PILIPI 2:2 - PERJANJIAN BARU NALCA YUBA

² Mab e, anasa ban nenyek ugunuk ulusilya dara, wera nadya ganya migiba geblemnenulumaʾ ara, neik wanaʾ ubdangoka, neik ganya boboka, neiknya nek unuwanamab senen ganya boboka ulululum.

PILIPI 2:2 ပူးပေါင်းရင်းမြစ်များ

YOHANES 3:29

Dobnamna gel gera, dobnenanya bek aljinya ulumla. Dobnenanya aljaʾ hem bera, sikda dobdanaraakanya, doblanya bedya yuba hnon kelemla dara, eiya dablamla. Anasonya neikik, wera nababya hyak nauba eiya dablenel.

RASUL 1:14

Sikda nidyaʾ ganya hnonok hiboka, heng uboka Imik Neyung ak mololsinilimek. Dara, sikda gelewa nauba uboka, Yesus alja genong Maria geb, Yesus alja weisab eb, neikaʾ longowoka heng uboka lelemek.

RASUL 2:1

Wera, Yahudi nim perob sum Pentakosta seleb oka yenemok dara, nimi nidyaʾ yuba dib senewoka men domek nim era neikaʾ ak mamagomek.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

RASUL 5:12

Dara, yuba lenaʾ gak nang adya nimi gangganek yokaʾ-yokaʾ lok so beknaʾ ab, senenggomaʾ lok so ununaʾ gong gong anyek, unura yabalamek. Wera Imik Neyung yuba dolomek nim era ganya hnonok uboka Salomo pik sindamak sam mamagoka yuba dolomek.

ROMA 12:16

Ugunda hnonok ganya seininaʾ ok boboka ulululum; ugunda unuwanggunusomnya hyak imiknya nenyek seininggom, mem. Bok anja ganya era or sobnya domdigumnya nek an doro dilililom. Na nong ak hyak geremseng nong seneldanaʾ ara hyak mem!

1 KORINTUS 1:10

Nadya hemyab o, nara nunjaʾ Wenelesilnya Yesus Kristus si sibuka, ugunda ganya bokoldanaʾ hyak loboka, hnonok ganya boboka, hnonok seininaʾ seiniwoka, hnonokaʾ ak hiboka ulululumaʾ aboka, neik so ganya ok yo aldalalulumaʾ aboka, nara ugunuk wenelesin.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

2 KORINTUS 2:3

Wera anasa nak ara, ganya hek elegananesom nim edya, nak soloma nenewonumunuk aboka, anaso seinimna yub era, an momnya doboka beibsisa. Nadya ganya eiya dabnenel dara, sikja ganya eneba eiya dabnesil senewoka ubsa.

2 KORINTUS 7:7

Dara, nuk ganya heksukaʾ ara, Titus be anyagan yokaʾ adya ok gom, alda ugunja alak hek elegolumaʾ adya numba ganya heksuk. Alja dara, ugunja nab hyak eibdeisibya senelelumaʾ anyek, alda nak neknyok. Anya hnonda ugunja angoo senelelumaʾ ara, onoʾ nak mala dolonulumaʾ anasa, hyak nauba so eiya dabnyok.

PILIPI 1:4

Nara ugun nidyaʾ amba leboka, sob-sobaʾ Imik Neyung ak molol yabasin dara, nara hyak eiya adya, perob ganya boboka mololesin.

PILIPI 2:20

Al Timotius bek hnonok alak ok nadya ganya seininaʾ eneso uboka, ugunuk perob senewanameijaʾ anyek aboka seinilesilnya bera an.

PILIPI 4:2

Ugun penya gelewa Euodia, Sintike o! Ugun penya yuba dolomak nimi geknebaʾ neik ganya boboka pe ulurumaʾ aboka moloweisin.

KOLOSE 2:5

Wera na nong anaba ugunublaboka neikaʾ unggulumab bok, ganya ak dara, nara ugunub neikaʾ ulumab. Anya ugunja Kristus ak dib senewoka migibaʾ ululum ab, ugunja ganya pe meebdangoka ululum dara, nara eiya dablenel.

2 TESALONIKA 2:13

Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

2 TIMOTIUS 1:4

Nadya dara, ugunja ganya angwei senelelumaʾ ara seiniwoka mololesin. Ban nenesa leboka, nara anab hyak okoka eibdeisinimaʾ adya, nadya ganya hekneso senelamna.

PILEMON 1:20

Anasa wera, Wenelesilnya benesa leboka, hem o anda nak arawananelem senelamna. Anya Kristus lomok neik wanaʾ uldalamab nim ulumabnya nenesa, nak an ganya sangab eleganenelem.

2 YOHANES 1:4

Imik Neyung adya nuk alja lelesil sok, genong anja mabo darasam ara, dib yuba sunuwoka ulumakaʾ anyek, nara eiyiwoka, nara hyak eiya ulunel.

3 YOHANES 1:4

Yoknya nedya nak ganya sangab elegoka ubnenggununeso, alda wera nadya mab era, dib yuba lelemlaʾ sunuwoka ulumak an yub edya danyek, hnonok hyak nauba eiya dablenel.