PILIPI 2:11 - PERJANJIAN BARU NALCA YUBA

¹¹ Sikda nidyaʾ adya dara lebnemakja, ”Yesus Kristus anyek hnonok Wenelesilnya dibaʾ ulumla,” aboka laga lebnemak, dara wera anadya, neyung Imik Neyung ara alja si imik nenewanamak.

PILIPI 2:11 ပူးပေါင်းရင်းမြစ်များ

MATIUS 10:32

”Heknedya nimi hnoum ab, nara Yesus yuba doboka diriga balananya aboka laga lelemla dara, nababya neyung imik ululanya saramek sam ab uboka albabya laga lebnamna.

LUKAS 2:11

Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla.

YOHANES 12:42

Bok, Yahudi dub nang edya, nimi nauba darasam Yesus ak dib senewoka dolomek. Bok, Parisi nang edya, Yahudi nang Imik Neyung gibnaʾ ek weknaʾ mem hisijek aboka, lok anasa, Yesus ak dib senelemab anaʾ ara doknowoka lolomek.

YOHANES 13:13

Ugunda nak Neklesilimnya, Wenelesilimnya, alanulumaʾ ara, al unu ulumnaʾ anasa, dib lelenulum.

YOHANES 13:14

Dara, nara ugunja neklesinya wenelesinya dangoka ulumnakanya, ugunuk yana mek elegeisin dara, wera ugumbabya yana mek elegeldalamnasom.

YOHANES 14:13

Neyung bek, me adya imik nenewolulaʾ aboka, ugunja or hekaʾ ok do nadya si sibuka mololonumun dara, unulumnesin.

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 17:1

Wera Yesus ara ban nen seleb wenyabgogomok dara, imik sam keeb weininggoka, Imik Neyung ak lebokja, ”Neyung o, unun salek era wera seleb laga dal. Anasa, Neyung o, anja me nedya anak si imik nenewogululaʾ aboka, albabya alja si nenyek wen imik nenewalom.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

YOHANES 5:23

Neyung bedya ban unumoknya nera, nim adya neyung bek giblemak sok, onoʾ alja me nek giblenokaʾ aboka umok. Wera anasa, heknedya alja me nek gibnenggulumla dara, wera al bokol yeilimoknya bek gibnenggulumla.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

ROMA 14:11

Nera an momnya donaʾ ulumla sok, ”Imik Neyung yub ara anaso lelemla, na embengaʾ ulumnaʾ anasa, nimi nidyaʾ ara na saramek koma lumugoka bul yanamaakanya, nimi nidyaʾ Imik Neyung ak giblemnemak.”

ROMA 14:9

Wera nenesa leboka, Kristus ara seleb somogoka embengaʾ subuk. An unuwoknya nera, alda somoklemak nang ab, or embengaʾ ulumak nang ab, siksamba wenesinya dounun aboka unuwok.

ROMA 15:9

Anya yok mok soko nim era, sikda Imik Neyung ak alja angoo yadyek senewoka arasinaʾ anasa leboka giblemneseng uruma geknewoulul aboka unuwok. Nera an momnya dobokaʾ ulumla sok, ”Anasa nara yok mok soko nimi gangganek ab anak giboka, anja si amba mazmur ber adya seboka giblemnenggen.”

1 KORINTUS 12:3

Imik Neyung Geisinya adya bo ulusilya nim edya dara, ”Yesus ak ara meilinya,” hemenggom anasa, ugunda ella danalum aboka, neksin. Anasonya neikik, onoʾ Imik Neyung Geisinya adya diri bo usinaʾ orok nim edya, ”Yesus anyek Wenelesilnya ulumla,” hemenggom anasa lebsin.

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

1 KORINTUS 8:6

nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 YOHANES 4:15

Heknedya Yesus ara Imik Neyung bedya me aboka laga lelemla dara, Imik Neyung ara al lomok ulumlakanya, bera onoʾ Imik Neyung lomok ulumla.

1 YOHANES 4:2

Wera ugunja nera, Imik Neyung ak ab ganya seininaʾ ara ban, anya yok seininaʾ era ban, aboka okoka beknaʾ ella danalumaʾ ara, ban adya ella danalum: Yesus Kristus ara sokok an nimi dangoka yeilimok aboka, laga lelelanya benyek, wera Imik Neyung ak ab seinilelanya bera an.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.

WAHYU 3:5

Heknedya malya unaʾ ak ab oblamaganalanya bera, neik so geisa akleng ek ongowanamla. Anya alja si nera nim embengaʾ un bukuk sam ulumlaʾ ara, eimik eneba hyak lubnenggunumna. Nadyaʾ neyung Imik Neyung be saramek sam hnon, alja lero nang hogung ak sam ab, nim enera nadyaʾ ak ulumla aboka laga lebnamna.”