PILIPI 2:29 - PERJANJIAN BARU NALCA YUBA

²⁹ Anasa, ugunja dara, alak neik Imik Neyung mabo dangalamak nimi geknebaʾ uboka yanggeija dara, perobaʾ leboka doro dibsululum. Onoʾ hnonda anaso ganya bolomak nimi nidyaʾ ak wanaʾ ulululum.

PILIPI 2:29 ပူးပေါင်းရင်းမြစ်များ

LUKAS 9:5

Nublaboka neikaʾ ulumnemab aboka dobnenggunusak heik era, heik enyek ara lo yabamunukanya, yan blesa anyek heik enyek an habdeboka binilumaʾ adya, siksamba beknaʾ dibaʾ danamla,” aboka wenewosuk.

YOHANES 13:20

Ugunuk wenyhesinya nera dib nongaʾ lebsin, heknedya nadya boklenanya bek doboka dililamla dara, alda nak doro dililenel. Heknedya nak doro dililenel dara, alda nak bokol yeilinyoknya bek doro dililamla,” hyok.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

RASUL 28:10

Dara, sikda nuk yok-yok bonaʾ nauba elegesik. Wera onoʾ, nunda lanawoka binob aboka ul yabuba dara, nunja pikik beibya dara, anyek-anyek yak dara, bobsibya senemoubaʾ nidyaʾ ara mek ekla bunaʾ ak sam bo elegel bilisik.

RASUL 8:8

Dara, nimi nidyaʾ Samaria heik ulumek heik nanga nidyaʾ ara hyak eiya dablasuk.

ROMA 10:15

Sikenek hnon yuba bo ban nang enyek orok dara, alsamba yub era hekaʾ uboka leb eleganaseng do? Wera anesemba leboka momnya dobokaʾ ara, ”Sikda perob lero yanggan yuba bo yalamak nang enyek yalamak dara, hyak perob nongja!” wenyaro momnya webok.

ROMA 16:2

An lebnanya nera, anedya ugunda alak Wenelesilnya pik ganya gwelelek aboka, neikso yok munaʾ Imik Neyung mab emba arawoka ulumak sok, alda yokaʾ hnon doroweisinya senewanamla dara, arawoka ubnelum. Wera alda yok nang ek hnon, na nong ak hnon, hyak nauba seleb arawousuk anasa.

1 KORINTUS 16:10

Timotius bera ugunuk an yalya dara, alda nababya Wenelesilnya bedya wa welemna sok, albabya neik wa welemabnya bek anasa, ugunuk ganya goluwosululaʾ aboka perobaʾ leboka pe doro dibnelum.

1 KORINTUS 16:18

Sikda nadya ganya angawoka pel eleklesak sok, sikja unulumaknya nenedya naba eiya ulunel. Ban unuweisija nang era, men perobaʾ leboka ublulumaʾ aboka lebna.

2 KORINTUS 10:18

Nim adya, gigildalalanya bera, aldib pe ulumla gomaʾ, bok Imik Neyung adya gigilamla nim ek hnonok aldib pe ulumla.

2 KORINTUS 7:2

Ugunja ganya edya nu nonga doboka beibsululum. Nunja dara, yok nim ek ara, hnon malya ubnenggumouba, dara onoʾ hnon malya danok senewoka malya nenewanggumouba. Nunda yok nim ek ab bobnenewoka perobaʾ dobnenggumouba.

PILIPI 2:28

Ban nenesa leboka, ugunda alab eibdomun dara, ugunja ganya heksilyekanya, nadya ganya eneba heiboka ubnunaʾ aboka, nadya dara nauba alda ugunuk sam bilom aboka oruganamna senewoka nauba seinilamna.

KOLOSE 4:10

Nadya hembe neikaʾ henga gouboka doronggeisiknya Aristarkus bedya hnon, Barnabas, alja dong bedya me Markus bedya hnon, ugunuk gibisirik. Alsamba dara, ugunuk seleb wenyasikaʾ anasa, yanamla dara, ugunda perobaʾ leboka ubnelum.

1 TESALONIKA 5:12

Wera, kabo nim o, ugun gangganek wa nauba welemak nang era, Wenelesilnya bedya wa nenyek, ugunuk mengewoka welesak nang era sikenek gigilelulum e, alasab.

1 TIMOTIUS 5:17

Ugun yuba dololumaʾ ak pe weboka bo usin nang ek ara, ugunja li penya so sikenek ganya hek elegoka gigilelulum. Nauba so ara, Imik Neyung yuba yeiriwoka nekoka, lel eleklesak nang enyek anaso pe unulululum.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

3 YOHANES 1:10

Bok eimik na anyagan yanya sum era, nidyaʾ alja yok-yok malya unaʾ uboka, sondaʾ leboka, nauba gunulamlaʾ deng ara, nunsamba hnon geklewoka sondaʾ lelelanya nera, laga poboka lebnamna. Bok ban nidyaʾ unulamlaʾ ara, nenyek ok unuro dakdowonun senenggulumla. Onoʾ nunja hemyabo yuba donaʾ nimi yanggan dara, alja ek doboka beilisinaʾ ara alda lek senelamla. Dara onoʾ yok nim edya nunja ek an mabnemab aboka ul yabanaʾ anaba, alja mem aboka yuba sekoka, onoʾ sik arawanob senelemak nim ek yuba dolomak ak ab yaklesil.