PILIPI 3:13 - PERJANJIAN BARU NALCA YUBA

¹³ Hemyabo nim o, hyak pe ululanya ulumso sok, nara seleb anaso ulumna senenggulumna. Bok alda nara hnonok unulamnaʾ nong ara, nidyaʾ yokaʾ-yokaʾ youmaʾanya nadyaʾ weilik sam ululanya nera hibigoka, eimik eini unuwanalanya nadyaʾ saramek sam ululanya nenyek dulumna.

PILIPI 3:13 ပူးပေါင်းရင်းမြစ်များ

LUKAS 10:42

Bok alda dib nongaʾ ara hnonok ulumla. Anya Maria gek dara, alak ab yokaʾ adya salyaʾ dobnenggunumlaʾ perobaʾ anyek, weboka dobla,” hyok.

LUKAS 9:62

Danyek Yesus adya benyek an lebnemokaʾ ara, ”Nimi ben hnon wa wel einileladyok, youmaʾ wenanya nek sobaʾ saaboka kemel samalamla dara, bera Imik Neyung wa pe wenya danggunumla,” hyok.

2 KORINTUS 5:16

Ban nenesa leboka, nunda nim ek ella ubnesin aboka, nimi ganya seinilemak sok sununggulumab. Aldib men dara, Kristus amba nimi ganya seininaʾ ak pik uboka sunulumouba bok, wenyek dara, alak anaso sunuwoka seininggulumab.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

PILIPI 3:12

Nara seleb hyak pelemna, hnonda seleb perobaʾ ak ulumna senenggulumna. Alda Kristus Yesus beilesil deknaʾ enyek dobnun senewoka yeiriwoka dulumna. Ban nenesa alja unulululaʾ aboka, nak alja bleboka dobnyookanya, aljinya nenewanyok.

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

2 PETRUS 3:8

Bok nadyaʾ hemyabo nim o, ban nadya lebnesinaʾ banyek hyak mekaʾ hibiganggunulumaʾ ara ban: Imik Neyung adya senelamla dara, li hnonok ara gibnaʾ denga salyaʾ anaso uboka, gibnaʾ denga salyaʾ ara, li hnonok anaso ulumla. Alak dara, nidyaʾ ara hnonok ok ulumla.