PILIPI 1:6 - PERJANJIAN BARU NALCA YUBA

⁶ Wera Imik Neyung adya albeyok ganya doboka, aljaʾ perob wa nong enera ugun gangganek an web einimokaʾ ara, onoʾ welmorulamlyaʾ ara, Yesus Kristus yanamla sum ek loboka webdaknamlaʾ anyaʾ senewoka, an nong ak hnonok dib senelamna.

PILIPI 1:6 ပူးပေါင်းရင်းမြစ်များ

YOHANES 6:29

Dara, Yesus adya sikenek ara, ”Imik Neyung adya ugunuk unuwaneseng senelamlaʾ ara, alja bokol yeilimoknya bek dib senewoka doloseng senelamla,” hyok.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 16:14

Dara, sik hnoum an bulumok gel gera alja si nera Lidia, alda Tiatira mok eb gel gek ulumok. Alda mouk dok akleng ek deknaʾ dekoka dolomok gel ulumok. Dara, alda Imik Neyung ak giblemok gel ulumok. Dara ban sum enyek, Paulus bedya neklesukaʾ ak pe keboka doblulaʾ aboka Wenelesilnya bedya alja ganya bakamok.

1 KORINTUS 1:8

Dara, Wenelesilnya Yesus Kristus yanggalya sum era, ugunuk hnon gegena ponaʾ orokaʾ anyek eibsununaʾ aboka, Kristus adya lobongganggonggom, ugunja ganya kallilimnesil.

2 KORINTUS 1:15

Ban unu dib senenaʾ enedya, nara men ugunuk kemel yanasin senemsaʾ ara, anadya perob eleknaʾ li penenya dobnelum senemsa bok, nara lanab lobsa.

2 KORINTUS 2:3

Wera anasa nak ara, ganya hek elegananesom nim edya, nak soloma nenewonumunuk aboka, anaso seinimna yub era, an momnya doboka beibsisa. Nadya ganya eiya dabnenel dara, sikja ganya eneba eiya dabnesil senewoka ubsa.

2 KORINTUS 7:16

Ugunda yokaʾ-yokaʾ nidyaʾ ara, pe unulumnamakaʾ anyaʾ senelesinikanya, nara nauba eiya dablenel.

2 KORINTUS 9:4

Nara hnonok lok ganya boboka seinilamnaʾ ara, nara ugunuk yangganya sum enyek, Makedonia nimi hnon nub neikaʾ binimab aboka yeijikanya, nadya lelenanya nera sondaʾ dalyek senelamna. Nunda ugunuk ara seleb aldib orowek seleb doboka beiyirob hyubaʾ anasa, anyek ununaʾ orokaʾ eibnemak dara, nak alya dabnenel. Orok dara, ugumbabya alya ubnesil.

GALATIA 5:10

Nunja Wenelesilnya bedya bo ulusilaʾ anasa, nunja nekesuba yub ek ara, loboka yokok sam ganya beibnemakaʾ anyaʾ senenggulusin. Bok, alda ugunuk anyek malya nenewousunun senewoka ululanya bera, alak an igina yanamla.

EPESUS 4:12

Ban unura elegousukaʾ ara, munaʾ Imik Neyung mab era, welenok aboka elegousuk. Pe welemeijaʾ adya, Kristus adya nonga perobaʾ nenewoka nauba danggiga balalulaʾ aboka elegousuk.

PILIPI 1:10

Wera ban adya ugunda perobnya nenyek ella uboka welemunaʾ adya, Kristus yanamla sum era, ugunja nong unaʾ era, gegena ponaʾ loboka malya ulumak nim aboka yana kibsilyek anasa, mololesin.

PILIPI 1:29

Anasa Imik Neyung adya ugunuk perob eleknaʾ elegosukaʾ ara, Kristus ak dib senelenokaʾ aboka ok eleganggubsuk, alda onoʾ Kristus amba igina kweboka gweklenokaʾ aboka hnon, elegosuk.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

KOLOSE 2:12

Anasa wera, ugunda meka dasik dara, alab neikaʾ soko lokiyiwosuk. Anya onoʾ Imik Neyung migibaʾ adya somoknaʾ gangganek ab, weboka bukiyiwok migib enyek, ugunda dib senewoulum adya, wera onoʾ ugunda alablaboka neikaʾ subuka bukiyiwousuk.

1 TESALONIKA 1:3

Ugunda dib senewoka wa wenaʾ ak hnon, ugunda wanaʾ uldalalumaʾ ak hnon, ugunja Wenelesilnya Yesus Kristus yanamla senewoka ganya mel-mel aboka salalmoublelumaʾ ak hnon, banera nunja neyung Imik Neyung saramek sam sobaʾ beklemab.

2 TESALONIKA 1:11

Ban nenesa leboka, ugunuk anaso unuwousululaʾ aboka, nunda ugunsamba sobaʾ heng uboka mololesab. Nunja ugunsamba heng uboka mololesabnya nera, ugun nong anyek Imik Neyung adya ugunuk youbosukaʾ anasa, anaso unu ubseng senelelanya nenyek, gigiwoka pe ululumaʾ aboka mololesab. Anasa wera, Imik Neyung adya ugunuk aralesilyaʾ adya, ugunja Kristus ak dib senemoub aboka welelum wa nidyaʾ ara, pe unulumunaʾ adya pebgiga balalulaʾ aboka, Imik Neyung migib adya ugunuk sam ak dara, alja senelamla sok gigiwoka unulusulul.

2 TESALONIKA 3:4

Hnonda ugun nong anyek, nunja Imik Neyung lomok uboka, aldib sikda nunja ban unulumnelum aboka orugosubaʾ ara, wen hnon unulumakaʾ ara, onoʾ eimik hnon unulumnumakaʾ anyaʾ senelesab.

PILEMON 1:21

Ban momnya donaʾ en anak beibgenaʾ ara, nadya unuwanalam aboka molowagenya nera, al or unuwanamlaʾ ara ella ulumnakanya momnya doboka beibgen. Orokaʾ anaba wenyanaʾ oroknya neneba nauba unub lolowanamlaʾ anyaʾ aboka ubna.

IBRANI 10:35

Wera anasa, Imik Neyung adya perob deknaʾ nauba ugunuk eleganesilaʾ anasa, ugunja men ganya goulowoka dib senelumaʾ ara loboka ganya boknaʾ ara mem.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.

2 PETRUS 3:10

Bok Imik Neyung yanamlaʾ ara, nim edyaʾ hokaʾ dolomak nimi gelelenga yabalamak sok uboka yanamla. Imik Neyung yanamla sum era, im ara liming yub adya iriri aboka joboka denghenemla. Imik sam yokaʾ-yokaʾ ulumlaʾ ara dengaboka uka denemla. Soko ab yokaʾ-yokaʾ nidyaʾ dubuk sam ulumlaʾ dengaboka orok danamla.