PILIPI 1:11 - PERJANJIAN BARU NALCA YUBA

¹¹ Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

PILIPI 1:11 ပူးပေါင်းရင်းမြစ်များ

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

YOHANES 15:2

Nak doka mounggulumla soruka nidyaʾ diblamlakanya, nidyaʾ molulanya nera, nauba dangoka sobaʾ moubgiga balalulaʾ aboka, onoʾ gereboka lelekdeboka memelamla.

YOHANES 15:8

Ugunda doka nauba molumnesil dara, nadyaʾ neyung bedya si imik nenewoka, ugunda nadya yuba doro diriga ban nang dibaʾ ulumnulum,” hyok.

ROMA 15:28

Anasa nara ban wa nen seleb webdaknyakanya, yok mok soko nim edya sikja yeiriwoka eboka beiyirobaʾ anyek sikenek elekgogoweisinya dara, nara ugunuk pik ab uboka Spanyol moka binimna.

ROMA 6:22

Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

1 KORINTUS 10:31

Ugunja yokaʾ-yokaʾ nidyaʾ unululumaʾ ara, ugunda gwaneng deregoka meka deregoka, Imik Neyung si imik danalenya nenyek ok unulululum.

2 KORINTUS 9:10

Imik Neyung adya yinaʾ melelanya bemba yinaʾ beiyiwoka, onoʾ den damba gwaneng eleklesilnya bedya, ugunsamba yinaʾ nauba nenewoka, ugunja pe unulumnulumnya nenyek nauba moullilimnesil.

EPESUS 1:12

Nunda Kristus ak men dib senewoka, ganya weboka ulumab nim era, Imik Neyung adya hyak senenggomaʾ lok soʾ unuwousuknya nenesa leboka, anya alja gibeldonaʾ danokaʾ aboka weboka dobsuk.

EPESUS 1:14

Imik Neyung adya alja mab ek eleganasin amokaʾ dib dobnemak senen beknaʾ dibaʾ ara ban Geisinya lomok ulusilaʾ adya ulusil. Alda beknaʾ ulmorulusilaʾ ara, eimik Imik Neyung adya munaʾ dekoka dobsuk. Ban nenesa, Imik Neyung bek giblenob.

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

EPESUS 5:9

Anasa Imik Neyung dilinaʾ ak ab lanalamlaʾ ara, perob ganya bonaʾ ab nimi yok nim ek pe ununaʾ ab, yok-yok dib yub era lanalamla.

PILIPI 4:17

Wera nera nak dara, ugunja beibnulumaʾ anyek ganya dibyooka donaʾ ok dob lobnun senen ganya bonggulumna. Alda nadya dara, nim Imik Neyung yuba doboka ulumak nong unaʾ enyek ugunuk sam nauba dosulul senelamna.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

KOLOSE 1:6

ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

2 TESALONIKA 1:12

Wera ban nenyek unulumunaʾ adya, wera nunjaʾ Wenelesilnya Yesus ara si imik nenewanalumukanya, onoʾ nunjaʾ Wenelesilnya Imik Neyung adyaʾ aljaʾ wanaʾ uboka eleksinaʾ sunuwoka, nunjaʾ Wenelesilnya Yesus Kristus adya ugunja si neneba imik nenewanasil aboka mololesab.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

IBRANI 12:11

Dara aldib, alja nuk wenelesilaʾ ara yokaʾ-yokaʾ sunuwoka ganya eiya dabnaʾ lananggululabok, hnonda ganya oka denaʾ ak lanalamla. Bok eimik dara, alja wenewoka neklesil nim era, ganya namen uboka pe unaʾ dok ak lanalamla.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

1 PETRUS 2:5

ugun nong ak dara, embeng girik gong ek anaso ululumaʾ anasa, ugun nong anyek, Imik Neyung adya doboka perob ganya e solomla. Wera anadya ugun nong ak dara, Imik Neyung amba ok munaʾ gobdo ulumak yuba lenaʾ gak nang anaso uboka, Yesus Kristus pik uboka, Imik Neyung ak giboka perob aboka ganya eleknaʾ eleklelum. Dara, alda ban eleknaʾ enyek perob senelesil.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

1 PETRUS 4:14

Ugunda Kristus adya diriga ban nim ululumaʾ amba leboka yok nim edya walasak dara, wera anara Kristus adyaʾ Geisinya imik ululanya, Imik Neyung Geisinya bera ugunuk an seleb ulusil beknaʾ ulumlaʾ anasa, pe ululum.