PILIPI 3:10 - PERJANJIAN BARU NALCA YUBA

¹⁰ Nadya hnonok hyak perob unulusinya senelamnaʾ nong ara, Kristus ak okoka ella ulumnyekanya, alja somoknaʾ ak ab embengaʾ bukullilisil migib enyek, naba ella desinya senelamna. Nara Kristus ab neikaʾ hiboka alja igina kweboka, onoʾ alja somoknaʾ enyek naba neikaʾ somogoka, also donun senelamna.

PILIPI 3:10 ပူးပေါင်းရင်းမြစ်များ

MATIUS 20:23

Dara Yesus adya sikenek, ”Aldib, ugunda den dara, denelum. Bok alda ban benera sirikek sam gom, waneng ek sam gom, buknamla anaʾ ara nadya or wenyhenggunusin. Bok ban anyagan buknemak nim era, nadyaʾ neyung bedya albeyok buknemak senelamla nim ok lebnesil,” hyok.

YOHANES 10:18

Na nong ak dara, nadya ganya doboka or obnulum anaʾ orok bok dara, wera obnenggununeseng bok, nadya ganya doboka or ubnulum henesinya. Anasa, nara ganya doboka eleklesinya uboka, onoʾ saaboka onsok donaʾanya ulumna. Ban wa nera Neyung bedya nak unu welelulaʾ aboka elegenyok,” hyok.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

ROMA 8:36

An momnya dobok sok, ”Wera ansamba nunda mabom bukuma somoknaʾ damok lok ulumab, nunda obnamna domba pam enesoʾ senelesak,” hyok.

2 KORINTUS 1:10

Dara, Imik Neyung migib enedya nu nong ara, somoganasibyaʾ nong ok ab blebsuukanya, onoʾ wenebabya blebnesil. Nunda Imik Neyung ak ganya welemabakanya, eimik yanamla igin yakaʾ eneba alja blebnesilaʾ anyaʾ senelemab.

2 KORINTUS 1:5

Kristus adya yokaʾ-yokaʾ alak igina kwelemoknya nera nuk hnon nauba ulusil. Dara neikso Kristus adya, nunja ganya heknaʾ eneba nauba ulusil.

2 KORINTUS 13:4

Kristus nong anyek, hmengaʾ lomok, oboka gal ak glabemek bok, wera Imik Neyung migib adya ulmorulamla. Numbabya Kristus lomok uboka hmeng ulumabjok, ugunuk an wa welemnesab anasa, Imik Neyung migib adya Kristus ablaboka ulumnamab.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

GALATIA 6:17

Nadya nong enera, nara Yesus adya yuba doboka diriga bannya diligaʾ laga ulunelaʾ anasa, onoʾ hnonda nimi hnon lobaʾ nenewoka ol nebnenaʾ ara mem!

EPESUS 4:13

Wera anadya, nunda nidyaʾ ara neik hnonok dib senenaʾ dolulaʾ aboka hnon, Imik Neyung alja me nek pe ella ulunokaʾ aboka hnon, ganya kabnokaʾ aboka hnon, onoʾ Kristus adya pe ulumlaʾ anasoʾ anyek dangoka nebgiga balanokaʾ aboka hnon, elegousuk.

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

KOLOSE 2:13

Dara ugumbabya youmaʾ dara, ugunja meknenaʾ hnon ugunja sobaʾ malya ululumnya lomok uboka hnon, anedya ugunda seleb somogoka ululum bok, wera Imik Neyung adya Kristus ab neikaʾ seleb embengaʾ gebsuk. Anya, nunja meknenaʾ hwam malya unaʾ nidyaʾ doboka bobogosuukanya,

KOLOSE 3:1

Dara, ugunda Kristus ab ganya neikaʾ subuka bukiyiwosuk anasa, Kristus ara, Imik Neyung alja sirik soruk imik bulumla ak, imik sam ululanya nenyek elelulum.

1 PETRUS 1:3

Nunda Imik Neyung ak nunjaʾ Wenelesilnya Yesus Kristus alja giblelanya aljaʾ neyung bek gibnemab! Alda nuk angoo yadyek senewoka arasukaʾ sunuwoka, Yesus Kristus somoknaʾ ak ab embengaʾ suboka bukiyiwokaʾ adya, wenyek embeng unaʾ ara nuk elegosuk. Ban adya ganya welmorunaʾ ganya nuk elegosuk.

2 PETRUS 1:13

Nunjaʾ neyung Wenelesilnya Yesus Kristus adya nara sokok anara loboka, imik heikek sam bininanya nera ulumna seleb nekenelaʾ anasa, nara anam embengaʾ ulumna salek era, nadya wa nenyaʾ aboka ugunuk pe bekellilimnesin dara, perob senelamna.

1 YOHANES 2:3

Nunda Imik Neyung yub ak pe keboka unulumab dara, wera nunda Imik Neyung ak dib ella ulumakaʾ damok ara an unulumab an.

1 YOHANES 2:5

Bok nimi hnon Imik Neyung yub ak pe keboka unululanya bera, alda Imik Neyung wanaʾ unaʾ ak seleb kaboknya be ulumla. Wera nunda Imik Neyung ab neikaʾ kwebdangoka ulumabaʾ damok ara an.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.