PILIPI 1:13 - PERJANJIAN BARU NALCA YUBA

¹³ Damok ara anadya wera, dub nang ek an pika wen nang eb, nimi yok nimi nidyaʾ ab dara, nak henga geregoka beibnyekaʾ ara, Kristus amba aldib urob senewoka ella ulumak.

PILIPI 1:13 ပူးပေါင်းရင်းမြစ်များ

RASUL 26:29

Bok Paulus bedya lebokaʾ ara, ”Nara Imik Neyung ak heng uboka mololamnya dara, or wene salek gom, mandewanamso gom anaba, na ulumna sok ugumba danasom ara, alda wera henga gobenyek heng enyek hnonok unuwanggunumso bok, na ulumna sok danasom aboka mololamna,” hyok.

RASUL 26:31

Wera sikda beiyik goboka yibilemek dara, sik moumen leldalamekja, ”Benyek dara, henga geregoka oboka gasa ek beiyiwoka dibneseng malya unaʾ hnon, meknewoka unaʾ orok bar,” alamek.

RASUL 28:17

Paulus bera Roma heikek ara seleb li winilya mabok dara, Yahudi nang bok Roma heikek ulumek Yahudi dub nang ek yanalum aboka ebmamagesuk. Wera sikda seleb mamagel yeilimek dara, sikenek Paulus bedya lebsukja, ”Hem yab o! Nara nunja mok soko ek hnon, nunja neyung yabo youmaʾ nang ek ab domobnya nenyek hnon, laga blekoka hnon ubnenggumsa bok, Yerusalem heikek ab nak henga gouboka Roma nang ak elegel yanyek.

RASUL 28:20

Anasa, nara ugunublaboka neikik eibdangoka mek yuba sabnemab senemsa. Anasa leboka, Israeli nang adya eimik yanamlakanya blebnesil anasa diri ulumabnya benesa, Yahudi nang adya dara, henga goubenyek,” hyok.

RASUL 28:30

Wera Paulus bera Roma heikek ara alja rupiah seʾ dekemok ek, gobdo gibnaʾ penya ulumokok ab dara, nimi nauba alak yalamek dara, nidyaʾ perob aboka doro dililisuk.

EPESUS 3:1

Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

EPESUS 6:20

Wera Imik Neyung adya perob lero yanggan yub enesa lelelulaʾ aboka, bokol yanyokaʾ anasa welemna dara, alsamba yuba sanaʾanya dasa, wera anasa gasa ek henga gouboka beibnyek. Anasa, asaʾ ganya boboka, onoʾ pe lelenunaʾ aboka, ugunda nasamba mololenululum.

PILIPI 1:30

Anasa, ugunda wenera nab neikaʾ perobnya nenyek dobnobaʾ aboka dulumab, nera nadya youmaʾ dulumsaʾ seleb eiyilumnya hnon, anya onoʾ weneba sobaʾ or dulumnaʾ anyek, wen seleb kelelumnya nenyek lebna.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

PILIPI 4:22

Munaʾ Imik Neyung mabo nidyaʾ heik enyek an ulumak nim edya, nauba so dib nong ara, Kaisar dubnya bedyaʾ ek welemak nim edya ugunuk perob aboka giboka lebsak.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.