PILIPI 3:11 - PERJANJIAN BARU NALCA YUBA

¹¹ Nadya dara, nababya somoknaʾ ak ab embengaʾ suboka bukiyiwonulul senelamna.

PILIPI 3:11 ပူးပေါင်းရင်းမြစ်များ

LUKAS 14:14

Ban nang danadya dara, anak ara lunuwoka deknenggununjakaʾ anasa, anda pelelam. Anja sikenek pe unulusilimnya nera, nimi pe ulumak nim Imik Neyung adya embengaʾ suboka bukiyiwanasil sum enyek amba lunuwoka deknenggel,” hyok.

YOHANES 11:24

Dara, Marta gedya leboknya nera, ”Sidyaʾ daknamla sum, nim embengaʾ bukiyiwanasil sum, albabya embengaʾ suboka buknamlaʾ ara, nara seleb ella ulumna,” hyok.

RASUL 23:6

Dara onoʾ Paulus bedya kemelemok enyek, anyagan ara yuba sanaʾ gak nang era, hnonda Saduki nang, hnonda Parisi nang hnon bulumekaʾ eiyisuk dara, Paulus bedya yana lelewanob aboka longomek nang ek lebok ara, ”Nadya hemyab o, nara Parisi nang yokaʾ uboka, Parisi nang edya beibnyek ak ulumna. Nak anyagan yana lelelenyak ara somoklomak nang era embengaʾ subnemak aboka dib senelenanya nenesa ulenyak,” aboka lelemok.

RASUL 26:7

Wera al Imik Neyung adya perobaʾ eleganesin wenyamoknya nenyek dib senelamna amba, Yahudi nang era nak malya nenelenyak.

RASUL 27:12

Wera perob mek ekla bunaʾ malamla ak ara perob gom adya, wera anyagan ara, saragenaʾ li dara, kaboka mabdabnenggunumso anasa, wera mek ekla bunaʾ gliboka bolomek nang nauba so edya dara, anyagan ara loboka saragenaʾ li ubnalabok anasa, men Feniks moka binimab senemek. Feniks alamek heik era, Kreta mek dubuk sokok sam uboka, mek ekla bunaʾ bul yalamok mek gemek ara, kemban dabo sam hnon, kemban woru sam hnon ulumok.

ROMA 11:14

Wera anedya nara nim ek sam dara, nadya mok soko nim ek sikja ganya soloma gebnesisinya adya, sikenek nimi wene nimi hnon blebnesisinya.

1 KORINTUS 15:23

Bok, nimi nidyaʾ munaʾ gobdo yok-yok elaʾ gigiro embengaʾ suboka bukiyiwanasil. Kristus ak men embengaʾ suboka bukiyibok. Dara, onoʾ eimik al Kristus yanggalya sum era, alja ak ulumak nim era, embengaʾ suboka bukiyiwanasil.

1 KORINTUS 9:22

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.

1 KORINTUS 9:27

Nadya nong enera pe mel-mel aboka, nauba sunubdangoka diri uldalamna. Ban unulunanya nera, nadya yok nim ek nauba leboka glinyebok, eimik sum era, na nong anyek lobnelyek aboka, anara unulamna.

2 KORINTUS 11:3

Hawa gek bagaʾ geremseng adya bob geregemok sok, Kristus ak ganya gekman bojam ululumaʾ anyek, bob neneweisilyek senewoka lok ganya bolomna.

1 TESALONIKA 3:5

Ban nenesa leboka, ugunja Kristus ak dib senebgiga balalumaʾ anyek, pe nauba unulumakaʾ orokaʾ anyek ella donunaʾ aboka, Timotius bera ugunuk an bilom aboka orugamsa. Bisaʾ adya nunja duboka welemouba wa nera sunuweisilya enyek malya uboka, salyaʾ lelem dalyek senewoka lok ganya bomsa.

2 TESALONIKA 2:3

Anasa Yesus yanamla sum oka dalya dara, ban unurub damok enyek men laga danamlaʾ ara, nimi nauba yuba domeijedyok ganya dangawoka malya danamak, hnonda Kristus ak sondaʾ amba bobnenewoka nara elgom aboka lebnamla, hnonda nimi malya unaʾ dubnya bisaʾ heikek weklulaʾ aboka, orowek gegeboknya bera laga goboka seknamla dara, ugunda yokaʾ-yokaʾ igin yakaʾ yanamlyaʾ anaba ugunuk ara sondaʾ amba bobnenewoka lebsijek.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

IBRANI 11:35

Dara nauba nim era, sikja nim era seleb embengaʾ subuka bukuldilimekaʾ anasa, sikda seleb saawoka doro yibik. Bok yok nim ek dara, sikda hyak embengaʾ subnanya perobnya nenyek dobnob senewekaʾ adya, sik nong ara iginaʾ doboka, or pe unaʾ ak dara dobnenggubek.

WAHYU 20:5

Dara nenyek nimi youmaʾ somogomek nimi mennya suboka bukiyiwanasilnya nera an. Bok yok hnon nim era an seribu badya gibnaʾ ubnemaknya nera anam seleb denghenggulyebok dara, embengaʾ suboka bukiyiwanggunusil.