PILIPI 1:1 - PERJANJIAN BARU NALCA YUBA

^1-2 Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

PILIPI 1:1 ပူးပေါင်းရင်းမြစ်များ

MARKUS 13:34

Sununaʾ ara, nimi be hnon yok heik binibnekanya, alja wa wen nim ek nadyaʾ ara pe diri bo ulululum aboka, anda wa nenyek welemnelam aboka wa yok-yok elege balasil. Dara pik sindamak sam welelanya bek, anda pe welsinilelom aboka oruga balamla sok, ubnamla.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

RASUL 1:20

Onoʾ Petrus bedya dara, ”Anasa orowek Mazmur yub ek momnya domok ara, Alda ulumlya ak ara yokaʾ yuba deso aboka nimi gakdenaʾ ak danamla. Al ulumlyaʾ ak ara, nimi lunuwoka unaʾ ara lobnemak, hyok. Onoʾ hnon momnya dobokaʾ ara, Alja wa weboka ununaʾ ella dangamlyaʾ ara yok nim lunuwoka dorowanamak, wenyamok,” hyok.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

ROMA 1:7

Ugunda Roma heik ululum nimi nidyaʾ ara, wera Imik Neyung ara seleb wanaʾ ulusuukanya, ugunuk munaʾ Imik Neyung mabo danalum aboka youbosuk nim ek ara, wanaʾ uboka eleksinaʾ ab, perob dangoka pe namenaʾ unaʾ ab danyek, Imik Neyung bek ab hnon, nunjaʾ neyung Wenelesilnya, Yesus Kristus bek ab hnon, ugunuk arawoka bo ulusulul.

1 KORINTUS 16:10

Timotius bera ugunuk an yalya dara, alda nababya Wenelesilnya bedya wa welemna sok, albabya neik wa welemabnya bek anasa, ugunuk ganya goluwosululaʾ aboka perobaʾ leboka pe doro dibnelum.

2 KORINTUS 1:1

Nadyaʾ hemyab, Imik Neyung yuba donaʾ nim Korintus heikek ululum nim eb, Akhaya sokok sam munaʾ Imik Neyung mabo nidyaʾ ab, hemyab o! Nara Paulus bedya, Yesus Kristus adya yuba lenaʾ gaknya, Imik Neyung adya senemokaʾ sunuwoka sekiyiwanyoknya bedya, nunjaʾ hem be Timotius beblaboka,

GALATIA 1:10

Anasa wera hekaʾ hulumla senenulum? Nim adya or perob senelenyaknya nek elemna gom, Imik Neyung adya or perob senelenelnya nek elemna gom? Goma, nim adya perob senewanenok senewoka pik elemna de? Wenyek nim adya hnon perob senewanenok senewoka pik elemnya dara, nara Kristus adya wa wenya unggulumnaʾ laga danganenaʾ ara an.

GALATIA 3:26

Ugunda Kristus Yesus ak dib senelumaʾ adya, wera ugunda nidyaʾ Imik Neyung mabo dibaʾ ululum.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

EPESUS 1:15

Wera anasa, ugunda Wenelesilnya Yesus ak dib senewoka domeekanya, onoʾ nimi nidyaʾ munaʾ Imik Neyung mab ulumak nim ek wanaʾ ulumak an yuba kebsisa dara,

EPESUS 6:24

Nunjaʾ Wenelesilnya Yesus Kristus ak orok dengaboka sarangganggunumla wanaʾ unaʾ edya, wanaʾ ululum nang ek wanaʾ uboka eleksinaʾ adya bo ulusulul. Nara Paulus bedya gibsin, perob.

PILIPI 2:19

Ugunuk pe ulumak an yub kebnyekanya, nadya ganya eiya dabnululaʾ aboka, Wenelesilnya Yesus aralenelaʾ adya, Timotius bera ugunuk an mek anam bokol yanesin.

PILIPI 2:5

Ugunda Yesus Kristus adya bobok ganya enyek boboka ulumnulumaʾ ara,

PILIPI 3:12

Nara seleb hyak pelemna, hnonda seleb perobaʾ ak ulumna senenggulumna. Alda Kristus Yesus beilesil deknaʾ enyek dobnun senewoka yeiriwoka dulumna. Ban nenesa alja unulululaʾ aboka, nak alja bleboka dobnyookanya, aljinya nenewanyok.

PILIPI 3:3

Nera nuk danyek bolaʾ garanaʾ dibaʾ ara seleb domouba, sikenek dara orok. Nunda Imik Neyung giblemabaʾ ara, Imik Neyung Geisinya adya bo ulusilaʾ adya giblemab dara, onoʾ nunda Yesus Kristus ab seleb neikaʾ kwebdangoka ulumabaʾ adya perob aboka giblemab. Nunda sokok an seʾ nim adya ok ganya doboka unulumaknya nek ganya dib beiliwoka unggulumab.

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

1 TESALONIKA 1:1

Paulus beb, Silvanus beb, Timotius beb dadya, Tesalonika heikek yuba donaʾ nim ek momnya donaʾ en beibsab. Ugunda Imik Neyung lomok ululumukanya, Wenelesilnya Yesus Kristus lomok ululum. Dara, wanaʾ uboka eleksinaʾ hnon, namen ganya bonaʾ hnon, ugunuk elegousulul.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

2 TESALONIKA 1:1

Hem yabo Tesalonika heikek yuba donaʾ nim, nunjaʾ neyung Imik Neyung mabo dangoka Wenelesilnya Yesus Kristus mabo dangalum nim ek,

2 TESALONIKA 1:10

Ban nidyaʾ ara, Imik Neyung ak dib senelemak nim edya gibnunaʾ aboka hnon, onoʾ alja munaʾ Imik Neyung mab edya nak gibnenokaʾ aboka yanamla sum era, ugunda nunja bo yeilimouba yub ek dib senewoka dolumaʾ anasa, yok nim unuwanamakaʾ gangganek sam ugumbabya ulumnelum sum enyek, nidyaʾ gigiwoka unuwanamla.

1 TIMOTIUS 1:2

ganya dib senenaʾ ak ara, nadya me yokaʾ Timotius ansamba ban momnya en momnya doboka beibgen. Anya wera nunja neyung Imik Neyung adya, hnon nunjaʾ Wenelesilnya Yesus Kristus adya, wanaʾ uboka eleksinaʾ hnon, angoo yadyek senewoka arasinaʾ hnon, ganya hekoka unaʾ hnon anak ulunggulul.

1 TIMOTIUS 3:8

Neikso, Imik Neyung ek arasinaʾ nang eneba, eirigal ganya bonggulumak nang, sibamaʾ penya-penya lenggulumak nang, yu mek denggulumak nang, rupiah nauba dobsibya ganya bonggulumak nang enyek, yok nim edya sikenek perob senewanemeija nang ek, ulunok.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

PILEMON 1:1

Nunjaʾ hem Pilemon o, nunjaʾ hem be uboka, neik wa welemabnya ululam! Nara Paulus, Yesus Kristus amba leboka henga goubnyeknya bedya, nunjaʾ hem be Timotius beb neikaʾ uboka, ban momnya donaʾ enera anak beibgenem,

IBRANI 13:23

Hnonda ella ubnelumaʾ ara nunjaʾ hem Timotius bera seleb bok dorogek. Anya wera al men yalyaʾ seleb dara, nara alablaboka neikaʾ ugunuk kemel yanesinim.

YAKOBUS 1:1

Nara Yakobus bedya Imik Neyung ab, Wenelesilnya Yesus Kristus amba arawoka welenanya bedya, obadya nang yilaʾ ak, mok soko me nidyaʾ ob lelewoka ululum nim ek nadya perob aboka gibsin.

1 PETRUS 2:25

Youmaʾ dara, ugun nong ara weiningdangamna pam eneso ululum, bok wenyek dara, perob pama beilinaʾanya bek dobdo yeiniboka, ugunja ganya beiyiwoka bo usinya bek yeiniboka ululum.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.

WAHYU 1:1

Ban buku enyek an momnya dobokaʾ ara, Yesus Kristus adya eimik unuwanalanya nemba yub ek ulumla. Imik Neyung adya dara, Kristus ak onoʾ alja wa wen nim ek eimik men berra unuwanamlaʾ anyek aawosululaʾ aboka elegok. Ban nenesa leboka Kristus adya dara, alja lero pik uboka, alja wa wenya Yohanes bek nekok.

WAHYU 1:20

Wera sekbadya guraʾ nadyaʾ sirik soruk ak sam ab, uk dininaʾ sekbadya ulumlaʾ eiblamaʾ gunun damok ara, Sekbadya guraʾ era sekbadya yuba donaʾ nim edya lero nang era an, anya sekbadya uk dininaʾ ara, sekbadya yuba donaʾ nim era, gereja nong ara an,” hyok.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 2:12

Pergamus heikek yuba donaʾ nimi lero ek ban unuwoka momnya dobnelam: ”Ban yub enera u penyaʾ paranga sala ululanya bedya yub era an.

WAHYU 2:8

Smirna heikek yuba donaʾ nimi lero ek ban unu: ”Ban yub enera men youmaʾ ulumokaʾ ara, onoʾ eimik sobaʾ ulmorulumnelanya bedya yuba, alda seleb somogoka onoʾ embengaʾ dangamoknya bedya yub era an.

WAHYU 22:9

alda nak lebokja, ”Anaso ununggom, mem! Nara an soʾ ak uboka, anjaʾ hemyab ununumnaʾ lelemek nanga hnon, onoʾ nimi nidyaʾ ban buku enyek an momnya dobok yub ek dib senewoka ulumak nang enesonya. Alda Imik Neyung ak ok hnonok gibnelam!” hyok.