PILEMON 1:6 - PERJANJIAN BARU NALCA YUBA

⁶ Nadya heng uboka mololenanya nera, nunda seleb Kristus ab neikaʾ kwebdangamoubnya nenyek, nunda yuba dib dolomab nimi geknebaʾ uboka, yuba doboka Kristus lomok ulumabaʾ adya ulusilaʾ anyek pe ella ublulumaʾ aboka mololosin.

PILEMON 1:6 ပူးပေါင်းရင်းမြစ်များ

MATIUS 25:16

Wera lambadya rupiah lemoknya bedya dara, alda biniboka, onoʾ yok lambadya rupiah dek sounuwoka dobok.

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

1 KORINTUS 14:25

sikja ganya lomok sam yokaʾ-yokaʾ doknolomlaʾ ara, nidyaʾ laga danamla. Anadya nimi danara, dunuwoka omouwoka Imik Neyung bek giblemnemak. Dara nim enedya, Imik Neyung ara aldib ugun gangganek sam ulusil aboka laga lebnemak.

PILIPI 4:8

Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

KOLOSE 1:9

Anasa, an unu ulumak an yub kebub salek eb moruwoka, nunda ugunsamba sobaʾ heng uboka mololdibilloklesab. Ugunda Imik Neyung adya senelamla ganya anyek pe munaʾ gobdo ella ublulumaʾ aboka, yok-yok Imik Neyung ak ab geremseng un ganya ab, yuba domna adya ella un ganya ab, boblulum aboka nunda mololosab.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

YAKOBUS 2:14

Nadya hemyabo nim o! Nimi ben hnon alja unulamlaʾ nidyaʾ ara pe ununaʾ orokjok, ”Nara Imik Neyung yuba donya,” henemso dara, nera perob danamso de? Ban unub menegoka dib senenanya nenedya dara al nonga blebnamso de?

YAKOBUS 2:17

Anasonya neikek Imik Neyung yuba dib senenaʾ ak sam ara neneso ulumla, yuba anaso lelemlaʾ anasa, nab anaso seiniwonun senenaʾ orok dara, yuba dib senelemabaʾ ara salyaʾ lelem dangalamla.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

1 PETRUS 3:1

Anasonya neikek ugun gelewa anaba, ugunja nenyab edya yuba pe kelelulum. Dara, ugun gangganek ara, Imik Neyung yuba dib senenggulumeija nimi hnon ulumnemak dara, ugunja dara sikenek ara yuba sal eleknaʾ loboka, ugunja pe unulumun nong unaʾ enedya sikda Imik Neyung ak dib senewanamak.

1 PETRUS 3:16

Bok ban unuwanamunaʾ amba dara, pe namen ganya edya heknaʾ ganya boboka unuwanalum. Ugunda Kristus adya diriga ban nim ulumnelumaʾ anasa, yok yuba donaʾ orok nim edya wabnesak bok, ugunja pe ulumnelumnya nenesa wabnesak ab dara, onoʾ sik dam nimi meknewab senewoka sikenek saawoka alya dabnesilaʾ anasa, perob unaʾ an ella ululumnya nok unulululum.

2 PETRUS 1:8

Ban nidyaʾ lebna ganya era, ugunja unuwanasomaʾ ara an. Anasa ban lebna unaʾ ganya en diligaʾ doboka nauba danggiga balasilya dara, nunjaʾ Wenelesilnya Yesus Kristus ak anaba hyak pe ganya olowoka ella danalumaʾ ak dara, ugunda yeiriwoka wa weboka pewanalum.