PILIPI 1:17 - PERJANJIAN BARU NALCA YUBA

¹⁷ Bok men lebman yok nang ek dara, Kristus yuba lero yabalamakaʾ ara, dib gomnya nenesa nunokok pewosulul senewoka lero yabalamak. Ban unulumakaʾ nong adya, wera na an henga geregoka beibnyekaʾ anyek ulunanya bek an nauba igina kweiyiwanamab senewoka unulumak.

PILIPI 1:17 ပူးပေါင်းရင်းမြစ်များ

LUKAS 21:14

Ugunda mala dobdangoka blebdanamna amba dara, anyek-anyek yuba sabnamna senewoka ganya daldom-daldom henggunumna senewoka orowek ganya hwiblulum.

RASUL 22:1

Paulus wenhyok, ”Neyung yabo hemyab o! Nadya wen ugunuk yuba garabdanamna. Anasa keblulum.”

RASUL 26:1

Wera danyek Agripa bedya Paulus bek, ”Wenera anda yuba saboka sekdanalam anasa, or wenyaldal yabalom,” hyok. Dara, wen Paulus bedya soruk eb weininggoka leb einimok.

RASUL 26:24

Paulus bedya anam wenyaboka yuba garawoka leldalamok salek enyek, Festus bedya Paulus bek dobmoruwoka lemok ara, ”Paulus o, anda hyak serema salawajok an. Anja yokaʾ-yokaʾ nauba ella dangalalam an adya, anda serema salawajok an,” aboka lemok.

ROMA 2:8

Bok sik na pewanenelyaʾ anyek senewoka ane digum anyek eboka, dib nong ak blekoka, malyaʾ ak pe keboka unulumak nang era, yu sen-sen aboka wema dabnaʾ damok ak sikenek eleganesil.

PILIPI 1:18

Bok anaba or maly! Wera dib damok emba gom, sondaʾ amba bobnenewoka Imik Neyung yuba lero yabalamakaʾ anaba, Kristus si ak lero yabalamakaʾ anasa, nara eiya dablenel. Anya eimik eneba sobaʾ eiya dablemnenel.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

PILIPI 2:3

Ugunda yokaʾ-yokaʾ unuwanamunaʾ ara, nunokok perob dosulul senewanamunya nek gom, dengdang ganya bobnemunya nenyek unuwanamab senenaʾ ara hyak mem. Alda saawoka, ugunda nidyaʾ yok-yok ganya sokok nenebdangoka ulumunukanya, nak dara or malye bok, yok nim ek danyek, perob nang era, an senen ganya bobdangoka ulululum.

1 TIMOTIUS 2:7

Dara wera ban nenesa leboka, nak yuba lel eleksinya lenaʾ gaknya sekiyinyok. Wera Yahudi gom nim ek, nadya dib senewoka jong dangalamak yuba leb elegosululaʾ aboka nak sekiyinyok. Nara ban wenyalananya nera dib lelemna, sonda ak lenggulumna.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.

2 TIMOTIUS 4:16

Nak heng goubenyekaʾ anasa, men yuba garawoka sekeldalamsa sum era, nimi ben hnonok sibin anaba arawanggunyek. Sikda nidyaʾ lobnyeekanya, sen-senem abgogorob. Anasa, wera malye, Imik Neyung adya sikenek nera malya ublum henggunususo, senelamna.