PILIPI 1:7 - PERJANJIAN BARU NALCA YUBA

⁷ Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

PILIPI 1:7 ပူးပေါင်းရင်းမြစ်များ

RASUL 20:23

Bok Imik Neyung Geisinya adya, nara yabalamna heikek nidyaʾ ara, wera anak henga goubsin ek beibnenjak sum hnon, nauba gweklemnalam sum hnon, yenewanenggel wenyalanelaʾ ok, nara ella ulumna.

RASUL 21:33

Dara, senenggom yin bonaʾ dubnya bera Paulus be berem biniboka onoʾ gasa henga penya adya, henga gouboka, ubgogowoka dara, Paulus bek sam, ”Anda heknya do?” aboka heiboka, onoʾ ”Anda hek malya unaʾ ek unulum do?” aboka heimok.

1 KORINTUS 13:7

Alda yokaʾ-yokaʾ nidyaʾ ara, pe siklewoka unulamla. Alda yok nim edya perobnya nek dib senelamla. Onoʾ, yokaʾ-yokaʾ adya sene galalamlaʾ anaba, dara onoʾ yokaʾ-yokaʾ ak anaba, hyak ganya siklelmoubuldalamla.

1 KORINTUS 9:23

Ban nidyaʾ nadya unulunanya nera, anadya Imik Neyung alja perob lero yanggan yub amba anasa, nababya perobaʾ donululaʾ aboka ulumna.

2 KORINTUS 3:2

Ugun nong anyek, nunjaʾ wa nen pe welelanya an momnya donaʾ dibaʾ ululumaʾ ara, nunjaʾ ganya lomok sam seleb momnya dobsukaʾ ara, nidyaʾ yok nim edya seleb ella uboka einilemak.

2 KORINTUS 7:3

Nadya ban wenyhenaʾ ara, ugunuk igina nenewosununaʾ aboka lebnenggubna. Eini sam ugunuk lemna sok, nunda ugunuk wanaʾ uboka, nunda hemyabo nang uboka, neikaʾ embengaʾ ubnesibya gom, somoganasibya gom anaba seinilamna.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

EPESUS 3:1

Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

EPESUS 6:20

Wera Imik Neyung adya perob lero yanggan yub enesa lelelulaʾ aboka, bokol yanyokaʾ anasa welemna dara, alsamba yuba sanaʾanya dasa, wera anasa gasa ek henga gouboka beibnyek. Anasa, asaʾ ganya boboka, onoʾ pe lelenunaʾ aboka, ugunda nasamba mololenululum.

PILIPI 1:12

Hemyab o, nadya dara, nak yokaʾ-yokaʾ ununyokaʾ anadya nimi nauba Imik Neyung adyaʾ perob lero yanggan yub ek keboka dib senelamakaʾ anyek, ugunda ella danasom senelamna.

PILIPI 1:13

Damok ara anadya wera, dub nang ek an pika wen nang eb, nimi yok nimi nidyaʾ ab dara, nak henga geregoka beibnyekaʾ ara, Kristus amba aldib urob senewoka ella ulumak.

PILIPI 1:14

Nak henga gouboka beibnyekaʾ adya, wera yok Imik Neyung mab era, asaʾ ganya bob sounuwoka, lok ganya orokaʾ anyek, Imik Neyung adya yub era lero yabalamak.

PILIPI 1:5

Nara Imik Neyung ak perob aboka giblamnaʾ damok nong ara, ugun nong anyek anam sum ekaʾ ara moruwoka sumen eneba, ugunda nak arawoka Imik Neyung adya perob lero yanggan yuba wa era neikaʾ welemabaʾ anasa, hyak eiya ganya boboka mololesin.

PILIPI 2:22

Timotius bera ugun gangganek wa pe welesukaʾ ara seleb eillilelum. Alda nablaboka neikaʾ Imik Neyung adyaʾ perob lero yanggan yub era yeiriwoka lero yabalenamnya. Nab alab dara, nimi neyung eb alaʾ me neikaʾ kwebdangoka ulumak sok ulunam.

PILIPI 4:14

Bok ugunja danyek, nak garana bulumnaʾ ak eiyiwoka aralenulumaʾ anasa, wera ugunja nak unu aralenulumnya nera hyak nauba pelenulum.

PILIPI 4:15

Nadya hemyabo Pilipi nim o! Nara men perob lero yanggan yuba lero yabalamsa sum enyek, Makedonia sokok abaʾ ara lo yabasa dara, yok yuba donaʾ nim arawanggunyek, ugumbeyok aranulumaʾ ara ugumba seleb ella ululum; anasa ugun nong anyek, perobaʾ malyaʾ ara nab neikaʾ debyaawouba.

PILIPI 4:3

Nadya hem be an bojam ululamnya bek, ban penya lebna gelewa danyek pe aralesilomaʾ aboka molowagen. Klemens beb nimi yok nanga nab neikaʾ nadya welemna wa yeiriwoka welemouba, onoʾ sik penya gelewa dara, Imik Neyung adyaʾ perob lero yanggan yuba neikaʾ lero yabalemouba gelewa ek anara ulurak. Sikja si nidyaʾ ara Imik Neyung adyaʾ nim embengaʾ un bukuk sam ulusil. Anasa, aralesilom.

KOLOSE 4:18

Nara Paulus bedya gibsin. Ban gibsin yub era nadya soruk nong edya webemna. Nak henga goubnyekaʾ ara sobaʾ seinilinulum. Wanaʾ uboka eleksinaʾ ara, ugunuk ulusulul. Amin.

KOLOSE 4:3

Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

1 TESALONIKA 5:5

Ugunda nidyaʾ dilinaʾ mab silibaʾ, yubyek mab silibaʾ so ululum. Nunda inimnek mab silibaʾ gunaʾ mab silibaʾ unggulumab.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.

PILEMON 1:13

Imik Neyung adyaʾ perob lero yanggan yuba lero yabanaʾ anasa, henga gouboka gasa ek beibnyekaʾ ak an neikaʾ nab ulunimekanya, an lunuwoka na aralenululaʾ aboka banaʾ loblom hununaʾ ubnadyok, wera or bokol yan.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

1 PETRUS 4:13

Bok ugunda Kristus ab neikaʾ igina kwelesilaʾ anasa, pelesil senewoka eiya dabnesuso. Dara Imik Neyung adya Kristus imik nenemokaʾ laga danamla salek enyek, ugunja ganya hyak nauba eiya dabnesil.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

2 PETRUS 1:13

Nunjaʾ neyung Wenelesilnya Yesus Kristus adya nara sokok anara loboka, imik heikek sam bininanya nera ulumna seleb nekenelaʾ anasa, nara anam embengaʾ ulumna salek era, nadya wa nenyaʾ aboka ugunuk pe bekellilimnesin dara, perob senelamna.

1 YOHANES 3:14

Alda nunja ella ulumabnya nera, nunda somoknaʾ damok ok ab ara goubuka, embengaʾ unaʾ damok ok sam yeilimoubnya hnonok, ella ulumab. Nunda ban nen ella ulumabaʾ ara, nun kabo nim ek wanaʾ ulumabaʾ adya, anara ella ulumab. Wanaʾ unggulusilnya bera, wera weneba alda somoknaʾ lomok or anam ulumla.