PILIPI 2:14 - PERJANJIAN BARU NALCA YUBA

¹⁴ Ugunda yok-yok wa welemun dara, wabdangoka oldanaʾ loboka welelulum.

PILIPI 2:14 ပူးပေါင်းရင်းမြစ်များ

MATIUS 20:11

Wera nang era sikda rupiah en seleb dobek dara, wa damnya bek yo yaboka leb yaboka,

MARKUS 14:5

Ban mek enera gibnaʾ hnonok amba deknaʾ dolomak rupiah anaso dekoka, ban rupiah era bonaʾ garan ulumak nim ek eleganeseng!” hyeekanya, sikda gel genyek an nauba wabek.

MARKUS 9:14

Wera Yesus ab, Petrus beb, Yakobus beb, Yohanes beb dara, yok yuba doro diriga ban nang ek sam meinik abaʾ ara yanggek dara, sikda nimi nauba longolomekaʾ ak eibek. Sikda Yahudi yuba neksin nang eb, yok diriga ban nang eb dara, yokaʾ ak leboka leleldalamekaʾ ak eibek.

LUKAS 5:30

Parisi nanga hnon, Yahudi Imik Neyung yuba neksin nanga hnon wene nang edya, sikda lek ganya bomeekanya, Yesus adya alja yuba doro diriga ban nang ek, ”Ugunda hekasa rupiah molowoka dosin nang ab, malya nang eb, neikaʾ delelum do?” aboka heibsik.

RASUL 15:2

Bok Paulus beb, Barnabas beb dadya dara, nera sondaʾ lelelum aboka dogom aboka dukaʾ lolom-lolom aboka lelemek. Wenyabdanggiga balameekanya, wera Paulus beb, Barnabas beb, Antiokhia heikek Imik Neyung yuba dib domek nang eb, Yerusalem heikek bindiwoka Imik Neyung yuba lenaʾ gak nang eb, yuba dam nang eb, ban yub enyek sal binimab aboka, lebdangamek.

RASUL 15:39

Dara danyek, Paulus beb Barnabas beb nauba lolowoka wabdangoka lelereekanya, wera doluwoka bokdangoka, Barnabas bera Markus beblaboka neikaʾ Siprus mokaʾ mek ekla bunaʾ adya bukoka birik.

RASUL 15:7

Wera sikda nauba seiniyimeekanya, yuba saldibilloklomek danyek, Petrus bedya sekoka lemokja, ”Hem yab o, Imik Neyung adya men salek enyek, ugun gangganek ab nak gaboka doboka, perob lero yanggan yuba Yahudi gom nim ek lero balamlya adya sikda Imik Neyung ak dib senewanokaʾ aboka nak sekiyinyok ara, ella ululum.

RASUL 6:1

Dara, wene salek era, Yesus yuba doro diriga ban nang era, onoʾ nauba danggiga balamok salek enyek, Yahudi nang bok Yunani yuba salamek nang edya, onoʾ Yahudi nang yokaʾ ak walamek. Yunani yuba salamek nang edya, nunja you gelewa era, bonaʾ yok nang ek ara nauba boklelum jok, ban you gelewa ek hnon donggulumak, aboka walamek.

ROMA 12:18

Ban unun ganya era ugunja ganya doboka unulumnelum dara, wera yok nang eb ganya kwebdangoka ulumnelum!

ROMA 14:1

Ganya dib senenaʾ hmengnya bek ara, aljinya leblenya nera keb loboka doblom.

ROMA 16:17

Bok hem yab o, nara ugunuk wenewanesin, anedya ugun men neksikaʾ doblum yub an, onoʾ yoksonya, nimi ganya bokdanok aboka, ganya sunuwoka doulub meneganasonya nenyek, sik ban unuwanasiseng nang ek pe keebdaboka ulululum. Wera anasa, sikenek pika leiboka ulululum!

1 KORINTUS 10:10

Hnon Israeli nim edya, mona yeilib menegoka byablemek dara, Imik Neyung adya nimi somogollilesil lero edya osuk. Anasa, numbabya mona yeiliwoka lenaʾ ara mem.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

GALATIA 5:15

Bok ugunda si glekoka obdangoka, malya neneldalamun dara, ugun moumen soldowoka dengabdomunuk aboka, pe keeboka ulululum.

GALATIA 5:26

Nunja yok nang ek dengdang ganya boboka, ganya soloma nenebdangoka, hman ganya boldanaʾ ara, hyak mem.

PILIPI 2:3

Ugunda yokaʾ-yokaʾ unuwanamunaʾ ara, nunokok perob dosulul senewanamunya nek gom, dengdang ganya bobnemunya nenyek unuwanamab senenaʾ ara hyak mem. Alda saawoka, ugunda nidyaʾ yok-yok ganya sokok nenebdangoka ulumunukanya, nak dara or malye bok, yok nim ek danyek, perob nang era, an senen ganya bobdangoka ulululum.

1 TESALONIKA 5:13

Sikja welemakaʾ anasa, wanaʾ uboka sikenek hyak perob aboka seinililulum. Waldanaʾ oldanaʾ loboka, pe hiboka neikek ulumnalum.

1 TESALONIKA 5:15

Malya ubnyok senewoka, onoʾ saawoka albabya diriganamna seneweijek aboka, pe kemero ulumnelum bok, ugun dam nang ak hnon, perob dolulaʾ aboka unulumunjok onoʾ nimi yok nim ek hnon, perob ok unulumnalum.

IBRANI 12:14

Anasa nimi yok nimi nidyaʾ ab dara pe ganya olokdangoka ulunob senewoka ulululum. Anya pe geisa unaʾ orok dara, nimi be hnon Imik Neyung ara eibnenggunumlaʾ anasa, pe geisa unaʾ anyek yeiriwoka doblelulum.

YAKOBUS 1:20

Nimi yu ganya adya, Imik Neyung adya unuwanok senelelanya nenyek bo yangganggulumla.

YAKOBUS 3:14

Bok ugunda hman ganya boboka, ganya oka debdangoka, yok nim era malya so bok nanokok pewonulul senen ganya bolomun dara, wera perob dib unaʾ yub powegoka dangab menegoka, nonggo abdangoka geremseng ulumna senenaʾ ara mem.

YAKOBUS 5:9

Imik Neyung adya ugunuk henga geregoka obsilyek anasa, ugun moumen malya nenebdangoka, youmburaʾ debdangoka uldanaʾ ara mem. Nimi yan lelesinaʾanya bera seleb younunaʾ aboka gegelamla bok anasa, ugunda pe beknelum!

1 PETRUS 3:11

Bera onoʾ malya unaʾ ak dara, mok geboka ululul. Hnonda anya, alda perobnya nenyek ok unululul. Nara yok nim ek ara heknaʾ ganya ok boboka ulumnamna senewoka duboka ululul.

1 PETRUS 4:9

Yokaʾ-yokaʾ ak seiniwoka yu yabnaʾ loboka, ugun moumen anaba ugunjaʾ e pik perobaʾ lebdangoka doboka beil dalalulum.

YUDAS 1:16

Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.