lomok sam dengalamlakanya, gunaʾ lomok ulmorulamla sok ulumak.